|
|||||||
| علاج مرض الصدفية والامراض الجلدية ملتقى يختص بعلاج الامراض الجلدية ومرض الصدفية المزمن وآخر ما توصل اليه العلم حول هذا لمرض |
|
|
أدوات الموضوع | انواع عرض الموضوع |
|
#1
01-08-2009, 05:52 PM
|
||||
|
||||
عصافير وزارة الصحه ونصيحة العجوز
السلام عليكم إخوانى الاعزاء فى المنتدى الغالى رجعت اليوم من الملاحه حوالى الساعه الثامنه والنصف صباحا وعند وصولى ألى منزلى لقيت واحده ست عجوز تيجى كدا من سن إمى قاعده على البسطه بتاعة بتنا وفرشا عيش يبرد لان جنب بتنا فى فرن عيش المهم الست دى تعرفنى وانا صغير كنت بلعب مع اولادها اللى من سنى ركنت المتوسكل وسلمت عليها وذهبت إلى الجراش اطلع العربيه لان فيها شغل فى الشكمان ولازم اعمله يعنى هضطراروح دمياط على بُعد 12 كيلو المهم الست دى قالت لى يا حاج انا عاوزه اقولك على حاجه قلت لها إتفضلى يا حجه أى خدمه ( هى سيده على قد حالها )أنا قلت فى نفسى يمكن عاوزه مساعده قالت لى يابنى انا سمعت من ولادى على إللى إنتى فيه وإنك لفيت ولا خليت حته إلا مرحتها تدور فيها على علاج قلت لها ربنا يشفى يا حاجه قالت لى إنت رُحت الجلديه إللى فى دمياط قلت لها لا بس كشفت عند مُديرها فى عيادته الخاصه ( وقتها ) قالت لى طيب ما تجرب يمكن يكون فيها الشفا يابنى ( بطريقة الناس العواجيز ) قلت لها ماشى يا حاجه وطلعت المنزل غيرت ملابس البحر ولبست ملابسى العاديه وركبت العربيه وذهبت إلى دمياط خلصت عند بتاع الشكمان وانا راجع قلت لنفسى طيب ما إنتا كدا كدا فى دمياط وجنب الجلديه طيب ما تفوت ومش هتخسر حاجه المهم دخلت وأخدت تزكره بجنيه وزهبت إلى الكشف وكان فى ناس كتير جدا والموجود دكتوره واحده المهم جابو كمان ثلاثة دكتره بنات أظن إنهم متخرجين من ساعه فى نفس الغرفه والكشف بقى سريع المهم خرج ناس وجلسو على جنب منهم واحد لو حد شافه هيعيط بدل الدموع دم انا بكل ما في من ألام يعتبر أنا لسه ممرضطش بالصدفيه مقارنه بحالته ربنا يشفينا جميعا دخلت وشافتنى دكتوره شكلها كدا لسه متخرجه من ساعه برضو وقالت لواحده تانيه منهم لوك لوك لوك لوك أمو متلمين عليا وعملولى فحص شامل المهم ودونى لدكتور تانى وبرضه لوك لوك لوك لوك قال لهم بألاطه شديده ديى صدفيه طالع فيها حراره الدكتور ده انا اعرفه كان فاتح عياده فى الحى عندنا وانا كاشفت عنده قبل كد المهم بعد الفحص والتمحيص والوك لوك لوك إدونى أنبوبة مرهم ( كبريت )وخمس برشامات هرش و10 برشامات مضاد حيوى وكيس نايلون فى سائل أزرق فى إيدى كدا ( كان ناقص تقولى حطهم فى حجرك ) طبعا وقالت لى على طريقة ألإستعمال بالفم ليست مكتوبه لسه هقول لها يا حاجه ممكن تكتبيهم كانت هى لحقانى بالكلام وسع شويه يا إستاذ للي وراك مش فضيالك خرجت من العربخانه إللي بيقولو عليها مستشفى وركبت العربيه وانا بترجم وبهرصن قلت لنفسى ..طيب انا الحمد لله أقدر اصرف على المرض طيب غيرى إللي ميأدرش يعمل إيه لا حول ولا قوة إلا بالله المهم كان فى شريط فى الكاست فشغلته طلع شريط لشفيقه وكانت بتقول ( جربت الحب مره كت مره وهى مره أنا عشت سنين طويله ..كانت ليالى مُره وإنفجرت فى الضحك بهستريا وقلت جرت الجلديه مره كت مره وهى مره كان فى ناس كتيره ومعاهم مأسى مُره وفضلت أرددها طول الطريق وانا بضحك
__________________
انا مصرى وافتخر (طائر سعيد )طائر جريح سابقاً أنا بشر لست معصوماً من الخطأ قد أُصيب وقد أُخطء أشهد أن لا إله إلا الله و أشهد أن محمدا رسول الله אני להעיד כי אין אלוהים מבלעדי אללה ואני להעיד כי מוחמד הוא שליחו של אלוהים אני מאשר כי הציונים הם אויבי האנושות I bear witness that there is no god but Allah and I bear witness that Muhammad is the Messenger of God 
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
|
|
|
Powered by vBulletin V3.8.5. Copyright © 2005 - 2013, By Ali Madkour |
العرض الشجري