أشعر بلمعة ف ضرس محشو ، ما السبب؟

[اللائذة بالله]

السلام عليكم ورحمة الله
اولا مرحبا بك اختنا عبير الايمان
واسمك جميل جدا فيه نفحة ايمانية تبعث السكينة في النفس
ونشكر اختنا العزيزة بسمة شهيد لتلك البادرة الطيبة
ولو سمحتي عندي استشارة
عندي ضرس محشو من سنين ومنذ ايام احس وكانه تسري فيه مثل الكهرباء او مثل اللمعة في السن
لا اعرف ان كان الشرح واضح
اود ان اسال عن السبب وبصراحة انا لم اذهب لطبيب الاسنان منذ فترة لان صوت الة الحفر ترعبني
ولا اطيقها ( اسفة جدا ) ولكن هذا الواقع
وبارك الله بك وجزاك كل خير
ورحم الله وردة الصيدلية العراقية وتقبلها قبولا حسنا
ورحم الله امواتنا واموات المسلمين

[عبير الايمان]

اختى الحبيبه اللائذه بالله

اسفه جدا جدا جدا على تاخير الرد

بس والله ماشفت الموضوع الا حالا

واشكرك جدا على مدح الاسم دا اختارتهولى الاخت قطرات الندى جزاها الله كل خير

واشكرك اكتر على دعائك للاخت ورده ربنا يرحمها رحمة واسعه

بخصوص ضرس حضرتك انا مش فاهمه بيلمع يعنى ايه ؟؟

طيب هل الضرس دا محشو بالبلاتين ؟؟

هل فى ضروس مقابله له محشيه بالبلاتين ؟؟

لان لو فى اكتر من ضرس محشيين بالبلاتين مقابلين ببعض دا سعات بيعمل احساس بكهرباء تسرى فى الضروس

فلو حضرتك لكى اكتر من ضرس محشيين بالبلاتين مقابلين لبعض

يبقى لازم تروحى لطبيب اسنانك يشيلك حشوه منهم ويحشى مكانها ماده غير البلاتين زى الحشو الابيض الضوئى

لان دا مش هيعمل كهربا مع حشو البلاتين


وياستى متخافيش لو الة الحفر بتدايقك

والله وجع ساعه ولا كل ساعه

وبعدين اذا كنت انا نفسى خفت منها لما الدكتور بتاعى حشالى ضرسى

بس لازم الانسان يبقى متماسك

عشان الاحراج يعنى ههههههههه

ياريت يا اختى تردى على اسئلتى اللى فى اول المشاركه

عشان اتاكد ان التشخيص صح

عشان لو مش كدا يبقى فى كلام تانى