ناس وناس<2> يا أحـــــلي ناس(موضوع تعدى الألف رد)

[ღ زهره الجنه ღ]

وفي ناس بتقول لبشرى الاسلام طالت غيبتكِ عني

[عبق الأحبة]

و ناس بتئول السلام عليكم

[صمود جنين]

وفي ناس بتقول وعليكم السلام ورحمة الله وبركاته وبتسلم عليكي مسك القسام

[عبق الأحبة]

اي شكراً بلستين انك و صلتلي السلام
و أنا كتير مشتاقالها
كيفكم بالمنتدى؟؟؟؟؟؟

[صمود جنين]

الحمد لله
وفي نا بتسلم على كل الناس وبتقول لسليمان وينك بدي احكي معك شوي

[الأمــــيــــرال]

وسليمان تحت خدمتك أخي بلستين لوفر
وأذا بدك أيميلي لتعارف أكثر فأنا جاهز

[صمود جنين]

أنا ما عندي ماسنجر بس بدي اسألك انت تخصصك صيدلة

[الأمــــيــــرال]

اي انا تخصصي صيدلة
وانا بالسنة الأولى لسع

[صمود جنين]

منيح معناتها كنت شاطر بالمدرسة بدي اسألك بالصف الحادي عشر كيف كنت يعني كنت مأهمل الدراسة شوي ولا لأ وبصراحة لإن أنا بصراحة هاي السنة ما منيح لان بدي اترك المدرسة واسجل بمعهد خاص لإن المدرسين افضل
وانت بالبكالوريا سجلت بمدرسة خاصة

[الأمــــيــــرال]

أخي انا تعزبت كتير بالبكلوريا لان مادرست الحادي عشر
فولله كله مرتبط ببعضه
وانا ما سجلت بمعهد خاص لان ما كنت بدمشق سنة البكلوريا ولا الحادي عشر
كنت بمدينة القامشلي في محافظة الحسكة
والتدريس فيها ماشي حالو
وانا ما رح ع المدرسة سنة البكلوريا بس قدمتها نظامي يعني مو حر
وفتحت دورات شبه خاصة عند أساتذة لهم سمعتهم في البلد