أرجو الاطلاع على مشاركتي وانتظر بفارغ الصبر ردودكم التي هي بمثابة ضوء ينير لي طريقي

[بنـ الكويت ــت]

لوول خلاص خلاص بليز
لاتقرون مشاركتي الي مساع
ازمه وعدت والحمدالله ..

المهم ازيرا انتي تركتي الماي والملح ؟؟
ونسيت اقولكم شغله
وحدة من طرف ابوي قالت حق امي تعرف ناس بناتهم فيهم صدفيه
قعدو يشربون الحلتيته لمدة سنه بعدها تشافو من الصدفيه !!
وانا ان شاء الله يمكن اول ماتخلص امي النفاس ابدي بهالشي .. حدي متشجعه
لاني احب الاشياء الي تنشرب وتنوكل ماحب دهان وجذي

[بوسطن]

بنت لكويت سمعى الكلام من ازيرا ترى هيجتوا الصدفيه بعنادكم وتشائمكم انتى مع تيمون مال خيزرانه ماى ملح
ههههههههههه

[بنـ الكويت ــت]

لووووووووووووول
شكلك بتلزخنا لزاخ بالخيزرانه
يماااااااااااااي :p
باجر مدرسه ويع

[بوسطن]

هانت شدى حيلك وحطى هم الصدفيه بالدراسه راح تشوفين نفسك بصحه وعافيه

[بنـ الكويت ــت]

الله يسلمك
حتى المدرسه احس كلش مالي خلقها
كانت نفسيتي تتعب
لما اشوف البنات يركضون ويمشون
وانا المشي علي بالحسره لان صدفيتي تتشقق وتعورني وتحرني ..

بس يالله ياربي اجري مايضيع ان شاء الله ..
دعواتكم اخر كورس لي هذا

[بوسطن]

غلطانه مرض الصدفيه نعمة تخفيف ذنوب وصدقه جاريه تصدقون انا صرت دكتور والسبه المرض
وانتوا عطيتونى دافع اكثر واكثر يالله نجحى صيرى دكتوره جلديه هههههههههه يارب الله كريم

[timon]

لا بنوته بنت الكويت شهالكلام انا خليتكم شوي قمتي تقولين جذي افا عليج
يالله شدي حيلج ومثل ما قلتي هذا اخر كورس شدي حيلج نبي نشوفج من الأواإل
وعقبال ما نشوفج ومعاج أعلى الشهادات وبدون صدفيه انشاء الله
وبعدين مايصير جذي هذيل امج وابوج لا زم تسمعين كلامهم واهم ما يبون لج الا الخير
صدقيني انا عندي بنوته يعني قريبه من عمرج بس انتي اكبر شويونه عمرها سنه ونص
هههههههه بس جذي اتغشمر معاج. انتي اكبر منها بوايد
بس سالفت ان شخص يقرا عليج موصحيح افضل شي انج تقرين على نفسج وبيقين بالاجابه
لا زم تكونين متيقنه بالاجابه ورب البيت كريم

عذراً إليكم فما ضاعت مودتكم . . . وما ارتضينا بغير الشوق عنوانا
يامن نقشتم على قلبي مودتكم . . . وكنتم في قرار العين سكانا

أبلغ أخاً قد تولى الله صحبتهُ . . . أني وإن كنت لا ألقاهُ ألقاهُ
وأن طرفي موصولٌ برؤيتهِ . . . وإن تباعد عن سكناي سكناهُ
ياليتهُ يعلمُ أني لستُ أذكرهُ . . . وكيف أذكرهُ إذ لستُ أنساهُ

ما أطيب العيشِ الرغيدِ بأحبةٍ . . . سكنوا الفؤاد وبددوا أحزاني
سأكون حافظاً لهم ومحباً . . . حباً ينجينا من الخسرانِ
أرجو الإله بفضلهِ وعطائهِ . . . جمعاً وإياهم بخير جنانِ

[بنت العم]

بنوته انتبهي ....بذبج ترا
هذا الحلتيت ياخذونه حق بسم الله الرحمن الرحيم للجن وريحته يقولون تنشم من الجيران
تكفين لا تحوسين واجد...والله انا الدم يصب صب مني واقعد في الماي ووالملح ويخف واجد...والحين صايره اتشمس انا حاسة ان هذه اخر فترةلي مع الصدفية...وي جان زين

[بوسطن]

شفيكم لايأس مع الرحمن يكفى انكم مسلمين عيل الغير مسلم شراح يصيبه لاحول ولا قوه الا بالله

[بنت العم]

قول لها اذبحتني ...ما ادري مين مدخل في راس البنوته الجن والخرابيط
ارجعي لله وبس ....لن يصيبنا الا ما كتب الله لنا
تدرين لمى يكون الواحد في عز شبابة وراجع لله ...ومصاب .....كلها اجر وثواب