انا مسيحية

[وســـــــــام*]

بسم الله الرحمن الرحيم

ونحن حابين وجود الجميع بيننا

مرحبا بكِ وردة فى بيت الشفاء

أسال الله أن يشرح صدرك لما فيه الخير لكِ ولمن حولك

نحن فى أيام مباركة وباقى أقل من شهر وندخل شهر رمضان الكريم

تعرفين بالتأكيد كم نحن نشتاق لهذا الشهر وروحانيته الطيبة لعظمة عطايا الرحمن فيه

فأوله رحمة وأوسطه مغفرة وآخره عتق من النار

نسأل الله أن يبلغنا إياه ويرزقنا ثوابه ويرزقك الهداية وراحة البال

شاكرة حسن وجودك وتواصلك منذ البداية

[الفراشة المتألقة]

شكرا فراشة متالقة
الشكر لله يا سكرة ، كلو من ذوقك
مرحبا بعودتك بالسلامة
مرحبا فيكِ منورتنا والله ، بعدي أنا هون بأفريقيا كمان أسبوع وبرجع ع الدار بإذن الله ، بس هاليومين رحلاتنا صغيرة فبلاقي وقت لحتى فوت ، ومع النت المرضان هاد ما بفتح إلا موضوعك وبطلع ، بهمني أكون معك ع طول الخط ، ولو غالية علينا إنت ، ومابدنا نتركك أبدا
شكرا جدا على كلماتك الى بطمن يعنى ما فى شئ لو لتواصلت معكم وانا مسيحية
اه طبعا مافيها شي ، ولو أي حدا زعجك أو دايقك فورا احكيلي ول لأي مراقب أو مراقبة وبنتصرف معه دغري ، نحن هون إخوة وأخوات وممنوع أي حدا يؤذي التاني ولا بكلمة ولا بحرف .
الإسلام ما منع إنه نتواصل مع أصحاب الديانات التانية ، بل بالعكس لازم نختلط مع الكل ، وبالزمانات الإسلام ما انتشر إلا من حسن أخلاق التجار المسلمين ، لا بالسيف ولا بالحرب ولا بالسب ولا بالحكي البذيء ، مجرد التجار المسلمين لما كانوا بيسافروا تيشتروا البضاعة ويبيعوها وهن عم يلتزموا بأخلاق المسلمين دخلوا الناس للدين الإسلامي مجموعات مجموعات ، لأنه دين الإسلام هو دين حسن المعاملة .
ولا لازم اسلم لاشارك بالملتقى انا حابة ملتقاكم وبحاول اقرا كمان من برا عن مواضيع وبشوف مواضيع الى بيحطولى اياها
أنا حكيتلك قرار إسلامك هاد بيدك ولا حدا بيقدر يجبرك عليه بنوب ، لا أنا ولا غيري ، وبعدين لو كانت القصة بالإجبار إنت ممكن تحكي إنك دخلتي الإسلام حتى تكوني معنا وبالحقيقة إنت بعدك ع المسيحية ، فشو صارت الفايدة بهاللحظة؟
فش فايدة إلا إنه عم نكزب ع بعض وخلص ، وهالشي مو حلو بنوب ، ولا في داعي لهالشغلة أصلا .
إنت حابة ملتقانا ، ونحن حابينك كتير وبيعلم الله أديش أنا شخصيا حبيتك بس لمجرد إنك صادقة وما كزبتي ، وهالشي بيدل ع إنك إنسانة كتير كتير منيحة ومعدنك أصيل ، وبدعيلك دايما الله ينور قلبك وييسر أمرك ويلهمك الصواب ويشرح صدرك للإسلام ياارب .
كلامك صح اهم شيئ انى اكون مرتاحة لاخد القرار وانا شايفة انو مو وقته هلاء لانى متعلقة باولادى ومتاكدة انى راح انحرم منهم اتحملونى
بسيطة ولا يهمك
هيني معك خطوة خطوة ، ولا مستعجلة بنوب .
أنا بدي ياكي تكوني مقتنعة بكل شي ، والله يكتب الي فيه الخير يارب ، وعندي قاعدة أنا دايما بحكيها ( كل شي بوقتو حلو :d ) .
ممكن من بعد إذنك تحكيلي أديش عمرن ولادك؟ حاسة إنن كتير صغار وأنا بموت ع الصغار كتيـــــــــــــــر منشان هيك عم بدرس بتخصص رياض الأطفال :d
ناطرتك أنا ما تنسي تحكيلي :d

[الفراشة المتألقة]

بتعرفي يا قمرة ، بدي ياكي تعملي تجربة هي بتكون متل جس النبض لزوجك ، ومن نتيجتها بتعرفي رأيه بالموضوع ، بهيك إنت رح ترتاحي كتير لأنك بتقدري تحددي شو بيكون مصيرك لو اتخذتي القرار الأخير ، مو تضلك هيك خايفة ومترددة .

هاي التجربة حكيتها أنا لوحدة رفيقتي وجربتها وزبطت معها ، ولقت النتيجة إنه الكل من حولها حابين الفكرة وهن بدهن بفوتوا ع الإسلام بس مو عارفين الطريق ..

بلشي مع زوجك بما إنه أقرب واحد إلك واحكيله التالي:
قرأت موضوع عن فايدة السجود ، هاي الحركة يلي بيعملوها المسلمين بصلاتهم ، وكتير شدني الموضوع لأعرف بس من باب الإطلاع والمعرفة ، لقيت إنه الشخص المسلم لما بيسجد وبيحط وجهه ع الأرض وهو فاتح عينيه هاد الشي بيقوي البصر لأنه الدم بيوصل بنسبة أكبر ، كمان كل الشحنات السالبة الي بالجسم بتنزل بوقت ما تلامس الجبهة الأرض ، منشان هيك المسلمين بيحسوا بالراحة وقت السجود.

كتير حابة أنا أجرب هيك شغلة ، شو رايك ؟ تجرب معي ؟

وشوفي شو بتكون ردة فعله من هيك حكي ..
هل رح يعصب ؟
ول رح يتقبل الموضوع ويتناقش معك ؟
ول رح يسكر الموضوع ؟

الحكي يلي أنا حكيتلك هو عن السجود صحيح مانو غلط ، فما تخافي لو إنه هو حابب إنه يدور عن مدى صحته .

وبدي ياكي تعرفي شغلة مهمة كتير:
لو صرتِ مسلمة هاد ما يعني إنك رح تصيري منبوذة وماحدا يقرب منك ولا يلمسك ولا يحكي معك ، لا بالعكس .

الموضوع عادي جدا ، بس إنت رتبي الموضوع ، وامشي بالتدريج ، مو كل شي فجأة يتغير ولا كل شي فجأة ينترك ، هيك شغلة غلط تنعمل ، لأنه الإنسان لما يتعود ع شي ، بدو وقت لحتى يتعود ع شي تاني .

متل الناس يلي بيدخنوا السجاير مثلا ، مو هيك فجأة يصيرو بطلو التدخين ، لأ بيمشوا بخطوات ومراحل ، لحتى يتعودوا شوي شوي انن يبطلو الدخان نهائيا .

إنت متل هيك بتعملي ، وأنا رح ساعدك إنه كل خطوة تعمليها اشوي اشوي ، حتى الي حوليك ما ينزعجوا ويصيروا يحاربوكِ أو يستهزئوا منك .

هـلأ إنت عم تقرئي كتير ، وأنا بدي منك الي تقرئي تخزني بعقلك ولا تعملي ولا شي منه حاليا ، بدي تمشي خطوة خطوة حتى لا إنت تنزعجي وتملـّي ، ولا الي حوليكِ ينزعجوا ، فهمتي علي يا سكرة؟

منيح هيك اه؟

هـلأ أول شي بدي تعمليه إنه تحكي مع زوجك يلي حكيتلك هو بالأول ، وخبريني شو بيصير معك حتى أحكيلك شو الخطوة التانية ..

ناطرتك أنا

الله يوفقك ويسهل أمرك ويشرح صدرك
يــــــــــــــــــــــــــــــــــارب

[روكيا]

السلام عليكم ورحمة الله وبركاته اختي وردة الشفاء اتمنى أن يكون هذا التشتت من بوادر الهداية لاتفوتك الفرصه هذه نعمة من ربي أنك عرفتي دين الإسلام فهناك غيركي الملايين لم يحظوا بهذه الفرصة وانصحكي بقراءة الكثير عن الإسلام حتى تكوني على بينة( انا أسفه ماأعرف اش اقول لكي أكثرمن كذا مافي في يدي غير اني ادعيلك الله يهديكي لنور الإسلام).....

[angel`s tears]

اهلا بيكى وربى يهديكى وانت لو قريتى كتير فى ديننا هتحبيه وقلبك هييتعلق بيه ولو سمعتى القران الكريم هيمس قلبك وهتحسى بيه وهتحبيه

[ضرار الأقصى]

يعني الاشي اللي رح يشجعك تسلمي انك من رام الله يعني فلسطين واحنا عنا نسبة المسيحين قليلة يعني الاحتكاك اليومي بالمسلمين اكثر بكثير ومن خلالهم رح تعرفي كل شيء عن الاسلام واخلاق المسلمين.
بعدين الجميع هون بخدمتك انتي شايفة ماشاء الله رح ندخل على الصفحة الخامسة يعني كثير ناس معك واقفين.
ياسيدتي الفاضلة نسال الله الهداية لك ولجميع الاخوة والاخوات .
يقول الله تعالى "انك لاتهدي من احببت ولكن الله يهدي من يشاء"
ونسال الله ان تكون قد حانت ارادة الله عز وجل لك بالهداية

[القلب الحزين]

السلام عليكم ورحمة الله وبركاته

ايتها الحائرة على امواج البحار

ايتها الحائرة بين متلاطم الكلمات

اقول لك لعلي اتييت بوقت متاخر لان اخواني سبقوني بالكلام الجميل الرائع
وبالحق الظاهر والنور الساطع وبجمال حب الرحمن لنا ولكِ

سوف اختصر الكلام ... رددي كلمة الله هو الواحد بقلبك وان ضاقت بكِ الدنيا
قولي يارب محمد ورب الانبياء ورب الملائكة الكرام من لي سواك
سوف تجدي هناك حلوة بقلبك وان ازداد الايمان بقلبك سوف يزداد حبك لكل خير

هناك بعض الامور المهمه إن حبيت ان تعرفي عن اسلامنا شيا
اولاها ... عليكِ باخذ الكتيبات التي تتحدث عن الدين الاسلامي وسماحته واخلاقة وحبه لكل شخص مسلم مسيحي يهودي اسلامنا لا يجرح في احد ابد هذاهو ديننا إن حبيتي معرفته حتى تعرفي عن الاسلام كل شي

ثانيا ... عليكِ ان تتخذي اليقين الصحيح وان تعلمي بان الله هو الخالق وحده وانه ليس هناك اله غيره سبحانه هو الذي يطلع الشمس من مغربها وهو الذي يسير السحاب الثقال وحده اينما شاء سبحانه

اخيتي هذا ان اسلمتي .... اعلمي رحمك الله بان ديننا يخاطب العقل ويخاطب الحق وليس هناك في كل يوم نعمل كتاب مقدس جديد ...لا ... قراناً باقي منذ1400 سنه ولم يتغير فيه حرفا قط

ام المسيحيه فلقد خلطو الحابل بالنابل او اي دينه اخرى صدقيني الاسلام هو الحل
هل من الممكن ان تجيبيني ........

هل هناك عالم دين وا شيخ مسلم ... دخل النصرانيه او اليهوديه او غيرها ..؟!

الاجابه لكــــــــــــِ !!!

لكن هناك الكثير من النصارى بل قسيسن ورهبان اعتنقُ الاسلام بل وغاصو في حلاوته وجمال منبعه ...

هناك عندنا حديث ورد عن الحبيب محمد صلى الله وعليه وسلم الصادق المصدوق ان لم تنتبهي له فانت في خطر كبير

قال النبي صلى الله عليه وسلم: ((كل أمتي يدخلون الجنة إلا من أبى؟ قيل يا رسول الله من يأبى؟ قال: من أطاعني دخل الجنة ومن عصاني دخل النار))[1] فأتباع محمد صلى الله عليه وسلم هم الذين يدخلون الجنة دون غيرهم، ويقول صلى الله عليه وسلم: ((والذي نفسي بيده لا يسمع بي أحد من هذه الأمة: يهودي ولا نصراني، ثم يموت ولم يؤمن بالذي أرسلت به إلا كان من أهل النار)


ايتها القتاه الطيبة ... نصيحتي لكِ عليكِ ان تكوني متصله بالاخت الفراشة المتالقه سوف تجدي عندها كل اجابتك التي تبحثي عنها
فهي نعم الاخت ... فهي لؤلؤة المنتدى واسلامنا وهي خير صديقه لكِ


كل احتـــــــــــــــرامي لشخصكم الكريم ولمنبع طيبك

[وردة الشفاءء]

حبيت اطمنكوا عنى صار تطورات كتيرة وحدخل مخصوص اقلكم عليها

[قلبي لله]

الله ييسر امرك وينور دربك ويزيل غمك ويشرح صدرك للاسلام
الله كبير قادر على كل شيء سبحانه
ياوردة الشفاء

[إسلامنا نور]

اللهم لا تحرم وردة الشفاء من جنتك يارب العالمين نحن بإنتظارك وردتنا