مرضى الصدفية دعونا ندردش (للفائدة)! - الصفحة 49

قاهر الصدفيه · #**481** 30-01-2008, 02:10 AM

اخ بوسطن بشر كيفك
انشاء الله احسن

بوسطن · #**482** 30-01-2008, 04:22 AM

شكراا للسؤال قاهر الصدفيه والاخت حلا لكم جزيل الشكر

بنسبه لمرضى الصدفيه فينى بس نسيتها ونشغلت بالسل صج يهد الحيل عذاب وجحيم الصدفيه اهون
اتمنى اكون زين الله كريم

قاهر الصدفيه · #**483** 30-01-2008, 05:31 AM

الله يعطيك العافيه اخوي

بنت العم · #**484** 30-01-2008, 06:12 AM

اخي بوسطن وش يعطونك علاجات...عسى ما في شي يعور
بروحها الصدفية عله
الحين تقول السل اكثر منها....كان الله في عونك وشفاك ربي من السل والصدفية..ان ربي سميع مجيب الدعاء
قول لاهل يطلعون صدقة ولو بشي بسيط بشكل يومي ...داوو مرضاكم بالصدقة
أذكر مرة ولدي دخل العناية المركزة ...وكان الياس ضاربني ..وقريت حديث الرسول عليه الصلاة والسلام
وتصدقت براتب زوجي كله..ورحت المستشفى الا يقول الطبيب ابنك قاعد يتحسن ويومين وطلع معاي البيت
جرب انت الصدقة ..وان شالله تشفى

بوسطن · #**485** 30-01-2008, 10:10 AM

سلام عليكم
خلصت قراءه القران قلت اشبك بصراحه مت من ضحك يا اخت ازيرا يوم تقولين الصدفيه عله

مرض السل يخلى الانسان طول اليوم على موزه بس اقعد من صبح اكل حبوب على الريق لازم غير دم والاشعات
ولكن السل له اكثر من 14 سايد فكت بمعنى له سلبيات خف النظر الالام مبرحه جدا بالركبه الامتناع عن الاكل
وايد شغلات نسيان يكفى من يصاب بالسل مايقدر ياخذ ادوية الروماتيزم الصدفى انا لامن سل ولا من صدفيه هههههه
الحمد لله اللهم استرنا فوق الارض وتحت الارض يوم العرض

بنت العم · #**486** 30-01-2008, 01:15 PM

ياربي الله يشفيك ويخليك لاهلك....وتفرح بعيالك
هونها وتهون....يعني الحمد لله هذا مرض عارض ولقوا علاج له...تحمل ياخي شوي معليش
سبحان الله الله مقسم كل شي
الاحظ الي ربي معطيه العيال ما خذ منه المال...مثلا والي معطيه الصحة حارمة من العيال
وكذا والدنيا ما تكمل
انا قعدت اشوف هذه النظرية على الحريم ..الي حلوة يكون زوجها ما يحبها او فقير او اي شي المهم حياتها ما تكمل
واذا كملت يصير سبحان الله ما في راحة نفسية وحب واستقرار او ما يحس بالسعادة ..والله قاعدة اخربط وما ادري وش قاعد انت تفهم.هههه
ارجوا انك فهمت علي...وبعدين ترا الموز حلو مع اني ما احبة بس الاطبة يقولون انه يعتبر وجبة كاملة
يقول الدكتور ان اعطي ولدي موزة وخلاص هذه تعتبر وجبة العشاء مثلا
صار ردي جريدة ...اعذرني على الاطالة وادعيلك من ظهر الغيب...بس اسمك بلد ..يالله المهم النية ان انت ههههه

بوسطن · #**487** 31-01-2008, 12:13 AM

اللى بالخبر او دمام نسيت اقولكم شئ كنت بالخبر فى مجمع اسمه اتوقع الجمعه مووول فى داخل المجمع حواى او عطار دور ثانى تصعد سلم تشوفه فى يمنى يشتغل سئلته عن دواء للصدفيه

قال كان راسى كل صدفيه وبعض المناطق عالجت فى محل عطاره بالدمام جمب مسجد ومستوصف قديم يقول 5 ريال طبت صارلى 10 سنوات ماردت الصدفيه علاجه مافيه كرتزون اتمنى افيدكم بالملاحظه

بنت العم · #**488** 31-01-2008, 12:57 AM

عفوا اخوي بوسطن ...تكفى تكلم بالعربي...مافهمت
اي اعرف جمعة سنتر..واي في عطار بس رايح فيها ..ما ادري كان عنده شي للصدفية
طيب اوكي ... وشو الي جنب مستوصف و5 ريال..ألغاز كلامك هههه عيد كلامك الله يخليك

بوسطن · #**489** 31-01-2008, 04:28 AM

مجمع الجمعه مول فى دور ثانى محل عطار الموظف يمنى هذا الرجال كانت فيه صدفيه سنين
وتم علاجها نهائيا بشراء دواء 5 ريال ما فيه كرتيزون يقول ان المحل موجود بدمام جمب مستوصف قديم ومقابل
مسجد محل عطاره نسيت العنوان بس رجال موجود يمكن يدلكم وتستفيدون اتمنى كلامى واضح شكراا

قاهر الصدفيه · #**490** 31-01-2008, 05:51 AM

اخوي بوسطن الله يعينك على ما ابتلاك والله يعينك على اسئلة ازيرا

ههههههههه امزح بس ازيرا تحب التفاصيل الدقيقه

الذين يشاهدون محتوى الموضوع الآن : 1 ( الأعضاء 0 والزوار 1)