نادي - براعم روضة أطفال الشفاء ( بإنتظار أطفالنا جميعاً )

[نور]

السلام عليكم و رحمة الله و بركاته

كيفكم أطفالنا الحلوين اليوم

إن شاءالله يا رب على طول بخير وعافية و أهم شي نسمع كلام بابا و ماما الله يخليلنا أياهم بخير

أنا حبيت أشكركم عشان بدأنا نتعرف على أطفالنا نوارة حياتنا

1- الطفل : أمير الشفاء ( 12 سنة ) أهلا و سهلا ، خالتو نونا تهديك السلام

2- الطفلة : سارة ( 8 سنوات ) هلا و غلا بأبنة عمو أبو أسيد ، خالتو نونا بتحبك كتير و بتستنى صورتك إن شاءالله ، إحكيله للبابا.

3- الطفل : جاسم ( 5 سنوات ) هلا بالبطل جاسم ، عم ننتظر نشوف صورة بطلبنا الحلو ، خالتو نونا بتسلم عليك سلام كبير

4- الطفلة : نور ( 5 سنوات ) تسلميلي يا رب يا أحلى عصفورة قمورة ، خالتو بتحبك كتير ، تابعينا مع الماما
و شكراً على الصور ننورة الحلوة القمورة ما شاءالله عنك ، ربنا يحفظك من كل شر حبيبتي

5- صغيرتنا الذكية : بلقيس ( 13 عاماً ) مع أن العمر المحدد كان لغاية 12 سنة ، و لكني سعدت جداً تواجدك معنا ، لأني أحب من يعيش طفولته كاملا ، سلامي للذكية الحلوة بلقيس من خالتو نونا

6- الطفل : يوسف ( 8 سنوات ) هلا بالبطل يوسف ، أسمك حلو مثل نبينا سيدنا يوسف عليه السلام ، و بإنتظار نشوف صورة بطلنا الحلو ، و سلام حلو من خالتو نونا و لبابا و ماما كمان .

بإنتظار باقي أطفالنا الحلوين ، عشان النادي يجمع أكبر عدد من أطفالنا القمورين
و نصير جاهزين للمسابقات و الألعاب و نتسلى مع بعض إن شاءالله

و سلامي لجميع من يمر على الموضوع مشكورين

تقبلوا تحياتنا و سلامنا

عمو أبو أسيد و خالتو نونا

في أمان الله حبايبنا الصغار

[نور]

السلام عليكم و رحمة الله و بركاته

كيف الصغار القمورين اليوم

كيف أعضاء نادي أطفال الشفاء
و وين باقي الأطفال الحلوين اللي بننتظرهم يتسجلوا عشان نبدأ بالألعاب والمسابقات

طيب عمو أبو أسيد و خالتو نونا بإنتظاركم إن شاءالله

هلأ خلونا نرحب بالأطفال الحلوين اللي إنضموا لنادينا الحلو و خلينا كلنا سوا نحكيلهم

يا هلا شرفتونا و نورتونا يا قمورين

1- الطفل : عمر ( 7 سنوات ) يا رب يكونوا كلهم فرح و سعادة و ما بدنا نتعب بابا و ماما ، و بإنتظار صورتك إن شاءالله عشان نتعرف عليك يا عمر ، و بإنتظار باقي إخواتك كمان ، خالتو نونا تهديك السلام

و منشكر الحلوة عطر الجنة لأنها عرفتنا عليك ، و بتقدري تشتركي معنا ، رح ننتظر مشاركتك و إنضمامك معنا للنادي عطر الجنة ، ماشي .. سلامي من خالتو نونا و سلامي للماما .

2- الطفلة : يارا ( 3 سنوات و نصف ) هلا و الله بالعصفورة الصغيرة يارا ، خالتو نونا بتحبك كتير ، و بتحب تسمعي كلام بابا و ماما ، و بإنتظار أخوكِ القمور يزن عشان نتعرف عليه كمان و صورتك حلوة كتير يارا القمورة ما شاءالله ، و خالنو نونا بتحبك كتير .

بإنتظار باقي أطفالنا الحلوين ، عشان يصير النادي كبير و حلو
و نتشارك فيه مع كل أطفالنا القمورين
و نبدأ بالإلعاب و المسابقات خلال العطلة الصيفية ، و نتسلى مع بعض إن شاءالله

و سلامي لجميع الأهل الكرام و قبلات خالتو نونا لجميع القمورين الصغار

تقبلوا تحياتنا و سلامنا

عمو أبو أسيد و خالتو نونا

في أمان الله حبايبنا الصغار

[الريحــانة]

السلام عليكم ورحمة الله وبركاته

خالتنا الحبيبة (نونا)..وخالنا الفاضل (أبو أسيد)،،،،
تغيبت لفترة عن الملتقى لذلك لم أتمكن من تكمله وضع أخي
روضتكم الرائعة ، لذلك سأجل الآن أخي (يزن)..

عذرا حاليــا ما عندي إلي صوره إلو ..وإن شاء الله
بس تتوفر الصورة رح أنزلها


- الأسم

يزن

2- العمر

حاليا..4 سنين



3- عدد الأخوة و الأخوات

___________________________

4- المرحلة الدراسية

هاي السنة لسا داخل KG2



5- أكثر مادة دراسية يحبها


ما سألتو..



6- الهواية

حفظ القرآن..هو هلأ مخلص جزء عم (ماشاء الله عليه)
ألعاب الحاسوب ..وكتير بيخربلي ملفات ... ألعاب الفيديو




7- اللون المفضل

ما بعرف



8- مين بيحب ماما ولا بابا أكتر

بيحب التنين



9- لما بيكبر شوي إن شاءالله بيحب أو بتحب يكون

دايما بس أسألوا بيصير يحكيلي شيخ طبيب دكتور..كيف هيك ..!!
الله أعلم.



10- اللعبة المفضلة

لعبة ميجامان على البلايستيشن2..ولعبة من الصورة
المختلفة على الحاسوب.




11- تاريخ الميلاد بالتحديد ( اليوم / الشهر / السنة )

2/1/2003يوم الخميس



12- أحلى هدية يحبها

أكيد لعبة (باتمان)..وجهاز حاسوب لحالو



13- مين أهله أو أخوته في منتدانا الحلو

أخته (ريحانة الأقصى)


بحب أحكي إنو يزن ما شاء الله عليه كتير ذكي وبيستغل ذكاءه ضدنا كمان ..وكمان هو إتعلم الكمبيوتر بس كان عمرو 2 من حالو ,هلأ بيعرف يفتح النت و يدخل يجيب الألعاب ..ومرات أخبي منو ملفات للدراسة تبعوني بيروح يلاقيهم...يعني الواحد إحتار معو ..

يلا ويسلمو خالتو شذى على التصميم الرووووووعة تبع يارا ويزن كمان.

بآمان الله أحبتي الكتاكيت.
*ودمتم شموعا تنيرملتقانا*

[شذى الربيع]

أحببت أن اشكر كل من لبى دعوتنا و قام بمراجعة الأسئلة

و هذه روضة الشفاء تتشرف بكل سرور و ارق ترحيب لاستقبال أبناء الشفاء ..

يا من نتمنى أن يكون المستقبل أمامهم مشرق خالي من العثرات

رعاكم الرحمن يا ابنا الإسلام

حياك الله يا برعمتنا الذكية

سارة

نشكرك على مرورك .. و بارك الله فيك .. و يارب تتحقق كل احلامك .. و البابا يصير يجيب ليك الهدية في العيد ..

ابا اســـــــــــلام

نشكرك على ردك

بارك الله لك و في ابنك اسلام

و حفظه الله من كل شر .. وجعله قرة عين لك

و كل عام وانتم بخير

[شذى الربيع]

كلنا شرف باستقبال البرعم الجديد

يأهلا مليون في برعمنا المتميز زين ..

بارك الله فيك و أدام صحتك بالعافية و جعلك ذخرا لأهلك و الوطن

يـــــــــارب

هذه روضة الشفاء تراقصت أغصانها فرحا لاستقبالك فحياك الله.

و ندعو الله ان يرعاه و يارب نشوفه مهندس كمبيوتر كبييير في المستقبل او طبيب يا ترى . . ربي يوفقك في دربك

[عطر الجنة]

السلام عليكم انا اسفة فانا لن استطيع ان اشارك لانى تمت 13 سنة فى يوم السبت الموافق 7 / 7 / 2007
و لذا أعذرونى و بسم الله الرحمن الرحيم
سوف اعرف عن اخى الاصغر بيننا
1 - الأسم
عمر علاء الدين أحمد
2 - العمر
7 سنوات
3 - عدد الأخوة و الأخوات
عندى بنتين و أخ واحد وانا منهم نحن اربعة بى
4 - المرحلة الدراسية
انا طالع الصف الثانى الأبتدائى
5 - اكثر مادة بيحبها
الرياضات
6 - الهواية
كرة القدم و العاب الحروب
7 - اللون المفضل
الفسفورى و الاخضر
8 - مين بتحب ماما و لا بابا أكثر
احب امى اكثر
9 - لما يكبر شوى ان شاء الله بيحب او بتحب يكون
ضابط جيش
10 - اللعبة المفضلة
كرة القدم
11 - تاريخ الميلاد
10 / 6 / 2000
12- أحلى هدية يحبها
مدفع رشاش
13- مين أهله أو أخوته في منتدانا الحلو
اخته عطر الجنة
وامه راجية الشهادة
وسوف ينضم هو قريبا وباقى العائلة

[الريحــانة]

[quote=ملاك النور;340011]

السلام عليكم ورحمة الله وبركاته

أختي الكريمة(ملاك النور)ومشرفنا الفاضل (ابو اسيد)حفظ الله لك إبنتك سارة وإبنك أسيد..



ما شاء الله على هذه الفكرة الطيبة والجد رائعة والتي تنمى في الأطفال حب الآخرين والتعارف ..جزاكم الله خيرا على هذه الجهود المباركة والتي يشهد لها الجميع وعلى هذا النادي الذي أثار إعجابي وان شاء الله لي عودة للعريف بإخواني التوأم
بارك الله فيكم وزادكم من فضله وحفظ كتاكيتنا الصغار

*ودمتم شموعا تنيرملتقانا*

[الريحــانة]

1- الأسم
يارا

2- العمر
3سنين ونص

3- عدد الأخوة و الأخوات
____

4- المرحلة الدراسية

ما بتروح لسا

5- أكثر مادة دراسية يحبها

لا يوجد

6- الهواية
الرسم..بتحب تمشط لعبتها

7- اللون المفضل

لسا ما بتميز الألوان

8- مين بيحب ماما ولا بابا أكتر

التنين

9- لما بيكبر شوي إن شاءالله بيحب أو بتحب يكون

ولا عمري سألتها

10- اللعبة المفضلة

(ديما)..دميتها الصغيرة ما بتتركها أبدا

11- تاريخ الميلاد بالتحديد ( اليوم / الشهر / السنة )

الخميس..شهر واحد..2003

12- أحلى هدية يحبها

دمى ونفسها كتير في (فله)

13- مين أهله أو أخوته في منتدانا الحلو
ريحانة الأقصى

وإن شاء الله لي عودة للتحدث عن أخيها التوأم (يزن)..
شكرا كتير عمو أبو اسيد وخالتو نونا...

[درغام غزة]

شكراً حقاً أنك عمو تسنحق بصراحة

[شمعة الخير]

ماشاء الله لفته طيبة وتفكير بالصغار بمحله
ونرحب بالصغار الحلوين ونقول
هلا وغلا ومرحبا