|
|||||||
| علاج مرض الصدفية والامراض الجلدية ملتقى يختص بعلاج الامراض الجلدية ومرض الصدفية المزمن وآخر ما توصل اليه العلم حول هذا لمرض |
 |
|
|
أدوات الموضوع | انواع عرض الموضوع |
|
#362
11-04-2011, 10:48 AM
|
|||
|
|||
رد: رحلة ابنتي مع الاكزيما و رجائي من الله الشفاء
عزيزتي نسرين...
شوفي انا ما بقدر اقلك ابدا ارجعي للكورتيزون...يعني ما بتطلع معي...اذا الدكتور بقرر انو لازم ترجعيلو ارجعيلوا مع انك استعملتي فترة طويلة وهيك ما استفدتي شي...صحيح؟؟شوفي قبل ما ترجعيلوا امانة عليكي انك تجربي الكريم اي حكتلك عنو(شمع العسل مع زيت زيتون بكر مع عسل طبيعي وحطي معهم زيت الصبار ازا لقيتي نوع ممتازوهادا مو شرط)...نسرين الموضوع سهل وما بدو غلبة ابدا...وعطيتك الطريقة وانا طلتها من موقع اجنبي كنوع من التخفيف من حدة الاكزيما والصدفية...اذكر ان نتائجها كانت شفاء كبير للاكزيما مقابل الصدفية كانت تهدئة ممتازة فقط...بس مقاديرهم مو مزبوطة....بطلع كتيييييييييير جامد...انتي جربي متل ما قلتلك يعني شي ملعقة كبيرة شمع مو اكتر ..ذوبيهم على البخار وبس يدوبوا حطي شي ملعقتين كبار عسل طبيعي وشي اربع خمس ملاعق زيت زيتون بكر....او اكتر شوي بس بيطلع الكريم خياااااااااااااال....ازا مامشي الحال لا سمح الله بتقرري شي تاني.....شوفي انا متاكدة ازا ما شفيت من الاكزيما انها رح تتخلص على الاقل من الالتهاب والحكة ان شاء الله......بعدين كتير عمبترطبيلها...هيك طبيعي؟؟يعني هيك الدكتورة قالتلك؟؟؟بتخافي كتر الترطيب عمبعكس الموضوع؟؟تاكدي من هالموضوع احسن....لا تجربي اكتر من طريقة على نفس الجهة بيجوز هادا الي عمباخر الشفاء...جربي كل منطقة اسلوب معين وسجلي بداية التجربة وتطوراتها على دفتر وان شاء الله ببين معك بطريقة اوضح....ونصيحة نسرين لا تزهقي البنت من كتر الدهانات بعدين بتفكر انو مرضها رح يعمللها مشكلة في حياتها وتصير تستحي منو وتكرهو واحنا ما بدنا هيك....ابدا لا تبكي قدامها او تبينيلها انو الدهانات فرض عليها...لأ خليها احيانا على راحتها....ازا رفضت هادا حق طبيعي الها..طنشي مرة مرتين شو بدو يصير؟؟؟وانا صغيرة نسرين كنت ألبس نضارات طبية من عمر 9 سنوات...تخيلي اني عشت كل عمري منعزلة اجتماعيا من وراها..تخيلي؟؟ليش باعتقادك؟؟مع اني صغيرة وما بعرف شي عن النظارة؟؟؟كانت امي الله يسهل عليها تصر اني ما البسها حتى لا يحكوا الناس عني عمية!!!!!!!!!!!وانا كبرت وضل كلامها هو نفسو....طيب شو اعمل؟؟صرت استحي واعتبرها عيب فيني....وبالتالي كنت خجولة جدا جدا لحتى دخلت عالجامعة..طبعا كنت اول فصل لسة بلبس نضارات وطبعا كنت مستحيل ارفع عيني اصلا من الارض..او اجاوب الدكتور بصير وجهي زي البندورة فورا....بعدين الحمدلله انو اخترعوا العدسات وانفكت عقدتي..(مو كتير يعني..هههههه)...على فكرة من انا وصغيرة ادعي الله سبحانه وتعالى انو اصحى يوم من النوم اشوف طبيعي بدون ما ادور على النضارة....وانو الله سبحانه وتعالى قادر على المعجزات متل ما عمل مع الانبياء وهادا كان دعائي دائما وابدا...وفعلا كنت البس عدسات دائمة كل شهر اغيرها مع العلم عانيت منها الله بعلم قديش...بس بالنسبة الي كانت احسن ميت مرة من النضارة....والحمدلله اني عملت ليزك قبل ثلاث سنوات وهادا الحكي كان مو بالافق اصلا من قبل.......بس بتعرفي راجع نازل نظري شوي...يضرب حظي ما لحقت اتهنى بدون نضارة....بس عمبكابر ما بدي اعمل هلأ نضارة ..بكير عليها.... شفتي يا عزيزتي نسرين ليش ما بدي ياكي تشدي عالبنت؟؟؟هداك اليوم بحكي لماما عن هادا الموضوع ....فرطت من الضحك!!!!بقلها شايفة يا ماما عمايلك؟؟؟شايفة؟؟بتقلي احنا كان عنا النضارة عيب في البنت يا ماما شو بعرفني انا؟؟قلتلها عادي مسامحتك من جوات قلبي لاني عملت ليزك بس....هههههه لأ عمبمزح.....والله بعرف من خوفها علي ...  
|
|
#363
11-04-2011, 12:04 PM
|
|||
|
|||
|
رد: رحلة ابنتي مع الاكزيما و رجائي من الله الشفاء
السلام عليكم ورحمة الله وبركاته
حبيبتي عازمة اول شي مشان تكرار الدهانات - الدكتورة قالت كل ما حسيت انها بدها كرري الترطيب - ما في مشكلة بالنسبة للعدد وهي اذا ما دهنتلها كل ساعة ونص ساعتين - بينشف الجلد كتير والجفاف بيعمل لها حكة والحكة بتزيد الاكزيما كتير بس اذا ما في جفاف - ما في حكة - والاكزيما بتصغر وبيخف الحمرار بيبدا يطفي للون البني المشكلة كمان اذا اكلت كاتشب او مايونيز اللي بتموت فيهم ( تخيلي صدمتها لما عرفت انه الكاتشب مصنوع من البندورة والمايونيز مصنوع من البيض - اصلا ما صدقتني الا لما قرات بعينها المكونات   ) بتولع كتير الاكزيما- وبتطلع حبوب الحساسية - وما بقدر امنعها نهائيا عن كل شي - الله يشفيها.شوفي انا كنت مفكرة ابدا بخلطة الترمس المطحون مع فازلين وكنت مفكرة اضيف عليه زيت جوز الهند واحطلها منه مرة بالليل وهي نايمة - يا ريت يفيدني اخي سعيد شو رايه بالاضافة - او انت تفيديني يا حبيبتي وبقدر على الجهة التانية احط الخلطة اللي بتحكي عنها -مرة واحدة برضو بالليل - والا اكتر؟ بجربهم بنفس الوقت وبشوف ان شاء الله - يا رب يصير اي تحسن - وان شاء الله ما بحتاج للكورتيزون كمان مرة ان شاء الله يوم الخميس بتكون عندي كل الاغراض وبجرب - وبخبرك شو بيصير - ان شاء الله خير يا رب تشفي امي وبنتي وطارق ومازن وابن عازمة وجميع مرضى المسلمين وترحمهم برحمتك يا رب العالمين 
__________________
 " رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَصْلِحْ لِي فِي ذُرِّيَّتِي إِنِّي تُبْتُ إِلَيْكَ وَإِنِّي مِنَ الْمُسْلِمِينَ"
|
|
#364
11-04-2011, 02:11 PM
|
|||
|
|||
|
رد: رحلة ابنتي مع الاكزيما و رجائي من الله الشفاء
سؤال للجميع
 مهم جدا ارجوكم اخي سعيد - خلطة الترمس والفازلين كم نتركها على الجلد ثم نغسلها ونرطب - مثلا ساعة او للصبح مثلا؟ يرجى الافادة؟ اختي عازمة - خلطة الشمع والعسل والزيوت ايضا كم نتركها؟ لا اعرف لماذا انقلبت الوصفة السحرية للعسل وزيت الزيتون لتسبب حكة شديدة عند وضعها ولتكون بدون فائدة اونتيجة في اليوم التالي ؟ هل يجب ان اغسلها بعد فترة وارطب بدل ان تبقى طوال الليل؟  ارجو الافادة - انقذوني  شكرا اختي رابعة على الدعاء ولك بالمثل ان شاء الله
__________________
" رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَصْلِحْ لِي فِي ذُرِّيَّتِي إِنِّي تُبْتُ إِلَيْكَ وَإِنِّي مِنَ الْمُسْلِمِينَ"
|
|
#365
11-04-2011, 02:37 PM
|
|||
|
|||
|
رد: رحلة ابنتي مع الاكزيما و رجائي من الله الشفاء
عزيزتي نسرين...اا والله ما بعرف عن خلطة الترمس....اعتقد الاخت مشاعل الهدى استعملتها لابنها...ان شاء الله بترد عليكي....
بالنسبة لخلطة الشمع والعسل انا يوميا بستعملها وما بغسلها للصبح...بحطها بالليل وعلى الاقدام كمان بصيروا ناعمين بس لاتحطيها على الوجه الا بطبقة رقيقة جدا جدا يادوب يعني لحتى ما تسد مسامات الوجه.... العسل وزيت الزيتون انا كنت احط العسل مع حليب الام او قليل من الماء للتخفيف من الليل وحتى صلاة الفجر كنت اغسلوا وجهو واحط زيت زيتون بكر لازم يكون بكر يا نسرين.....هيك كنت اعمل وكان الوضع والله عال....ما تحسس منو صراحة ولا شيء....طيب بتتاكدي انو لازم تغسليلها وجهها قبل اي دهان؟؟ شوفي بالنسبة لخلطة الصبح وخلطة يالليل ازا حدث تحسن ما رح تعرفي مين السبب....انا براي جربي منطقة عليها خلطة واحدة فقط صبح وليل...والتانية الخلطة التانية افضل.....بس انتبهي بكل الاحوال ما تحطي على وجهها وتطلعيها بالشمس بينحرق فورا ولا حتى زيت زيتون ولا اشي......الوجه تعاملي معو بالليل فقط...باقي الجسم مغطى ما في مشكلة.......... نسرين حبيبتي انا بحيي فيكي استنفاذ الوسائل قبل اللجوء للكورتيزون لا سمح الله....هيك بتكوني راضية عن حالك حتى لو ما حسيتي تحسن في الاف الخلطات تاكدي انك تجربي منها قد ما بتقدري......لانها لسة صغيرة...وبالتوفيق ان شاء الله يا رب....الله يشفيلك ياها يا رب...ويشفي ابني وطارق ومازن وابن الكنز يا رب برحمتك يا ارحم الراحمين نسرين نسيت اقلك انو الخلطة الي حكتلك عنها ما في داعي للترطيب بعدها لانها طرية جدا وترطب بشكل فعال كتير.....
|
|
#366
12-04-2011, 09:36 AM
|
|||
|
|||
|
رد: رحلة ابنتي مع الاكزيما و رجائي من الله الشفاء
السلام عليكم ورحمة الله وبركاته
تسلمي لي يا عازمة - ان شاء الله راح اجرب الخلطة من يوم الخميس - ويمكن انها تحسست من العسل والزيت لاني كترت عسل في الدهن- بدي اخفف الكمية واحط طبقة خفيفة - ان شاء الله خير. على فكرة - كنت قرات عن الزنك وفيتامين e وسالت اختي اللي في الصيدلية وقالت بلاش اخربطلها فيتامينات - الاوميغا بيكفي وخصوصا انها ناصحة اصلا. يعني داخليا ما ضل اشي ما سويته على حد علميهلا ضل الوصفات - بدي اعطي كل وصفة اسبوعين - شو رايك بيكفي؟ الله يجيب اللي فيه الخير ان شاء الله - ويا حبيبتي ضلك دايما شجعيني استمر - لانه اوقات بضيع وبياس - خليك معي  يا رب تشفي امي وبنتي وطارق ومازن وابن عازمة وجميع مرضى المسلمين وترحمهم برحمتك يا رب العالمين
__________________
" رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَصْلِحْ لِي فِي ذُرِّيَّتِي إِنِّي تُبْتُ إِلَيْكَ وَإِنِّي مِنَ الْمُسْلِمِينَ"
|
|
#367
12-04-2011, 12:04 PM
|
|||
|
|||
|
رد: رحلة ابنتي مع الاكزيما و رجائي من الله الشفاء
عزيزتي نسرين طبعا لا تخربطي الاشياء الداخلية ابدا..ولا تنسي جيبي احسن نوع اوميغا3....وان شاء الله يكون كافي...
بالنسب للخلطة اسبوعين ممتاز وان شاء الله بتكون شفيانة عالاسبوعين يارب... لا تقلقي عزيزتي نسرين.......انا دايما معك  ....ولا تنسي انو كلنا بنمر بلحظات ضعف...المهم بنرجع اقوى من اول كل مرة ان شاء الله....
|
|
#368
14-04-2011, 12:21 AM
|
|||
|
|||
|
رد: رحلة ابنتي مع الاكزيما و رجائي من الله الشفاء
السلام عليكم ورحمة الله وبركاته
غاليتي نسرين أعتذر اليك أشد اعتذار لغيابي بضعة أيام والله طلبات الأولاد ومشاغلهم لا تنتهي وأشغال البيت زد على ذلك مرض والدي زوجي كل يوم أطل لدقائق وأذهب دون مشاركة أولا أطمنئك وأطمئن عازمة وكل من يسأل عن صحة ابني أنه بخير والحمد لله اختفت الصدفية من كل جسده ولله الحمد وهذه مدة شهرين وهو معافى ولله الحمد لكني ما زلت مواصلة مع العلاج الطبي وأخذه للحبوب المهم لقد تأثرت كثيرا بكلامك وأشعر بك وبمعاناتك وقلبي يتقطع على حبيبتي لين لكن أرجع وأقول لنا رب كريم رؤوف سيرفع عنا البلاء لذا عزيزتي لا تكثري على البنت أرجوك أقترح عليك هذا الأسبوع ضعي لها مرهم شمع العسل وأنا وضعته لابني وتحسن عليه كثيرا وهو مكون من شمع العسل مذاب مضاف اليه زيت الزيون وماء الزيتون ان وجد وزيت القطران أو سمن القطران المهم الخلط الجيد حتى تمتزج العناصر كلها وأنا كنت أضعه لابني في الليل ولا أغسله له في الصباح كنت أحممه مرة بالأسبوع أو مرتين وارجعي لموضوعي الأخير ستجدين التفاصيل تقبلي سلامي ودعائي بالشفاء لبنتك وابن عازمة ولي عودة
|
|
#369
14-04-2011, 12:23 AM
|
|||
|
|||
|
رد: رحلة ابنتي مع الاكزيما و رجائي من الله الشفاء
حبيبتي عازمة على شفائه
كيف أحوالك وكيفهم الأولاد أتمنى تكونوا بألف خير تقبلي أرق تحية
|
|
#370
16-04-2011, 10:45 AM
|
|||
|
|||
|
رد: رحلة ابنتي مع الاكزيما و رجائي من الله الشفاء
السلام عليكم ورحمة الله وبركاته
الاخوات والاخوة الاعضاء الاعزاء حبيباتي عازمة وامل صديقي العزيز الذي افتقده من فترة و المشرف النوارة الاخ الغالي سعيد ابشركم بظهور بوادر الشفاء على بنتي  الحمد لله لم يعد هناك تزايد للالتهاب ابدا - بل هناك تسارع في معدل الشفاء والحمد لله لم يعد الشفاء بطـــــــــــــــــــــــــــــــــــــيء فقط بطـــــــــــــــــيء ولكنه واضح والحمد لله طبعا حبوب الحساسية تظهر حسب الاكل - لا علاقة لها باي شيء الاتهاب ينطفىء تدريجيا و يصغر ولونه يصبح بني حبيبتي عازمة - عملت الكريم حسب خلطتك واستعملته على جهة واحدة - الجهة التانية ولا شي - لا الاحظ فرق حتى الان - ساتابع طبعا و بكل تفاؤل الف الحمدلله يا رب على كل شي - الحمد لله من قبل ومن بعد حبيبتي عازمة الله يخلي لي اياك يا رب ويهنيك باولادك ويطمنك عليهم يا ربحبيبتي امل الله يديم الشفاء لطارق حبيبي و يوفقه يا رب ويكون شفاء لا يغادر سقما يا رب. وانا كتير فرحانه الك واله - الله يسعدكم ويوفقكم - وعلى فكرة - لا داعي للاعتذار - لان القلوب والله عند بعضها - ومشاغل الدنيا كثيرة - و انا كلي ثقة من دعائكم لبنتي وشعورك معي وو جودك انت وعازمة وسعيد وكل الاعضاء الاعزاء يعطيني قوة وحماس و كل المشاعر الرئعة اخي سعيد وينك ؟ قلقنا عليك - يا رب يكون المانع خير - الله يحميك يا رب يا رب تشفي امي وبنتي وطارق ومازن وابن عازمة وجميع مرضى المسلمين وترحمهم برحمتك يا رب العالمين
__________________
" رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَصْلِحْ لِي فِي ذُرِّيَّتِي إِنِّي تُبْتُ إِلَيْكَ وَإِنِّي مِنَ الْمُسْلِمِينَ"
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
|
|
|
Powered by vBulletin V3.8.5. Copyright © 2005 - 2013, By Ali Madkour |
العرض العادي
