خالتو " نونا " و أطفالنا الحلوين القمورين

[نور]

السلام عليكم حبايبي الصغار
كيفكم اليوم

أجت خالتو " نونا " عشان نحكي و نتسلى و نشوف كام نصيحة بتفيدنا

يلا مين بدو يسلم على خالتو نونا
و يشاركني الموضوع

طبعا كلنا شطورين و مؤدبين و بدنا نسمع الكلمة عشان الكل يحبنا
و قبل ما يجوا حبايبي يشاركوا بالموضوع
كل واحد بيروح عشان ( يبوس ) بابا و ماما ( بوسة حلوة و كبيرة )

أتفقنا ....

يلا تعالوا سوا...

هالدجاجات شطورين عم يأكلوا و يحمدوا الله عز و جل
و كمان انتو يا حلوين ما تنسوا تأكلوا منيح عشان تكبروا و تصيروا شباب حلوين إن شاءالله
منطيع ربنا سبحانه و تعالى و منسمع كلام بابا و ماما منيح

بدنا ننتبه و نحنا عم نلعب منيح ، أحسن ما نوقع و نؤذي حالنا
و نصير بدنا علاج ، و ماما تنشغل فينا
و ما نقدر نلعب مع أخواتنا لحد ما يشفينا رب العالمين

هذا الشاطر ميكي ، عم يلعب ( غميضة )
و أنتم كمان العبوا مع أخواتكم لعب حلوة و ما تتعبوا بابا و ماما
منلعب بصوت منخفض ، و ما منصرخ على بعض
يعني منلعب ألعاب حلوة و مسلية

شفتو كيف بيسكروا حنفية المي منيح بعد ما يستعملوها
ما تنسوا بس تغسلوا أيديكم و تفرشوا أسنانكم
تتأكدو أن الحنفية اتسكرت منيح ، أحسن المي تروح على الأرض بعدين

طبعا انتم شاطرين ، بتعرفوا أن في ليل و في نهار
و لازم بالليل ننام منيح لما بتغيب الشمس و بينور القمر الحلو
يعني نام بكير و قوم بكير و شوفوا الصحة كيف بتصير إن شاءالله تمام يا قمورين

شفتوا هالدبدوب قديش مبسوط
و انتم كمان العبوا و انبسطو المهم نسمع كلام بابا و ماما منيح
و ننتبه على حالنا نحنا ونلعب

يلا هلأ خالتو " نونا " رح تتركم اليوم
و بلاقيكم يوم تاني
أنا بس آجي بناديلكم
إستنوني أجيبلكم معي كام صورة حلوة عشان نحكي فيها

في أمان الله حبايبي الحلوين