( أم عماد ) تعالج الناس بالطاقة وتعتبر الصدفية من أسهل الحالات التي تمت معالجتها

[jimy1737]

ارجوا ارسال العنوان على بريدي لأنه لدي حاله متأخره في السرطان في الكبد و الرئه ... و وصل للمخ و الضلوع و جزاكم الله خير و و ترى العنوان اللي في حي الجامعه سالت عنه هناك .. و قالوا انها نقلت منه و ياريت تعطوني العنوان الجديد و رقم الجوال لأنه رقم الجوال المذكور سابقا ماحد يرد عليه

[إمبراطوره مكه]

وانا كمان يااخواني ابغى العنوان حقها لاني عجزت اتصل ماترد على الرقم بارك الله فيكم

عندي حاله عقم دامت اكثر من خمسه عشره عام لابن اخي



هذا العنوان ارسلو ا ليه على البريد الله يجزكم الجنه

[إمبراطوره مكه]

الله يخليكم ابغى عنوانها على العنوان التالي عندي حاله مستعصي عندي عقم دام 15 سنه لابن اخوي وزوجته

الله لايريكم مكروه ويسعد من يرسل لي الرقم والعنوان الله يخليكم الرقم مايريد والعنوان سمعت انهم غيروه

[بوسطن]

نسئل الله الاجر لكل من المنتدى والعاملين فيه والاخت المتفائله وجميع من ساهم لمساعدة اى محتاج

عنوان ام عماد
جدة - حي الجامعة - خلف قصر أفراح البسيوني
رقم الجوال : 0506659749

[إمبراطوره مكه]

سمعت انهم غيروا العنوان هذا ابغى اذا فيه اخر

[بوسطن]

لايوجد عنوان غير هذا للان نعتذر

[حبي دبي]

لله يخليك ابي عنونها ضورروي لله يخليكم ولله من جد الحالة مرة ممزمنة لله يخليكم رقم او العنوان

[moi]

السلام عليكمك و رحمة الله تعالى و بركاته
شكر الله لكم و أحسن اليكم
نس|أل الله الشفاء للجميع

[فكرى دياب]

ألأخوة وألأخوات
الذين يطلبون عنوان أم عماد الجديد ..
نرجوا العلم بأن أختنا ( المتفائلة ) وعدت بأحضار عنوانها الجديد وكل البيانات الخاصة بها
ونحن فى أنتظارها وإن شاء الله ستأتى بة حالاً
نسأل الله أن يكتب الشفاء لكل مريض وأن يجعل كل أعمالنا إبتغاء مرضاتة
انة ولى ذلك والقادر علية ..

[فكرى دياب]

أخوانى وأخواتى
كثر الحديث هنا عن موضوع العلاج بالطاقة من السيدة .. أم عماد .. وغيرها ..
وقد تجولت هنا وهناك علنى أجد من يرشدنا عن أى مريض تشافى بهذة الطاقة المذعومة ..
ولكنى ماوجدت غير مرضى ذهبوا وأستولو على أموالهم وعادوا وكأن شيئاً لم يكن ..
فوجدت أن أنقل أليكم بعض آراء هؤلاء المرضى لعل وعسى أن يكون منها الفائدة والعظة ..
**********

العلاج بالطاقه
وماأدراك مالطاقه


ابتلينا بموجه جديده من مدعين العلم
كل من دخل دوره صار خبير وسواله عياده حاله حال المشعوذين اللي دوخونا بالعشر سنين اللي طافت


دورات الطاقه والبرمجه والتنويم وخط الزمن .. لاشك ان فيها فايده بإذن الله
ولكن التعدي بالفائده على الآخرين هو المهزله القائمه حاليا


الشرح العلمي والفطري والموضوعي يطول بهالمواضيع


( اصفعه على قفاه ) .. كلمه قالها لي احد الاساتذه عند سؤاله عن موجة المشعوذين الجدد ..
ولأني فكرت اساير هالموجه وأحط لي مكتب صغيرون واخلي البخور يعجعج .. وهاكاتادابرا .. وحيييييييي .. وخذ نفس عميق .. ومن هالسوالف
وأقص ايدي اذا طلع مني أحد متضايق .. لأن المسأله كلها ايحاء بإيحاء..


انت حواليك هاله سلبيه !!!! يعني شنو؟؟؟؟ اتحداكم اذا عرفتوا
اهل الطاقه دارسين الايحاء والبرمجه .. من تدش عليه .. يأثر عليك وانت ماتدري ويقنعك ان عندك مشكله (معظم الاحيان تكون غير المشكله اللي انت جاي عشانها)


يعني تجيه تبي تعالج من التصلب العصبي راح يقولك انت حواليك هاله .. سلبيه .. ويبيلك جلسات عشان نحولها ايجابيه


تبون تضحكون .. وحده دشت دورة الطاقه (طاقه مو مياه) .. ومقتنعه ان فيها طاقه ايجابيه .. ومن تحط ايدها على راس مريض تسحب الطاقه السلبيه منه .. ويبرا !!! .. لا وتقول بعد .. انها بعد هالسالفه تحس انها تعبانه وان بطاريتها فصلت شحن لأنها سوت اشتراك عشان تعطي طاقتها لواحد ثاني ... اقصد بطارية طاقة جسمها مو موبايلها ..



وطايحين بسالفة (أنا عندي بورد أمريكي) .. البورد الامريكي يعطونك اياه مع الدوره ام 4 ايام .. انا شخصيا عندي 3 شهادات بورد امريكي .. أمس متغدي على وحده لأني اكتشفت ان ورق السفره خلص ..


لكن هالكلام .. مايمنع ان فيه ناس ممتازين وفاهمين وعندهم شهادات ومحل ثقه ..
اذا مثلا تبي تعالج عند شخص عنده خبره او سمعت عنه لازم تتأكد من شهاداته..
أولا لازم يكون دكتور يعني يحمل شهادة دكتوراه سواء بعلم النفس او الاجتماع او اي من العلوم السلوكية
ثانيا لازم يكون متدرج وحاصل رسميا على شهادة مدرب
معظم العلوم السلوكية الحديثه تبدأ بالتسلسل التالي:
- دبلوم Diploma
-ممارس Practitioner
-ممارس متقدم Master Practitioner
-مساعد مدرب (توصيف ببعض المعاهد) Trainer Assist
-مدرب Trainer
-مدرب مدربين Trainer of Trainers


اذا ماعرفت انه د.فلان الفلاني وحاصل على شهادة ممارس متقدم على الأقل ... (اصفعه على قفاه)


مع اني لي تحفظات حتى على بعض الدكاتره .. ولكن اعتبر هالشي أخف الضرر


والعلاج بالطاقه عليه لغط كثير .. حتى انه فيه تشكيك عقائدي .. وبحكم اني مادرست الطاقه .. ماقدر أحكم عليها .. وحكمي بفشل هالعلم بعد ماعرفت ناس تعالجوا بالطاقه وصارت حياتهم أسوأ من قبل
وبنفس الوقت بعد ماتابعت هرطقات الكثير في منتدى الطاقه بمنتدى البرمجه العصبية اللغوية..
روحوا اخذوا جوله هناك .. راح تنصدمون من الواقع .. ويمكن ترجعون اللي أكلتوه..


السيء طغى على الحسن والشين شكثره غطى على الزين



ويا إخت فلور .. تقولين اسمها أم عماد .. (والله عبالي عندها محل عطاره والا من العجايز اللي يدورون على البيوت يبيعون بخور ودراعات .. ويمكن تضرب الودع وتشوف البخت .. وقرب قرب )


محد يعالج بالطاقه ولا بالتنويم الايحائي الا يكون عنده معهد استشارات اجتماعيه او تدريب وله اسم مسجل بالكامل على مدخل المعهد او العياده ..


عندنا بالكويت د.نجيب الرفاعي و د.صلاح الراشد و د.منى الغريب .. وكلهم لهم مراكز تدريب ومعاهد استشارات اجتماعيه ويحملون شهادات دكتوراه سواء بعلم النفس او الاجتماع او التربيه .. ومن الناس الموثوقين ..
وغيرهم ياخذ دوره ب 500 دينار ويصير بروفيسور لم تلد مثله الأعاجم .. دونن عن العرب ..


نصيحه أخويه ...
وخاصه لمرضى التصلب العصبي ..
تعلموا التنويم الايحائي الذاتي ..
وهذا رأى آخر ...

أعتقد مافي حرج لو تم ذكر اسم المعالجه .. أم فلان وأبو فلان تخلي الواحد يعتقد ان صاحب او صاحبة الاسم فعلا ياإما دجال ياإما يعالج ببيته والناس تجيه ويقدم خدماته لوجه الله
أما سالفة علاج حالات بالآلاف وامراض مستعصية ومش عارف ايش .. اعتقد انه كلام مبالغ فيه
ومو مو معروف عن الشخص الا الكنية .. أعتقد مافي عاقل يقبل هالشي .. وحتى لو تم ذكر اسمه من قبل ناس معروفين
يمكن تذكرون الدجالين اللي كانوا يطلعون على قنوات التلفزيون ويذكرون علاج حالات مستعصية والناس تتهافت عليهم بسبب الشهره والاعلام اللي خذوه .. وبعد اشهر نقرا اساميهم بالجرايد انهم جمعوا ملايين وهربوا ومطلوبين على ذمة قضايا نصب
وبالنهايه تلقى ناس يدافعون عنهم ...

مافي غبار على ان بعض الناس عندهم قدرات الله سبحانه وتعالى معطيهم اياها ..
وليش اروح بعيد .. جدتي الله يرحمها يجونها ناس حالات مستعصيه .. تتفل بوجيههم ويقومون كأن مافيهم شي .. وهذا الخبر للتأكيد مو مزح ...

أبشركم طلع علاج للام اس .. خلونا نروح لأم عماد..
واللي ما يتشافى!! شنو التفسير؟؟؟؟؟؟؟؟؟؟
الجواب جاهز : طاقته السلبيه متمكنه منه .. والشاكرا مالت شسمه فيها تنسيم ..

أنا مابي أهاجم أحد .. لكن شفت بعيني أمور لو يشوفها عاقل .. يتفل بوجه المعالج بالطاقه ..

رحمه بالمرضى من البروباغانده اللي مالها داعي.

تسلم خالد ما قصرت..بردت حرة قلبي من هالدجالين

ومدعين الفهلوة والكرامات والخوارق..

وهذا الي لازم الكل يعرفه وينتبه له

الله يقويك
*****************
ورأى ثالث ..
في الحقيقة هذا موضوع شيق وجدير بالبحث
لكن من وجهت نظري أنه مجرد كلام فاضي وضحك على العقول
وإلا لو كان كلام هذه الدكتورة صحيح لحصلت على الترخيص وحتى
ذلك الحين لا أنصح أي احد بتصديق مثل هذا الكلام
مع العلم أن لا يجب تصديق مثل هذا الكلام حتى تعترف به وزارة الصحة التي هي مرجعنا الأول والأخير
وهي لا تعطي الترخيص إلا بناءا على دراسات ووقائع
وتمنياتي للجميع بالشفاء العاجل
هذة هى ألآراء التى وجدتها وكان لزاماً علينا عرضها حتى يعلم كل مريض
طريقة قبل قرار الذهاب لهذا النوع من العلاجات ..
والله من وراء القصد
*****

المصدر : منتدى مرضى التصلب العصبى السعودى ..