انا لقيت علاج للصدفيه لكن العلاج نفعني انا و مدري اذا بينفعكم

[shiv]

انا عمري 21 سنه و من انولدت معاي الصدفيه و منتشره في كل جسمي رحت لاطباء كثير ولا شي نفعني و ما اكذب عليكم احيانا اجلس لوحدي وابكي من القهر لما اشوف غيري يلبس شورت ولا فانيلا قصيره انا كنت في عز الصيف البس شتوي ما علينا من حياتي المهم انا متأكد انه كل واحد عانى من المرض هذا بس ما اتوقع احد مثلي انا خليت مرضي نعمه مو نقمه خليت نفسي مميز طبعا اذا اروح مع شباب لازم يعيبون علي انا ما اتكدر بالعكس اضحك معهم ( مرة قلت لواحد جيب قلم خلنا نوصل النقط ) و اشياء كثيره مع مرور الوقت صارت شخصيتي حلوة صاروا ربعي يحبوني مع انهم يدرون شنو فيني وانا هني تغيرت نظرتي صرت اشوف كل شي بمنظور ثاني الين ما جاني وقت تقبلت فيه كل شي و قلت خلاص ما ابي علاج خلني على حالي هو صح انه ننحرم من اشياء بس عادي ربك يعوض وانا ما اكذب عليكم حتى من اخواني انجرحت يعني بس الحين ما في شي يكدرني و كل شي انظر له بنظرة ايجابيه انا ما ادري عنكم بس انا لي شخصيتي سواء كنت مريض او لا واللي مو عاجبه هو الخسران بس في شي واحد منغص حياتي حاليا انه امي خمس مرات خطبت لي وانا ارفض لاني بصراحه ما اقدر اتزوج وانا بالحاله هذي لكن خذوها نصيحه مني اضحك واضحك واضحك ترى راس ماله جلد و ما يسوى واذا انتوا تأمنون بالله الله بيعوضكم في الاخره انا اشوفكم تدورن علاج و مدري ايش لكن علاجها نفسي اذا نفسيتك مرتاحه خلاص وشتبي كفايه عندك كم واحد يحبك و اهلك معاك و بقول لكم شي مدري اذا احد بيصدق او لا بس انا معاي اكثر من مرض و الصدفيه واحد منها و انا الحين موظف حكومي و رياضي و العب مع المنتخب و لي صداقات و حياه حلوة حتى انه عندي حبيبه لكننها تزوجت غيري ههههههههه المهم عنها وفي الختام حبيت اقول لكم عن نفسي و انشاء الله تستفيدون مني يعني و مشكورين و الله يشفي الجميع بس ملاحظه وحده انا ولد عن جد يعني وربي لو اقدر اخذ امراضكم واحطها فيني والله لاخذها والله يعلم شكثر احب الناس و احب اساعد و اذا ما اقدر اخذ كل امراضكم اخذ بس البنات لانه وربي البنات يتأثرون اكثر من الولد ( البنت و هي ما فيها شي تتأثر لو حبه شباب طلعت في وجهها فما بالك حبوب و في جسمها كامل )ما اقول لكم لا توقفون عن العثور على علاج لكن اقول لكم خلكم سعداء بحياتكم و حتى لو ما لقيتوا علاج مو معناه ان الحياه بتوقف و انتوا مو لوحدكم في ترى في ناس كثيره معاكم و تحس فيكم انا اول مرة ادري عنكم وربي كنت اتمنى اني اعرف واحد في مثل حالتي علشان اسولف معاه و اعرف شلون قدر يواصل حياته طبعا ما راح ارجع مرة ثانيه للمنتدى لاني بكون استحي لكن بحاول اجي اشوف الرد و اهرب ههههههههه و الله يوفق الجميع و ادري طولت عليكم لكن حبيت اقول اللي بقلبي كله مرة وحده اي صح بقول لكم شي طبعا انا الوحيد في عايلتنا المريض و المفروض انه يعاملوني غير صح يعني معامله مميزه شوي لاني مريض لكن تعاولو و شوف ههههههههههههههه مرة مضروب مرة مطرود يعني عادي مافي فرق الحين ترى انا شخصيه حلوة و مرحه مع اللي فيني و انا مو بس معاي مرض الصدفيه معاي كذا مرض المهم الله يشفي الجيمع باي