رحلة ابنتي مع الاكزيما و رجائي من الله الشفاء

[nisreen1811]

السلام عليكم ورحمة الله وبركاته
تمت المراجعة - طبيب جديد زميل للطبيبة الجلدية ما غيرها في نفس عيادة المستشفى + الطبيبة نفسها ايضا
فحص المنطقة المصابة ومن الفحص بالنظر تم تشخيص فطريات قلت له يا دكتور لو فطريات كان معدية - قال لا مش شرط
طبعا شرحنا له القصة من طقطق للسلام عليكم - وهو مصر جدا جدا على الفطريات وحكينا شك الصدفية قال - احتمال 1% بس وارد
طلبت العينة - فاحضر شريحتين زجاج وحك بشكل خفيف الجلد ونزل بعض الجلد الجاف - طبعا بالاخر طلعت العينة مش هيك (استنوا شوي)
وطلبت فحص الحساسية وقلت له قصة البندورة والبيض قال : لا لا مستحيل حساسية - الحساسية مش هيك - هي بنتك جلدها حساس نعم - بس هادي مش حساسية اكل
وقال استنوا شوي في الانتظار - وانا ادعو وعلى اعصابي دقائق مرت حسيتها سنة
وبعدين نادانا مشان يقول - العينة مش واضحة - ما في اشي بيدل على الصدفية - بس في فطريات خفيفة - بدي اعطيها كريم للفطريات وكبسولات للفطريات -- والكريم فيه كورتيزون ومع كل الاعتراضات على الكورتيزون ما قبل يغير الكريم ولازم دهان منيح مع مساج مشان يطيب
والمراجعة بعد 3 اسابيع على كل الاحوال - سال زوجي - طيب احنا هيك استبعدنا الصدفية ؟ قالت له الدكتورة - بنسبة كبيرة كتير بس مش اكيد - اذا رجع الالتهاب بنعمل خزعة - طيب شو اللي عملناه ؟ قال كشطة - طيب ما نعمل الخزعة ونخلص يا دكتورة؟ - قالت : لا لا ما في داعي بنعذبها عليها - خلينا نعطيها وقت احسن

غني لي يا هجهوج يا ليل ما اطولك

وبعدين يا دكتورة - احنا من شهر 6 بناخد كورتيزون وانت عارفة - قالت ما تخافي من الكورتيزون - نسبته كتير خفيفة وهادا الكريم استعماله للوجه - واستمري على المرطب ومع السلامة

التقرير اليومي

وضع بنتي
1. امس ظهرا
ظهر اليد اليمنى - احمرار خفيف - وضعت ماء وملح
مناطق اسفل الظهر مخيفة جدا بعد كشط الدكتور اللئيم وفيها حكة وفيهادمار شامل دهنت الكورتيزون على مناطق الالتهاب وعوضي على الله

2. في الليل
ظهر اليد اليمنى - احمرار خفيف - وضعت ماء وملح
منطقة اسفل الظهر - وضعت المرطب على كل منطقة اسفل الظهر مع التركيز على الاماكن الخشنة وماء وملح على الحبوب الصغيرة طبعا الوضع لا يزال دمار ونار دهنت ودعيت وبكيت لما نمت

3. وفي الصباح
ظهر اليد اليمنى - احمرا خفيف - وضعت مرطب
منطقة اسفل الظهر -طبعا تحسن 40% وسحري ودهان كريم الكورتيزون المنحوس على منطقة الالتهاب فقط
تقييم الوضع : ظهر اليد تحسن مع جفاف - اسفل الظهر تحسن

4. الاستمرار في حبة البركة+ كبسولات الفطريات+الرقيا وايات الشفاء+قائمة الممنوعات تخفيف فقط وليس منع من اليوم

* نسيت اقول لكم - لما شاف الدكتور ظهر اليد اليمنى قال - لا هادا ولا اشي ضربة وبس ؟
والله اني مقهورة بس يمكن هم صح والكل اجمع انه بزيادة 3 اسابيع يعني انا صح والعالم غلط - بدي امشي في العلاج ولا حول ولاقوة الا بالله العلي العظيم

هلا اسماء الادوية الجديدة طخ:
1. الكريم داكتاكورت daktacort كل يوم دهن مرتين
20mg miconazole nitrate and 10 mg hydrocortizone per gram
يا اخي سعيد مش هيك نسبة الكورتيزون 1% يعني اكتر بكتير من كريم اللوكويد اللي نسبته 0.1% ارجوك صححلي او اكدلي
10mg/gm
=10mg/1000mg
=1/100
=1%
شو رايك اخي سعيد شو رايكم يا ياخواني واخواتي
طبعا الكريم بلجيكي ومكتوب عليه انه ضد فطر الكنديدا خصوصا عند وجود التهاب معه - وكمان ضد الفطريات المختلفة والبكتيريا - طبعا مشروح عمل المكونات الميكونازول هو الذي يعالج الفطريات والكورتيزون يساعد الجلد للالتئام بسرعة فقط هذا عمله الوحيد - طيب انا مش مستعجلة ما بيصير اخد ميكونازول لوحده ؟

2. الكبسولات اسمها سبورافاست sporavast
طبعا اردنية كل كبسولة 100 ملغم اتراكونازول itraconazole كل يوم كبسولة واحدة بعد الاكل - ضد الفطريات والتهابات اخرى فطرية

اطلت عليكم جدا اليوم سامحوني ولكن اتمنى منكم الافادة والدعاء
يا رب تشفي بنتي وترحمها برحمتك الواسعة يا رب العالمين
يا رب تشفينا وتشفي بناتنا واولادنا وترحمنا برحمتك الواسعة امين يا رب العالمين

[عازمة على شفائه]

يعني يا نسرين شو بدي اقلك حركات هالدكاترة ما بتتغير...روح وتعال وتعال وروح...الله يهيدهم بس رجعوكي لنفس النقطة بالزبط...بالنسبة للادوية ما بعرف شو بدي اقلك بس لو صدفية ما ظنيت بييحسن من تاني يوم 40%..والله تعالى اعلم يعني بدها تلات اربع ايام ليبن النتيجة ازا كان الدواء ممتاز ازا كانت فعلا صدفية وانا والله اول ما انصاب ابني دهنتلوا اسبوع او 10 ايام وتحسن كان بسيط جدا جدا جدا...
طيب في نصيحة الك...جربي منطقة واحدة فقط(يعني سم ب سم) من منطقة الخلف انك تحطيلها خل التفاح مع زيت حبة البركة لانها اسرع المناطق اختفاء بهاي الوصفة...يعني باسبوع بتلاقيها عبارة عن اثر بني فقط بروح بعد كمان اسبوع ان شاءالله...والله تعالى الشافي..
يعني مو عارفة شو بدي اقلك...يخرب شيطانهم مهم عملوا نفس المرة الماضية بالزبط....يعني زيادة هالكشطة؟؟؟
يا ستي الله يشفيلك هالامورة يا نسرين يا رب...يا حبيبتي يعني تغلبت روحة وجية عالفاضي...الدكاترة عاد؟؟؟
اللهم اشف جميع مرضى المسلمين اللهم اااامين...

[nisreen1811]

حبيبتي وتوام روحي عازمة
كيفك وكيف صغارك ؟ يا رب تكونوا بالف خير
شفت تيتي تيتي زي ما رحت زي ما جيتي
بس يعني اتطمنت شوي صغييييييييييييرة

بصراحة موضوع الخل وزيت حبة البركة متاكدة انه المنقذ متاكدة وبفكر فيه ليل مع نهار - بس ابوها رافض - وانا طبعا انت عارفة قديش جبانة وخايفة يضرها محتارة كتير اجربه ؟ وخايفة يزيد الالتهاب اذا حطيته كيف بدي اعترف بالجريمة قدام زوجي والدكاترة
خليه شوي على بال ما الله يفرجها علينا - بيكفي تهريب المي وملح بدون ما اقول لحدا - بس والله بتتحسن على المي وملح (الحبات مش الالتهاب)

والله يا عازمة كله بيهون الروحة والجية والدفع ودمار الاعصاب والبكاء وسمة البدن انا بوعد كل العالم اذا طابت راح انسى كل شي بغمضة عين
يا رب تشفي لي هالمسكينة وترحمها برحمتك الواسعة
يا رب تشفي بنتي وابن عازمة وترحمهم برحمتك الواسعة

[سعيد مسلم]

و الله انه شيء يوجع القلب يا اختي نسرين
سبق وقلت ان بعض الدكاتره يتعاملون معنا كاننا عينات او دميات لسنا من دم و لحم مثلهم , الدكتور يحسب نفسه هو بهذا التصرف لا يعذب الطفله , هو لا يعرف معنى المجيء و الدهاب للعيادات و كيف تتأثر نفسية المريض لو كان يعرف لمجر د الشك في شيء و لو ب 0.001 في 100 يجب ان يخفف على المريض و يزيل الشك من ذهنه حتى يكون العلاج صحيح .
الله يهدي الجميع و خلاص صار لازم الواحد معاهم يعالج عندهم و يعالج عند دكتور نفسي حتى لا يدمرون نفسيته , نعم تحليلك صحيح نسبة الكورتزون في المرهم الحالي اكبر من المرهم السابق لكن احيانا تجد نفس نسبة الكورتزون في مرهمين مختلفين و تجد المرهم الاول مكتوب عليه دواء كورتزوني ضعيف و المرهم الثاني تجد مكتوب عليه دواء كورتزوني متوسط الفعاليه و هذا الاختلاف راجع الى نوعية الكورتزون المستعمل.
يظهر ان السيد الدكتور شاكك في فطر الكنديدا , الم يعطيك اي غسول طبي للمنطقه الى جانب المرهم ؟؟؟؟
و اذا كان الحال على الكنديدا فالنحدو حدوه و نرى النتيجه , اجعلي ابنتك تفطر على اللبن لرائب الغير محلى مع زيت زيتون و خبز اسمر و تتعشى على نفس المنوال , و في الاكل الاخر ضعي لها شوية من البهارات التاليه "قرفه و زنجبيل" كلها تقتل الكنديدا.
يجب ان تجنبيها السكاكر و السكر فترة العلاج و الخبز الابيض و مشتقاته"المعرونه و الباسطا و الشعريه و غيرها"و النشويات فترة العلاج لان الكنديدا تتغدى على السكر.
و في الاوقات التي لا تضعي لها المرهم خدي شوية زبادي "لبن رائب , ياغورت" غير محلى و دهني لها تلك النطقه و اللبن الرائب قاتل للكنديدا لانه فيه خمائر حليبه تفتك بالكنديدا و في امراه اعرفها كانت تعاني من فطريات الكنديدا المهبليه و اكانت جدتي تنصحها بعمل كمادات الخزامى فلما كنت مع جدتي لوحدنا استفسرت فقالت لي المشكل بشكل مرموزو ما يجري فقلت لها عليها بالرائب "اي اللبن الزبادي " و فعلا هذا ما فعلته فبرئت بعد محنه مع الادويه.
و الله يشفي بنتك يا اختي نسرين برحمته الواسعه و يشفينا ويشفي مرضى المسلمين.

[nisreen1811]

جبتها يا سعيد
وكانت غايبة
هلا شوف - انا دايما وكل يوم من زمان بسوي سلطة خيار وبندورة مشان ريجيمي انا وتخفيف وزن وصحة كمان ضمن نظام اكلنا السيء اللي عرفته - بس بعد حساسية البندورة قلبت كل السلطة لسلطة خيار ولبن - بنتي بتحبها كتير ومستعدة تاكل منها كتير - وصرت احط معها فليفلة خضراء ونعنع وبقدونس وشوية ثوم - وبصراحة كنت خايفة مع انه انت الله يسعدلي اياك شرحتلي عن اللبن اكتر من مرة - لانه في من الاعضاء بتزيد معهم من الحليب ومشتقاته - فكنت اطعميها وايدي على قلبي
بس والله خف كتير اخر فترة كتير - يعني حتى لما الدكتور شافه امبارح - قال انه بادي يطيب من الوسط وهادا اللي انا كنت اقصده بكلامي مستقر الى تحسن - يعني تحسن بطيء بس موجود - الله يخليك يا سعيد

واللبن مقدور عليه ودايما موجود -ان شاء الله بكتر الها منه اكتر واكتر - هلا نيجي للدهان - راح اجرب منطقة صغيرة واخبرك - واذا بطلت اكتب في المنتدى اعرف انهم حكموا علي بالاعدام بعد اكتشاف جريمتي - ما اظن انه بيحرق لما نحطه وكمان راح اجرب نتفة صغيرة واشوف

غسول والله ما اعطانا الدكتور يا سعيد - انا بغسل بمي بس وبنشف منيح - المشكلة انه المنطقة حساسة وجلدها حساس زيادة ؟ وبالصابون بس يوم الحمام الاسبوعي مشان البرد - شو رايك بطريقة مي وخل طبيعي زي ما قالت عازمة ؟ بس لازم بعده دهان المرطب وبخاف من تفاعلات المواد مع بعض على الجلد لاني ما بفهم فيها ؟ او يمكن الصابون النابلسي مرة باليوم شو رايك ؟

والخبز الابيض بسهولة بنبدله بالخبز الاسمر سهل كتير ومن اليوم
القرفة موجودة - بكتر منها - والزنجبيل وصيت عليه واليوم بيكون عندي وبستعمله كمان
يا رب تشفي بنتي وترحمها برحمتك الواسعة
يا رب تشفي بنتي واخي سعيد وترحمهم برحمتك الواسعة

[هجهوج]

الله يشفي بنتك يختي نسرين
بس شوي شوي عليها لالها
وبدلي لها الجو شوفي المكان اللي عم تنبسط فيه خليها تجلس فيه كثيرا واستخدمي الحاجات الطبيعيه واذا اضطريتي للمراهم
استخدمتي البروتوبك بديل الكرتزون غالي بس افضل للاطفال وبارك الله فيك وادحري الشيطان وما تاسري عليها بكثر الدهن والنزر لالها

[سعيد مسلم]

اول شي اختي نسرين الحمد لله على التحسن الحاصل و الف حمد و شكر لرب العالمين
اما اللبن فانتبهي لكلامي لاننا مختلفين في اللهجه بعدي عنها جميع منتجات الحليب خصوصا الحليب لانه فيه سكر اللاكتوز و هذا النوع من السكر لا ينهضم بسهوله في الامعاء مما يجعل فطريات الكنديدا تتغدى عليه.
اما اللبن الرائب او ما يقال له الزبادي فهو نتيجة عن تدخل خمائر حليبيه و هذه الخمائر هي من تحول الحليب الى رائب و تتكاثر و تساعد على الهضم و حركات الامعاء و تقتل الكثير من الفطريات على راسها فطر الكنديدا.
اما عن كونه يحرق فلا لن يسبب لها اي حرقان فاطمئني من هذا الجانب و كل الاشياء التي قلت لك كزيت الزيتون و القرفه و الزنجبيل تساعد على قتل فطر الكنديدا و ما نأكله داخليا ينعكس خارجيا ايضا.
اما الخبز الاسمر فجيد لانه يضم جميع مكونات القمح و ليس كالخبز الابيض الذي كله نشا و مضر للهضم بل انني سبق و ان قرأت انه يرفع السكر في الدم للمرضى السكر اكثر من السكر نفسه.
الغسول الطبي مهم لا ادري لما لم يعطيكي الطبيب اياه الى جانب الكريم , انصح باستعمال بشراء غسول طبي ضد الفطريات ك هيدرالين hydralin في على شكل اكياس او صابون اذا اشتريتي اكياس حطي كيس في لتر من الماء الدافئ و اغسلي لبنتك المنطقه به جيدا و نشفي المنطقه و بعديها ضعي الكريم اما ان اشترتيه صابون فضعيه لها في تلك المنطقه و خليه شويه 5 دقائق مثلا و اغسلي جيدا و نشفي منيح و بعديها حطي لها الكريم.
و في غسول اخر في شكل سائل جيدا جدا اسمه biosept 5.5 استعمليه بنفس العمليه التي ذكرت بالنسبه للصابون.
و انتي شوفي اللي تختاري من ها نوعين اتنيناتهم كويسين للفطريات خصوصا الكنديدا , و ما في منهم خوف و لا غيره لانهم ما يهم لا كورتزون و لا غيره و يستعملون خصيصا للمناطق الحساسه.
بالنسبه للخل مخفف بالماء اوزيت حبة البركه او زيت زيتون للمناطق الحساسه خليه على جنب حاليا و لانه احتمال يسبب تهيج للمناطق المغلقه كالثنايا و المناطق الحساسه.
و الله يوفق اختي نسرين و يشفي بنتك

[سارة اسلام]

السلام عليك ان شاء الله رب يشفي كل مرضى المسلمين

[سعيد مسلم]

المشاركة الأصلية كتبت بواسطة سارة اسلام

السلام عليك ان شاء الله رب يشفي كل مرضى المسلمين

ربي يخليكي اختي ساره
و طبعا كلنا نفتخر بمغاربيتنا سواء جزاير او مغرب او تونس او ليبيا او موريتانيا

[سارة اسلام]

السلام عليكم انا عضوة جديدة بالمنتدى