حد جرب الدكتور مصطفي جبر لعلاج الثعلبة الشاملة

[Audia8]

في اي دولة وبأي سعر لو أبيع سيارتي اقسم بالله

[Hazza305]

السلام عليكم
وكل عام وانتم بخير وصحه وعافيه
صراحه انا كانت ابي اروح حق الدكتور
بعد كلامك الاخ عبدالعزيز
يعني انا عارف الكرتزون وعراضه ع الجسم

[Hazza305]

وارجو من الجميع المشاركة في هذا الموضوع

[حمود444]

السلام عليكم ، فيه شخص تعالج عند الدكتور من ٨ شهور وعلى كلام صاحبي ان اموره تمام الحين وصحيا يقول مافيه شي ، مارس رياضه وقت العلاج واموره تمام ،

والله التعليقات عن الدكتور غريبه انا باول الشهر والنتايج مبشره بالخير

متوقف عن الحبوب الحين والابره موعدها بعد خمس ايام ومتردد اضربها ام لا

اسم الدكتور يا اودي مصطفى جبر بالاردن ابحث عنه وبتحصل رقم عيادته

[عبدالعزيز عبدالله]

والله ي اخوان الواحد مايقدر يحكم بالاعراض الا بعد كذا شهر

لان اول شهر فالغالب الامور تمام

وعموما الكرتزون لحاله مصيبه فما بالك ان الدكتور قاعد يعطيه المرضى بهالكميه الكبيره حيل

[حمود444]

يا اخ عبدالعزيز كيف حكمت انها كبيره ؟ ومتى حسيت بالاعراض بعدين انت ماذكرت كم كانت فترة علاجك

[عبدالعزيز عبدالله]

يا اخ حمود انت كلمتني ع الخاص وقلت كل التعليقات سلبيه عن الدكتور

بعدين انا حكمت وكل الاطباء الي رحت لهم حكمو

انا اول ابره خذيتها كنت اخذها بالمستوصف قالو ياخي انت ليش تاخذها هذي عاليه حيل وماكانو يدرون انها كل اسبوعين !

وبعدين بديت احس بالاعراض القويه خلال الشهر الخامس واضطريت اني اروح لدكتور باطنيه معروف اسمه كمال الشومر وقال انت قاعد تقتل نفسك الدكتور هذا راح يذبحك وفعلاً صحتي تعبت والهرمونات انقلبت راساً على عقب وانا شرحت كل شي في تعليقاتي السابقه عموماً تقدر ترجع لها

وبعدين لو الطبيب صادق ليه يقول ان الكرتزون فشل في علاج الثعلبه وهو يستخدمه ؟؟ ويقولنا هذا كرتزول وليس كرتزون ��

بعدين الي اشتكو منه كثير مو واحد واذا عندك شخص تعالج عنده واوقف الكرتزون من غير لا يطيح الشعر ي ليت تخلينا نشوفه

وبالاخير الكل حر الي بيذبح نفسه مانقدر نمنعه
وشكراً

[sayer s]

السلام عليكم بخصوص الي يسال عن دكتور مهدي الي بالامارات الله لايوفقه لا دنيا ولا اخرة

[sayer s]

كل الاطباء كذابين ونصابين ويبون الفلوس صراحة العلاج بعد الله سبحانة هي الادوية البيلوجية فقط

[sayer s]

الادوية البيلوجية اقل اعرض جانبية من الكرتزون القاتل ونتائجة جميلة مثل زلجانز وغيرها والباقي خراااابيط وشكرا