رحلة ابنتي مع الاكزيما و رجائي من الله الشفاء

[nisreen1811]

الاخ العزيز هجهوج
كلامك ثقة والله واعطاني دفعة للامام
وان شاء الله راح اسال عن هالدواء واشتريه باسرع وقت وقبل التشخيص واذا ما فاد لن يضر
كل زعلي يا هجهوج انها ما شاء الله تبارك الله بنت صغيرة وحلوة بتجننننننننننننننننن وانا خايفة انها تتبشع الله لا يقدر يعني والله شفت صور بتقشعر البدن

بس انا راح الملم شتاتي واشحن معنوياتي ايجابيا قريبا ان شاء الله و قل لن يصيبنا الا ما كتب الله لنا وان شاء الله يكتبلنا الشفاااااااء يا رب
وان شاء الله ربي حنون معي ودايما كنت احسه يساعدني ويرحمني في اهم واسوا اللحظات في حياتي فالكريم والرحيم اكيد راح يرحم بنتي

انا كتير متاملة برحمة ربي اللي وفقني الكم في الاول واكيد راح يوفقنا للشفاء قريب يا رب

الف شكر لك على الدعم وربي يخليلي اياك يا رب
يا رب تشفي بنتي وهجهوج وترحمهم برحمتك الواسعة وكل المرضى يا رب العالمين

[عازمة على شفائه]

لا لا لا يا نسرين....ابدا ما بصير تشوفي صور للصدفية لانو هي انوااااااااع كتير....ما رح تعرفي شو مع بنتك ازا فعلا لا سمح الله طلع معها صدفية....تصدقي انا ولا مرة تعمدت اشوف صورة للصدفية ابدا من بداية اصابة ابني حتى اليوم......ولو بالغلط طلعت معي صورة ولا يمكن اشوفها بدير عيني علطول لاني عارفة النفس كيف رح اضل خايفة يوصل ابني لهيك مرحلة
وهادا رح يخلي طاقتي السلبية تنتشر وفعلا ممكن يصير مع ابني هيك لا سمح الله....والرسول عليه الصلاة والسلام نهانا عن النظر عمداوالتدقيق في المناظر المزعجة...لانو العين بتلقط.....وبعدين في كتير ناس قرات عنهم الصدفية صرلها سنين زي ما هي ...ما انتشرت فليش الواحد يتوقع الاسوا....لا انا بتوقع الافضل والله تعالى اعلم.....

[nisreen1811]

السلام عليكم ورحمة الله وبركاته
حبيبتي عازمة
والله كلامك درر
طبعا انا لما كنت اتفرج عالصور كنت اتفرج علي اشي شبيه مشان اقدر ارجح اواقلل احتمالات الصدفية

الحمد لله انه لغاية هلا الالتهاب ما طلع عن منطقة الخلف (اسفل الظهر بس) وان شاء الله انه بنخلص منه في اقرب فرصة

طبعا وضعنا مستقر لا انكماش ولا زيادة - والحبة اللي حطيت عليها ماء وملح في ضمور - فتشجعت وحطيت على التهاب صغير بجانبها وبنراقب وبنشوف

طمنيني كيف ابنك ان شاء الله اموره تمام - اليوم موعد الدكتور ضروري تخبريني بالتطورات

مشان الوقاية انت بتستعمليله زيت الزيتون البكر مع قشر المندلينا المجفف مرة واحدة بعد الحمام بس ؟ ارجوك صححي لي؟
وبياخد اوميغا 3 والا لا؟
انا اشتريتلها اوميغا 3 متل ما قلتوا لي وان شاء الله بتتحسن
وبدي اسالك شو رايك بفرك الثوم في مناطق الاصابة لانه اكثر من شخص نصحني فيها ؟
انا بتمنى اذا في احد من الاعضاء يخبرني عن رايه فيها والطريقة؟

يا رب يشفي بنتي وابنك ويرحمهم برحمته الواسعة

اخي العزيز سعيد
انت كنت حكيت لي على فرك الثوم - طيب لازم ينزل الدم لانه والله يا سعيد قلبي ما بيطاوعني - ما راح اقدر اعملها - واكيد انه راح يحرقها نار
وكم وقت بدها ليبلش يتحسن ؟ و زيت الاركان للوقاية كل يوم والا بعد الحمام - ارجوك الافادة

واسفة على الاطالة عليك وعلى عازمة
يا رب تشفي بنتي و سعيد وترحمهم برحمتك الواسعة

[سعيد مسلم]

اختي نسرين لا تكثري عليك كثرة الاستعمالات لان هذا قد يجعل اليأس يدخل الى قلبك و هذا ما لا اريده و انا افهم احساسك انك متخوفه من ان تكون صدفيه و هذا الخوف يجعلك تريدين ان تستبقي الاحداث و مقاومتها قبل اي احتمال اخر.
مادام الامر لا يعدو عن كونه حبيبات حمراء و بدون قشور اذن لا زال الامر لا ينطبق على صدفية الثنايا هذا ما اتمناه و ارجوه لابنتك الحبوبه ان لا يكون غير ذلك مجرد تحسس و كفى.
اما عن الثوم فقد نصحتك به سابقا لكن ما دام الامر تحسسا و هذا ما يظهر لحد الان فلا تستعملي لها الثوم لان الثوم حارق.
اشتري بيكاربونات الصوديوم و جعليها في اناء من الماء و استعمليه كغسول لتلك المنطقه و بعد اتمام الاغتسال ادهني لها ان توفر لك زيت الاركان, انا من الممكن انصحك باستعمال زيت الركان مع زيت كبد الحوت ان توفر كدهان ان توفر او زيت كبد الحوت مفردا كدهان ان لم يتوفر لك زيت الاركان لكن المشكله في زيت كبد الحوت رائحته.
فلا ادري هل ستتحمل الطفله رائحته ام لا لا ادري
حاولي ان تستغني لفتره عن السكريات و الاشياء التي تدخل فيها و الحليب و مشتقاته و اجعليها تاكل زبادي غير محلى فهو يعين على محاربة اي فطريات هناك و خصوصا ان الكنديدا هناك موجوده بكثره و الزبادي فيه بكتيريا نافعه قاتله للعديد من الفطريات خصوصا الكنديدا.
ارجوا الشفاء لابنتك اختي نسرين و الله يجعل الشفائها في القريب العاجل.

[عازمة على شفائه]

عزيزتي نسرين:
كيفك حبيبتي وشو اخبارك واخبار الامورة لين؟
انا الحمدلله منيحة وكمان ابني امورو الحمدلله تمام ...صحيح اليوم كان موعدو بس ما رحنا ...لانو اليوم كان اجتماع الاهالي عندو بالمدرسة ولانو مريض شوي معو كحة...فما بدي اوديه رح يقلي اعطيه المضاد الحيوي بعدين ارجعيلي لاو بتعرفي ما بحدد موعد العملية الا ازا كل امورو تمام...بس انا شاكة انو ما رح يكون في عملية ان شاء الله لانو نفسو متحسن بعد التلات ادوية الي كتبها الدكتور والله تعالى اعلم...الموعد صار السبت الجاي ان شاء الله....
بالنسبة لابني انا كوقاية بستعمل فقط زيت الزيتون البكر ومعو شوية زيت خروع (من الصيدلية)وبدهنلو بعد كل حمام فقط هلا بهالجو بحممو مرة بالاسبوع....
ما بدهنلو اشي يومي الا على الركب والاكواع بستعمل زيت الزيتون الي فيه قشر مندلينا مجفف....مرة بالليل ومرة بالنهار وبتمنى انو يكون علاج مو بس وقاية...كنت بلشت بقشر المندلينا قبل فترة بسيطة واستمريت 4 ايام المهم قطعتها لانو قشرتها كانت تعل قلبي ليطلع منها نتفة مي...بعد اسبوع او اكثر ان شاء الله بتطلع مندلينا الي بحديقة البيت اضمن وانظف و فيها مي ان شاء الله احسن من هاي ورح اجربها لاني متشجعة للطريقة كتير.....
بالنسبة للتوم نعم انا بنصح فيه وبشدة لكن ازا لا سمح الله بين انها صدفية يعني متل ما قلك اخي سعيد...انا جربت التوم على را س سراج واختفت الصدفية تماما سنة كاملة وانا لسة مو متاكدة ازا هاي الي رجعت كانت نفس المناطق او مناطق جديدة....والحمدلله رب العالمين رجعت خفيفة كتير كتير متل قسرة الشعر العادية...يعني ما شاء الله لا قوة الا بالله دهنة دهنتين وبتروح....
اتمنى من لله ان اكون اجبت على كامل اسئلتك...وانا يا عزيزتي لسة بقلك بكيييييييييير على الاسئلة الكتييييييير هاي بتخافي تجذبي المرض لبنتك بالتفكير السلبي والذي هو توقع المرض بالدرجة الكبيرة هاي....والله الشافي..
الله يشفيلك ياها يا رب يا نسرين وتفرحي فيها وتشوفيها عروس متل القمر يا رب العالمين.....الاطفال يا نسرين ازا لا سمح الله صابهم صدفية اغلبهم بتروح وقت البلوغ وبتختفي سنين طويلة قبل ما ترجع ازا لا سمح الله رجعت....ازا كانوا ما بستعملوا ادوية كورتيزون....
اللهم اشف جميع مرضى المسلمين اللهم ااااامين...

[nisreen1811]

السلام عليكم ورحمة الله وبركاته

اخي العزيز سعيد
اتمنى ان تكون بصحة وعافية - وفي اتم الشفاء يا رب
بالنسبة للحساسية فمناطق الالتهاب ثابتة ؟ والوضع على ما هو وهذا لوحده سبب يدعوني للتفاؤل الان والف الحمدلله رب العالمين انه لا يوجد ازدياد.

هذا لا يمنع لوعة قلبي طبعا ولكن الامل بالله كبيييييييييييييير ولا لل
لن استعمل الثوم الان - سانتظر يوم الاربعاء 12/1 يوم العينة - الماء والملح للان نتيجة جيدة للالتهاب واستعمل المرطب ايضا والوضع مقبول مؤقتا
اطمئنك ان جميع التجارب متوقفة باستثناء الاتي
1. قائمة الممنوعات من الاكل
2. اعتماد الصابون النابلسي - والغاء معطر الغسيل
3. استخدام المرطب مرتين يوميا
4. بذرة واحدة حبة البركة مقسومة
5. ماء وملح في منطقة محدودة جدا ونتائجها تتحسن
6. اوميغا 3 الشراب لم اجده اشتريت multi vitamine وفيه اوميغا 3 وللمرات القادمة يتم دراسة بذور الكتان

سؤال اخير اخي سعيد كم من الوقت تحتاج نتيجة الميكروسكوب - ارجو الافادة ممن يعلم

حبيبتي عازمة
انا متفائلة الان جدا جدا ولله الحمد والفضل - وانا بحب دائما اتنور .
يمكن اني اوقات كتير بكون في دمار شامل بس لاني ما بيهون لي انه بنتي تتعذب ولو بغزة دبوس - الكل بيقول اني عندي وسواس بخصوص اولادي - وانت اكتر واحدة ممكن تحسي فيي انت وامل وام سعد - بس والله عارفة و متطمنة ومتاكدة تماما من رحمة ربي و لطفه وحبه الي الف الحمد لله - بس هادا الشعور طول عمري معي ومتاكدة منه 100% الف الحمد لله ومعظم الوقت تفكيري ايجابي الحمد لله

والله له حكمة في مرض بنتي ولكنها مرحلة قصيرة وستنتهي بشفاء تام وقريب برحمة الله وفضله علينا

يا رب تشفي بنتي وسعيد وابن عازمة شفاء تاما لا يغادر سقما وترحمهم برحمتك الواسعة يا رب العالمين

[سعيد مسلم]

انا الحمد لله اختي نسرين بخير و على خير ربي يخيلكي اختي و يحفضك و بنتك من كل شر امين.
جيد ما تقومين به
و الله يا اختي بالنسبه للوقت الذي تتطلبه مدة تحليل العينه لم اعد اذكره لكن لن يتطلب الامر مجرد ايام فقط.
الله يشفي بنتك و يعافينا اجمعين يا اختي مسرين انه هو ولي ذلك و القادر عليه

[nisreen1811]

ايام ؟ كنت افكر ساعة او يوم
مش مشكلة
كل امر المؤمن خير ان شاء الله - الف شكر يا سعيد ويا رب تضل دايما بخير

اختي عازمة بدي اقول لك شغلة مهمة
بحس انه لازم نقلق - انا هيك طريقة تفكيري اصلا
يعني عندي القلق ضرورة من ضروريات الحياة زي الاكل والشرب
يعني بحس لازم دايما ندور على اشي نحسنه في حياتنا -و دايما الله وكيلك بلشانة في اشي و بحاول احسن شو ما بقدر - فما بالك لما في مشكلة
لازم نقلق مشان نحل المشكلة - يعني لو اخذنا الامور ببساطة ممكن الله لا يقدر وتتطور - فالوقاية خير من العلاج - وبفضل احل المشكلة وهي صغيرة وقبل ما تكبر
بس انا اوقات لما احس اني ممكن اسوي اشي و ما اقدر اسويه بـبكي والامر من هيك بخاف وما بقدر ارتاح ابدا

وكمان اوقات بقلق كتيييييييييير و بقوم الدنيا زيادة عن اللزوم (الناس بيقولوا لي واحيانا بيكونوا هم الصح )وهادا عم بحاول اقلله شوي شوي - بس على مين مش زابطة معي

الله ارحم واحن على الانسان من قلب الام - ورزقكم في السماء وما توعدون

الف الحمدلله على نعمه الكثيرة التي لا تعد ولا تحصى

والف شكر الك لانك بتذكريني بالتفكير الايجابي وهو كتييييييييييييير مهم عندي - حبيبتي افضالك غمرتني

[سعيد مسلم]

اختي نسرين الامر يعود على حسب مواعيد المختبرات انت تعرفين قد يكون الامر سريعا او بطيئا على حسب ما اسلفت سابقا.
و ربي يخليكي اختي العزيزه و يجعل ايامي و ايامك كلها خير و سعاده يا رب.

[nisreen1811]

فهمت عليك اخي سعيد
الله يخليك ويديمك وتضل دايما سعيد يا سعيد :d وبصحة وسلامة يا رب امين