الحمد لله

[سراب حلم]

ماشاء الله تبارك الرحمن
الف مبروك وان شاء الله روحه بلا رده
ان شاء الله بشتري سمن القطران وبستخدمه واحط تجربتي

[الزوجه الاولى]

الله معك ياسراب ان شاء الله نسمع اخبار طيبه

[قاهر الصدفيه]

سعد كيف استخدمته براسك ووجهك
وهل كنت تحط فازلين بعد القطران او بعد ماتتروش

[المها4]

ياسعد الله يسلمك فيه مليون سوق شعبي في السعويه نبيك تحددلنا في اي
مدينة
اسم السوق اسم المحل
انا مرة كلمت عطار فال ممكن تلقينة في اسواق حجاب اللي في النسيم

[سعد وبس]

اعتذر لتاخري بالرد اخذته من سوق شعبي قريب من الباحه ولونه احمر خفيف مستخرج من الزيتون البري ( العتم )

[الزوجه الاولى]

مشكور اخوي
ادري ثقلنا عليك الله يتمم الشفاء يارب ياليت تقول لنا طريقتك وايش المراحل الي سويتها وشلون حالك الحين ولك جزيل الشكر

[سعد وبس]

لا اختي ولايهمك ولا مراحل ولا مايحزنون شريت السمن واخذت قفازات من شان مايلون في ايدي وجبت العلبه وحطيت في غطائها وبالاصبع امسح على مكان الصدفيه بدا من الراس وحتى اصابع الاقدام اكرمكم الله والحمد لله بفضله ومنه وكرمه بدات تتقلص الصدفيه حتى انتهت والحمد لله ولاتنسون الدعاء والصدقه لي ملحوظه تهم النساء ترونه يوحد اللون وينعم البشره بعد اما الرائحه فالعطور ياربي لك الحمد ملات الاسواق .

[الزوجه الاولى]

الله يتمم عليك يااخوي سعد الصحه والعافيه ويارب جعل ما قلته في موازين اعمالك يارب

[صمت الحرمان]

سعد الله يتمم عليك

هل ريحة القطران قويه وباينه ؟


وكم يقعد القطران ع الجسم ؟

وهل تتحمم يوميا؟

كم قعدت وانت تعالج شهر ولا اكثر؟

وكم لك من تشافيت ؟

اعذرني كثرت عليك الاساله عسى الله ينفع بها الجميع

[سعد وبس]

الرائحه العطور والترويش على الاقل يقلل منها بدرجه كبيره جدا وماتنشم الا اللي بيركز
افرك واتروش على طول مافيه مشكله . تقريبا اقل من شهر علما ان كل جسمي كان مصدف بس الحمد لله لاول مره من زمان اشوف جلدي بلونه الطبيعي ياربي لك الحمد
لي اكثر من شعر واعدريني تري ماحسب والله بس آخذ بيوم السعد حده واي اسئله انا حاضر بامر الجميع