ما هي أمنيتك بالحياة ..

[نجمة الملتقى]

وينك يا نصوررر

[أم ناصرررر]

السلام عليكم جميعا وأشكر مروركم وأقول لكم أتمنى جميع أمنياتكم تتحقق بإذن الله ويشفيكم
بالنسبه لكم بعد الاطلاع على أجوبتكم شفت االبعض( البال الطويل والانطواء والتجمع مع الاخرين))
هذا مربط الفرس لازم نتعالج منه ونخلي بالنا طويل ويكون فينا وساعة صدر لان االجميع مرتبطون ببعض تقولون شلون لان لو بالنا طويل نتحمل قعدت الغيربالتحاور والسوالف والقشمره على طول متنرفزين +منطوين بروحنا لو كل واحد يقدر يغير نمطه ويشوف السبب ويعالجه نتوصل لشفاء انفسنا من الداخل خلونا نتعالج من الداخل ناخذ الامور برواقه وضحكه لان محد حاس فينا إذا جاك يوم تحس نفسك تعبان محد يسأل عنك لان بالاخر إحنا جبنا لانفسنا هذا الغضب +حرقان في المعده +انتفاخ بالقولون +عوار راس +دهان كرتزون النتيجه (قلق _انطواء _كره نفسك )
العلاج هو(دائما بالدعاء وكثرة الاستغفار والتقرب إلى الله سبحانه وتعالىأكثر )
اخواني التقرب الى الله مو بس تقول الصلاة وصوم وقراءة قرأن في شي أهم
صلاة الضحى+قيام الليل +والتسبيح والتهليل والبعد عن النميمه
وغيره .....
أبي الجميع كل يوم بالمسا يمسك ورقه شنو سوى بهاليوم منو زعل منه مثلا _شنو عطى _وصل رحمه من أعمام وأخوال - قبل راس أمه وأبوه الكلمه الطيبه صدقه _اليوم عطيت فقير فرجت عنه-اليوم رحت حق واحد مريض ) اليوم زادت عند الناس القطاعه الاخو مايشوف اخوه إلا بالاسبوع مره صحيح الجميع عندهم أشغال بس هم الوصل زين ومنا بعض الناس الله يهديهم مايشوف امه خاصتا إذا ساكن بره إلا بالزياره
ملاحظه ونصيحه مني للجميع ((اللي والدينا موجودين أطال الله بعمرهم ما أوصيكم بوصلهم وقبل قدميهم لانهم هم اللي مايتعوضون لو إن والديني رحمة الله عليهم أقبل المكان اللي يمشون عليه الانسان كل ماكبر يحتاج إلا والديه

*بالنسبه لللاسئله اللي كتبتها حبيت أسحب الغضب منكم جميعا كل واحد جاوب راح يحس في داخله إنه هم وزاحه حبيت أخفف ألامكم ..........
*بالنسبه لك يا أخت الدهيميه ديري بالك من القلق نصيحه منى إذا شفتي نفسك ذايق صدرك خذيلك شور ما أوصيك رياضة المشي والله لها منافع كثيره بس محد ملتزم فيها
*بالنسبه لطلبك اخت مرام (اللهم وفق مرام واهديها بما تحب وترضي وتستجيب دعاها وتبر بوالديها وتشفيها من الامراض اللهم أمين )
* ((الحمد لله مافيكم أكثر من مرض علشان ناخذ العبره من الغير ونقول الحمدلله والشكر ))
وبالنهايه الاغلبيه لمرضي الصدفيه مشتركين في الانطواء .....
وجزاكم الله ألف خير

[islamune]

jazaki khayrane ya om nasser 3a nasai7

allh yeshfi aljami3

=)

[نو-نو]

تسلمين ياام ناصر والله كلامك درر وفعلا الاستغفار ثم الاستغفار اكتشفت ان الشخص اللي يستغفر كثير وبصدق واخلاص الله ينوله اللي في باله ويتقبل دعائه خلونا نسوي حملة استغفار كل يوم نستغفر مية مره مفرقه باليوم مو ضرورري بوقت واحد لمدة اسبوع وندعي الله يشفينا .. احد بيشارك ؟؟

[بسمـــة]

مشكورة يااختــــــــــي الغاليـــــــــة
((ام ناصررررر))
الف شكرعلى نصايحك الله يجزاك الف خير

[هجهوج]

انتي والله يم ناصررررررر
مكسب حقيقي والله للملتقى وبارك الله فيس ورحم الله والديس وادعي لاخوس هجهوج تكفين وانا اخوس
والله وانا اخوس اني ارشحس مشرفه لاحد الملتقيات في المنتدى فانتي مفخره واي مفخره انتي والله ثروه انتي مدرسه لا والله جامعه الله يوفقس يم ناصررررررر

[أم ناصرررر]

المشاركة الأصلية كتبت بواسطة هجهوج

انتي والله يم ناصررررررر
مكسب حقيقي والله للملتقى وبارك الله فيس ورحم الله والديس وادعي لاخوس هجهوج تكفين وانا اخوس
والله وانا اخوس اني ارشحس مشرفه لاحد الملتقيات في المنتدى فانتي مفخره واي مفخره انتي والله ثروه انتي مدرسه لا والله جامعه الله يوفقس يم ناصررررررر

مشكور اخوي هجهوج على الكلام الطيب
اللهم ارزق هجهوج واهديه وبر بوالديه ولبسه العافيه وتقبل دعاه يارب العالمين
اللهم فرج كربه ووسع صدره وارزقه من حيث لايعلم وأعف عنه يارب العالمين
صدقنى والله يكفي انك رشحتني وسميتني القلب الطيب وسام على صدري
والله يوفقك ياهجهوج ويسر أمرك
وجزاك الله ألف خير ،،،،،،

[الدهيميه]

الله يجزاكي الف خير اختيالغاليه ام ناصر

[صمت الحرمان]

الله يعطيك الف عافيه ياام ناصر والى الامام دوما

وعلى قولت اخوي هجهوج انتي مكسب للملتقى

واعضائه وزواره

[فاطمتو]

السلام عليكم مشكورة كثير راح اجاوب على هذه الاسئلة كل واحد منى قريب منه الله ولكن هل نحن قريبين منه صعب لان لما نكون في طاعة نكون قريبين جدا منه ولكن عندما نعصيه نحس اننا قد ابتعدنا عنه وهو قريب منا السؤال الثاني اصعب من الاول بس نسال الله الا نكون من المغضوبين عليهم ويجعلنا بين الخوف منه والرجاء في رحمته بالي طويل جدا لان عملي يتطلب ذلك انا لااكره التجمع فكل وقتي مع الناس لست انطوائية حتى في حزني واحب الخروج من البيت كثيرا لان بالبيت احسن بالفراغ اكثر فالحمد لله على نعمة الصحة نساله دوامها والله امنياتي كثير اولها رضا الله والجنة ورضا والديا وان ارزق اولادا يكونوا طائعين لله حافضين للقرءان الكريم