الصـدفيه والزواج ..!!( فضفضه + دعوه للنقاش )

[*مزوح رغم الجروح*]

المشاركة الأصلية كتبت بواسطة مقدام

يستر عليك ربي ياهجهوج هذا السنع هذا الكلام الزين الأمور بسيطة جدا

وكل شىء قائم على مبدا الصراحة رايح ينجح
ولية ياجودينا انتي ومزوح شايلين الفكرة من روسكم خلي عندكم ثقة وشوفوا حياتكم عسى ربي يرزقكم اطفال ينسونكم الصدفية وصدقوني حنا الرجال ماننظر للأمور مثل ما انتم تنظرون حتى لو كان فيها صدفية اهم شي تكون على خلق طيب
وانا من الناس الذين تزوجوا بعد الأصابة بالمرض وعادي جدا ولا وكمان صرت ما اشيل للمرض هم لأني لقيت من يواسيني
وانا هنا اخالف الأخت مزوح اي احراج بين الزوج وزجة اللي تتكلمين عنه

مافية اي احراج بعد اليوم الاول

حياك اخوي مقدام منور الموضوع

بس احس انو الكلام سهل ولما نجي للواقع ننصدم .. يعني اغلب رجال هالوقت اهم شي عندهم الشكل مو مثل زمان يشترون أخلاق البنت ونسبها .. ( ولكل قاعده شواذ اكيد بس يعتبرون نادرين ) وبعدين وضع الرجل المريض اهون بكثير من وضع البنت يعني الرجل حساسيته للأمور اخف ومتى ماقرر يتزوج راح تقدم وانتهى الموضوع بس البنت وين تحصل اللي يتقبل وضعها ؟؟؟ ( يعني تجلس تحرّج والا ايش والا كل ما طق الباب احد قالتله قصة حياتها وهو حضرته يقرر اذا يقبل او لأ ) خل الواحد يجلس بكرامته احسن معزز مكرم ببيت اهله ..
امووور كثير نفكر فيها احنا يالبنات تختلف عنكم يالرجال ..

[مقدام]

[quote=*مزوح رغم الجروح*;604624]حياك اخوي مقدام منور الموضوع

بس احس انو الكلام سهل ولما نجي للواقع ننصدم .. يعني اغلب رجال هالوقت اهم شي عندهم الشكل مو مثل زمان يشترون أخلاق البنت ونسبها .. ( ولكل قاعده شواذ اكيد بس يعتبرون نادرين ) وبعدين وضع الرجل المريض اهون بكثير من وضع البنت يعني الرجل حساسيته للأمور اخف ومتى ماقرر يتزوج راح تقدم وانتهى الموضوع بس البنت وين تحصل اللي يتقبل وضعها ؟؟؟ ( يعني تجلس تحرّج والا ايش والا كل ما طق الباب احد قالتله قصة حياتها وهو حضرته يقرر اذا يقبل او لأ ) خل الواحد يجلس بكرامته احسن معزز مكرم ببيت اهله ..
امووور كثير نفكر فيها احنا يالبنات تختلف عنكم يالرجال

اقول احسن اللي ما يتقبل وضعك من البداية ايش تبغي فية بالعكس هذا المرض ممكن يكشف لكي المستور من بعض اللي ماهمهم غير المتعة
عسى خير لكي شدي حيلك وفكري في الموضوع ترى الأمور بسيطة وابسط مما تتصورين

[جودينا]

المشاركة الأصلية كتبت بواسطة مقدام

ولية ياجودينا انتي ومزوح شايلين الفكرة من روسكم خلي عندكم ثقة وشوفوا حياتكم عسى ربي يرزقكم اطفال ينسونكم الصدفية وصدقوني حنا الرجال ماننظر للأمور

يامقدام انا وارثه المرض من ابوي الله يحفظه صدفيتي نسخه من صدفيته مستحيييييييل انقلها لغيري واخليه يمر بنفس تجربتي المره وقتها مراح اسامح نفسي لذالك انا محاربه هالفكره

ولا تلوموني اللي مريت به مو هين

[maisa.fr]

لا ادري ما اقوله ولكن بالنسبة لي كان مرضي سببا في رفضي لزواج .اما ادا وجدت انسان متفهم فالزواج اجمل من البقاء وحيداووفق الله كل واحد منا لايجاد شريك لحياته

[نور]

المشاركة الأصلية كتبت بواسطة maisa.fr

لا ادري ما اقوله ولكن بالنسبة لي كان مرضي سببا في رفضي لزواج .اما ادا وجدت انسان متفهم فالزواج اجمل من البقاء وحيداووفق الله كل واحد منا لايجاد شريك لحياته

السلام عليكم و رحمة الله و بركاته
إن شاءالله أختاه ستجدين من يقدرك و يستحقك و يكون أنساً لك في حياتك
نسأل الله أن يوفق الجميع لما يحب و يرضى
في أمان الله وحفظه

[نو-نو]

هجوج وراك شايش على البنيات ادحر الشيطان ترى ماينلامون بهالتفكير وانا متاكده ان كل واحد في هالمنتدى رجل او امراءه الا جابخاطره حاجه زيك كذا طبيعي بس الكلام السنع انا مانستسلم لهذي الافكار قبل اربع سنوات وانا حالتي يامزوح وجودينا ارد ى منكم مضررررررررربه وبقوه لكن يوم جاابو الشباب وانا اتعوذمن ابليس واطقها بوجهه تبيني الله يحيك ماتبيني بصرك والحمدلله اعرست وشهر العسل كله لطس من ذالكرتزونات واحلى جلد وبشره بعد شهر رجعت زي العادهوماضرني جبت عيال واموري زينه والله يخليلي رجلي بس يسمع عن علاج ولا دكتور يطمر قبلي لا وهو اللي يذكرني بكريماتي وخلطاتي ولا فيها الامور حساسيه ريحت الخلطه شينه يتحمل ههههههههه ولا يمدحون الصاله للنوم وسعي صدرك بكره تعزمينا على عرسك انتي وباقي الشله انشالله
ومسألة تاخذين واحد مصدف صعبه بعدين يجون عيالكم مصدفين لان الوراثه لها دور

[miramar]

تم تفعيل الموضوع حتى يستفيد منة الاعضاء الجدد

[نور]

السلام عليكم و رحمة الله و بركاته
بارك الله بكم جميعاً و وفقكم لما يحب و يرضى
و إن شاءالله يوفق جميع شبابنا و بناتنا في زواجهم
و كل ما يصيبنا خير ، فلا تحملوا هم شيء ، لأن الله عز و جل أرحم بنا من أنفسنا
فتوكلوا على الله
و لكن الأهم هو المصارحة بين الخاطبين قبل الزواج ، فالصراحة سوف يقدرها كلا الطرفين من الآخر ، و ستكون باقي الأمور أسهل بالتواصل إن شاءالله
ربما الأمر قد يكون أكثر إحراجاً للأخوات
و لكن في النهاية ، لو إقتنعنا أن ما أصابنا ما كان ليخطئنا ، سنكون أكثر وضوحاً مع أنفسنا و مع غيرنا ، و سيكون الخير لنا في أمورنا
وفق الله عز و جلّ جميع الأزواج لما يحب و يرضى
و أن يوفق جميع الخطّاب و أن يتمم لهم على خير

يتم دمج الموضوع مع الموضوع الأساس للفائدة العامة وعدم التكرار


في أمان الله وحفظه

[نجمة الملتقى]

يا جودينا وان كانت الصدفيه عندك وراثيه الشافي هو الله والى امرضك هو الله هي اقدار كتبت
مافي شي اسمه وراثه هذا العلم الجديد الان طالع لنا بطلعات يعيبوون بزواج المبكر ومن بنت العم وللود العم وين زمان مافي غير يتزوجون من الاقارب الان يعني الامراض هذه طلعلت
والله ما طلعت الامراض والبلاوي الا بما كسبت ايدي الناس
واللهم اغفر لنا

[جودينا]

المشاركة الأصلية كتبت بواسطة مرام 2007

يا جودينا وان كانت الصدفيه عندك وراثيه الشافي هو الله والى امرضك هو الله هي اقدار كتبت
مافي شي اسمه وراثه هذا العلم الجديد الان طالع لنا بطلعات يعيبوون بزواج المبكر ومن بنت العم وللود العم وين زمان مافي غير يتزوجون من الاقارب الان يعني الامراض هذه طلعلت
والله ما طلعت الامراض والبلاوي الا بما كسبت ايدي الناس
واللهم اغفر لنا

يامرام نعم الشافي هو الله لكن لازم نعمل بالأسباب

يمكن يكون تفكيري غلط لكني مقتنعه

وانتم ماقصرتو تفاعلتو معي ونصحتوني
لكم مني كل الشكر