إلى أهل الرياض الذين أشترو محلول القطران من شركة الدواء

[مشغوول]

أبغى مساعدتكم يا أهل الرياض..
طبعا أنتم عارفين شركة الدواء يشترطون وصفة طبية لصرف القطران.

أنا رحت لأحد المستوصفات وشرحت له موضوع القطران وفوائدة وووإلخ..
المهم الطبيب الله يجزاه بالخير مسكني محاضرة أني ما أستخدم إلا الأشياء المثبته طبيا وأترك خلطات ووصفات الإنترنت و و و. وكل هذا وباب مكتبه مفتوح!!
المهم ما بغيت أدخل معه في نقاشات وطلعت من عنده متفشل ومتطلم كني أيام الثانوية طالع من عند المدير!!

فالله يحقق أمانيكم ابغاكم تدلوني على مستوصفات تعطيني الوصفة بدون محاضرات وتهزئ
وإن حصل بعد لو يكون مكان المستوصفات في ظهرة البديعة والسويدي وحواليها تسوون خير..
لأني إن شاء الله نواي أجرم في الصدفية اللي عندي في الإجازة بداية من بعد بكره!!