صناعة الصابون البلدي بزيت الزيتون

[عازمة على شفائه]

السلام عليكم ورحمة الله وبىركاته
كيف حالكم اعضاء المنتدى الطيبين
طبعا الاعضاء القدامى اكيد تزكروني...والاغلبية همي الاعضاء الجدد ما بيعرفوني
ملخص بسيط عني ....انا ام لتلات اطفال ابني الكبير قبل ست سنين تقريبا تشخص بالصدفية وكانت بداية العلاج والحمدلله طبيعية ما استخدمت اي شي كرتزوني الا اول مرة مدة تلات اسابيع مو اكتر وبعدها قطعت الكورتيزون ولجأت للنت وجربت بلا مبالغة كل الطرق المذكورة لدرجة كنت اقسم جسم ابني اجزاء واجرب كل طريقة على جهة واسجل بالدفتر عندي كل النتائج ...لحد الحمدلله عملت تجربة عبارة عن تلاتة مقادير خل التفاح الطبيعي مع مقدار واحد فقط زيت حبة البركة وكانت بحد الله اول شفاء لابني...وبقيت خفيفة على الركب وبعدين طلعت عالاكواع والحمدلله من هداك الوقت ضلت مستقرة بالركب والاكواع وخفيفة جدا الحمدلله وتكاد تختفي صيفا .
الوجه كل سنة والشعر بالشتاء بيرجع يطلع عليهم..انا موقفة كل شي الحمدلله من سنتين تقريبا او تلات ...كل شي بعملو انو للشعر بحط زيت زيتون قبل الحمام بساعة تقريبا وبس ..وعلى الوجه كريم بعملو بالبيت عبارة عن فازلين وزيت سمسم وزيت خردل وطبعا ممتاز للوجه والركب والاكواع وغني بالزنك لا يعالج تماما لكنو بيترك الصدفية لون فاتح جدا تقريبا غير مرئي.
طبعا انا بستخدم الصابونة النابلسية لحمام ابني وهون ببيلش الموضوع........
من سنين وانا بستخدمها لحد قبل شهرين قررت اعملها بالبيت من زيتاتنا لاتاكد تماما من جودتها...
وفعلا رجعت لجأت للنت وضليتني ادور على افضل طريقة وتكون سهلة علي ومو معقدة وتستخدم زيت الزيتون بدون تسخين
وفعلا لقيت طريقة سهلة ومريحة جدا
هاليوتيوب اكتبوا بالبحث
طريقة صناعة الصابون البلدي بزيت الزيتون
ما عرفت انزل الرابط..بس الطريقة سهلة والله يا
جماعة وما بتاخد وقت ابدا
من شهرين بنستخدمها ووالله ابني الحمدلله رب العالمين السنة هاي ما طلعلوا على شعرو ولا نقطة وعلى وجهو نقاط خفيفة فقط عند الحاجب مع العلم كل سنة بيكون وجهو كتييييركتيييييير بهادا الوقت ...وهاي اول مرة ما بعمل كريم الوجه مع انو شارية الزيوت بس الحمدلله ما استخدمتهم .والركب والاكواع بعد ما كنت ادهن مرتين بدهن بس مرة وحدة كل يومين او تلاتة ووالله الحمدلله مو مبينة خفيفة كتير بالعادة هي واضحة بالشتاء.
زوجي ايدو فيها اكزيما من سنتين ما بتروح ما خلى شي ما استعملو والحمدلله هلا شفيت بفضل الله وباقي منها خفييييف..واحنا بنستخدم الصابونة بالتغسيل كذلك والاستحمام.
اتمنى يا اخوتي بالله تجربوها والله تذكرتكم لما شفت ما احسنها جربوها وما رح تندموا واتركوا كل شي من برة حتى لو كان طبي ...كلو كيماويات .
طبعا الصابونة ما رح تعالج لكن اكيد انها بتخلي الجسم رطب وما بتزيد الصدفية ابدا .وممكن تخففها كمان ازا كان من اسبابها جفاف الجلد
طبعا موضوعي طويل بعرف ان شالله ما تكونوا زهقتوا......
بس والله عشان افيدكم ...وسامحوني على الاطالة .وهي صابوناتي
ما عرفت انزل صورتهم

[سعيد مسلم]

السلام عليكم
أهلا و سهلا
أختي الطيبه عازمه على شفائه
عوده ميمونه الى المنتدى
شخصيا أسعد كلما أجد أحدا من قدامى القسم
قد عاد
فمرحبا بكي أختي بيننا مجددا
كإشاره
هناك عدة مواضيع جديده في المنتدى و لعل أبرزها
موضوع العلاج بقطران الفحم الحجري
هذا العلاج الفريد الذي لقي إستحسانا كبيرا من لدن الكثيرين
ممن جربوه
و مواضيعه مثبته فالقسم أعلاه

[عازمة على شفائه]

اخي سعيييييد.....يا اهلا فيك
اخ عزيز لا انسى افضالك علي..يكفي انني عند كل ضائقة لا اتذكر غير انني ارسل اليك فتطمنني الله يطمن بالك الهي
نعم اخي شفت المواضيع بشكل سريع جدا او حتى العناوين فقط...بالنسبة للقطران نعم انا حاطيتو ببالي لكن بس يكبر ابني ان شالله ويعتمد على حالو بالعلاج بيكون افضل .لانو بيرفض مني كل شي بيقوللي كل علاجاتك فاشلة ههههههههه.....والله ببقى ادهنلو وانا اركض وراه بلبيت .واحيانا وهو نايم اريح لراسي .
شكرا اخي مرة تانية ولترحيبك بس والله اخي هاي الصابونة شجعتني اشي كتير مفيد للامراض الجلدية وبعدين سهلة سهلة سهلة شغلتها .
ويسلموا مرة تانية

[سعيد مسلم]

ربي يخليك يا رب و يبارك فيك
و يشفي لك إبنك أختي العزيزه
ليس هناك أفضل من الأشياء المعده منزليا تكون أضمن من حيث جودة
مكوناتها
هناك العديد من الفيديوهات على اليوتيوب التي تشرح كيفية
إعداد الصابون الصلب أو اللين بطرق سهله
هذا إحداها
http://media.masr.me/wqTq8U05i5Y

[ام طفلتي]

اهلا بك اختي عازمة على شفائه و الله اسعد من كل قلبي لما اشوف تجارب ناجحة للاعضاء القدامى تساعدون بها الاعضاء الجدد لي ماعندهم خبرة كافية..
من فضلك اختي هل وجدت انها نافعة لصدفية فروة الراس عند ابنك حتى اعملها بالبيت و استعملها بالتناوب مع شامبو الفاكاد ..
سؤال اخر اين اجد هيدروكسيد الصوديوم المستعمل في هذه الطريقة

[عازمة على شفائه]

شكرا اخي سعيد الله يبارك فيك يا رب.
اهلا اختي ام طفلتي .....
كيف حالك ؟ اتمنى من الله ان يشفيلك طفلتك الهي يا رب وكل مرضى المسلمين
بالنسبة لصدفية الشعر عند ابني الحمدلله ربىالعالمين هاي اول سنة ما بتظهر مع انها بالعادة بتعبي راسو من الجبين لحتى الخلف ...ما صار اي تغيير على الولد الا الصابونة هي بزيت الزيتون وهو مرطب ممتاز ..لا اعلم ازا الصابونة هي السبب لكن الي بعرفوا انو وبحمد الله هاي اول سنة ما بدهن راسو متل كل سنة .
طبعا اختي بنصحك تعمليها وبشدة الطريقة جدا سهلة انا خلطتها بخلاط الكيك لكن تركتو خصوصي للصابون فقط خلطت ٥_١٠ دقائق يعني ما اخدت وقت ابدا والله لو طبخة عالنار بتاخد وقت اكتر..وبعدين التزمت بالطريقة تماما.
بالنسبة لهيدروكسيد الصوديوم موجود عند العطار واسمو الصودا الكاوية او القطرونة .
مهم اختي انو ما تمسكيه بايدك لازم كفوف واقية لانو مادة شديدة الاحتراق وكمان لازم تديري الصودا على الماء مو العكس يعني الضار على النافع .وبس سهلة جدا اتمنى تجربوها والله من اروع الصابون وانا ما جربت اي شامبو لابني من لما عرفت معو صدفية فقط الصابونة النابلسية لكن هاي اول مرة انا بعملها بالبيت .

[امل الربيع]

السلام عليكم ورحمة الله وبركاته

أهلا ومرحبا بالغالية عازمة على شفائه

كيف أنساك ولنا نفس الهم وجهادنا متواصل ..

تشاركنا نفس الأفكار ونفس الاصرار يجمعنا
حالك مثل حالي وكذلك حال ولدينا ..وأملنا كبير بأن لاتكبر الصدفية معهما

وككلّ سنة صدفية ابني بين كرّوفرّ الغريب في الأمر بدأت تأتيه صيفا وتختفي شتاءا

وبدون علاج فقد توقّفت عن كلّ التّجارب الاّ زيت الزّيتون والفازلين

وجديدي أنّني صرت أحمّمه بماء قريب للبارد وانضم مؤخرا لفريق كرة قدم

وفريق كرة اليد وقد ساعده الرّكض كثيرا ومع برودة الصباح وهوائه النقي

تجدّد جلد ابني واختفت الصّدفية منه تماما ..

الحمد لله لكن لن أتوقّف عن البحث حتّى أجد الدواء النّهائي

أما عن القطران فهو عندي أخبؤه اذا ما كبر وكبرت معه

وللعلم وللأمانة هو هدية من أخي وجاري الكريم سعيد مسلم

ومن هنا أعلمه أنّني بخير وكذلك ابني طارق في أحسن أحواله

سلامي الحار لك ولابنك ..

وترقّبي جديدي

[سعيد مسلم]

المشاركة الأصلية كتبت بواسطة امل الربيع

وللعلم وللأمانة هو هدية من أخي وجاري الكريم سعيد مسلم

ومن هنا أعلمه أنّني بخير وكذلك ابني طارق في أحسن أحواله

السلام عليكم أختي و جارتي العزيزه الطيبه
الحمد لله أنكم بخير أجمعين و أتمنى دائما من قلبي الخالص أن تكونوا كذلك.
و أن ينعم الله تعالى على حبيبي الغالي طارق بالشفاء التام و أن يكون من المتفوقين دوما في مشواره الدراسي يا رب .
لك خالص تحياتي و سلامي أديبتنا الشاعره

[امل الربيع]

المشاركة الأصلية كتبت بواسطة سعيد مسلم

السلام عليكم أختي و جارتي العزيزه الطيبه
الحمد لله أنكم بخير أجمعين و أتمنى دائما من قلبي الخالص أن تكونوا كذلك.
و أن ينعم الله تعالى على حبيبي الغالي طارق بالشفاء التام و أن يكون من المتفوقين دوما في مشواره الدراسي يا رب .
لك خالص تحياتي و سلامي أديبتنا الشاعره

أهلا بالأخ الطّيب والجار الكريم
لقد صدق الله وعده وبعد عسر الحمد لله نحن في يسر من كلّ النواحي
آمين هذا ماأغرسه في ذهنه أنّ العلم مفتاح كل ّشيئ

كما أنّ الصدفية رافقته ل5سنوات كذلك اسمك وتأكّد أنّه ان طال العمر
سيراك وتراه رأي العين هذا مطلبه منذ سنة تقريبا

تحيّاتي الخالصة سعيد مسلم

وأثابك الله وجزاك خير الجزاء

[عازمة على شفائه]

حبيبتي امل الربيع
كيف حالك ...الحمدلله طمنتيني عن طارق الله يجعلو شفاء تام يا رب وما تشوفيها بحياتك
طبعا انا متلك هاجزي انها الصدفية ما تكبر معاه..يارب رحمتك بهالصغار..وان شالله انها بتختفي وما بترجع..بالنسبة لالي تكيفت مع وضع ابني تماما...والحمدلله ان شالله ما بتزيد عن هيك...وانا متلك بدهنلو فازلين بس على ركبوا واكواعو بعد الحمام وغير هيك تقريبا موقفة كل شي ....
القطران ازا لا سمح الله ضلت معو فانا متلك حاطيتو ببالي ...وان شاللع ما بنحتاجو يا رب.
يلا شوقتيني اعرف عن جديدك .....ابعتيلنا تلميح على الاقل ......؛) ههههههه