استفسار بسيط بخصوص انقطاعي عن العلاج جزا الله خير كل من راح يجاوبني

[يارب وماغيرك احد]

السلام عليكم

انا دخلت موضوع التجمع اللي كان مثبت وكنا نسأل ونجاوب بعض فيه لقيته مغلق
فقلت مالي الا انتي اكتب موضوع ...

سؤالي بسيط وصغير .؛ ومع ذلكك مسبب لي ازمه ومحيرني

/

انا بديت ف العلاج السنه الماضيه من شهر 12 هجري واستمريت شهرين وشفت فرق كبير كبيييير تحسن وضع الصدفيه درجه ماتتخيلونها المهم جتني ضروف واضطريت اترك العلاج شهرين
وبعده سألت وردت علي الاستاذه ريم ربي يعطيها الصحه والعافيه انو مو مشكله كملي الفتره العلاجيه

كملت شهرين يعني صاروا اربعة شهور اللي استخدمت فيها العلاج ...
وبعدها ضروف سفر كمان شهرين تركته
يعني الفتره العلاجيه ماكانت مرتبه

شهرين استمريت بعدين شهرين تركت بعدين شهرين استمريت !
فاهمين معاي ؟

وضع الصدفيه الحين ممتاز الحمدلله بس باقي زي ماقلت الاثااار واسمرار المناطق وهذا عادي شي طبيعي لاني ماكملت الفتره العلاجيه ..

سؤالي /

الحين وش اسوي ؟
اعيد السته شهور العلاجيه من اول وجديد ؟؟ ولا اكمل
يعني استخدم العلاج شهرين هذا الشهر واللي بعده وبكذا اكون خلصت ست شهور
اللي هي الفتره العلاجيه .. عشان بعدها ابغى انتقل للفتره الوقائيه


هل صح علي؟؟؟؟ ولا اعيد من جديد لان استخدامي للقطران كان متفرق



يارب يشفي ويسسسسعد ويفرج هم كل من يجاوبني وعنده علم اكيد بخصوص هالشي والله دايم ادعي لقيس وريم وكل من ساعدناا لين توصلنا للعلاج من هذا المرض ,,,


افيدوني انا ف انتظار جوابكم ..

[أجوان]

وعليكم السلام ورحمة الله وبركاته // انا اشوف انك تتابعين العلاج مادامت الصدفيه مارجعت الحمدلله
كملي شهرين بعدين تدخلين الفتره الوقائيه مو مشكله الإنقطاع ..والله معك

[بوسطن]

واصلي علاجك

[reem50]

انا عن طريقة ابني اني كنت اركز على تكملة ستة اشهر علاج وبعدها ترك القطران لكنه محتفظ به فان ضهرت اية صدفيه سوف يبدا بوضع القطران عليها ايضا لفترة وان مل وترك العلاج لازم يراقب اية صدفيه ان ضهرت يعالجها بالقطر ان
لذلك ان استطعتي كملي الى الستة اشهر ثم ادخلي الوقايه او اتركي ان كان جسمك نظيف تماما من الصدفيه وابقي القطران عندك ولو ضهرت عالجيها بالقطران مباشرة