خطيبي بيطلع بيترول و من تحت الارض اللي واقفين عليها

[Em Omar]

حلمت قبل فترة اني انا و اهلي و الجيران بنركض كلياتنا من بناية لبناية في حينا، و بنسمع قصف فوق كل بناية من طرف هيليكوبترات كانها حرب و بلشت، و احنا على هاذا الحال، وصلنا للبناية اللي احنا ساكنين فيها، و كان معنا خطيبي كمان، بعدين لما سكرنا باب البناية اتضح انه لسه فيه ختيار سكرنا عليه الباب و ظله برة فقالو يا حرام افتحولو الباب، و لما دخل، انا شكيت فيه لان بطنه كانت منفوخة كتير و خفت ليكون عنده متفجرات، اخدت خطيبي من يده و طلعنا بنركض و انا بحكيله انو هالزلمة معه متفجرات، لما طلعنا من البناية صرخ الختيار ورانا و قال وقفو بعدين امر شاب كان معه انه يتبعنا، احنا فتنا لكراج كبير فالبناية اللي جنبنا بعد ما دخلت سياره على طول و اتسكر الباب، ظلينا بنحفر و مش عارفة كيف بس خطيبي بيحكيلي ديري بالك انت بس على باب الكراج عشان ما يكتشفنا هالشاب هون بالكراج، ظليت بحرس و هو بيحفر بالفاس تبعته، لغاية ما طلع بيترول، و اكتشف انه الارض اللي تحتينا كلها بيترول، و في هاللحظة اجى الشاب اللي كان ورانا على موتوسيكل اتهجم علينا لجوا الكراج و طلب من خطيبي يعطيه اشي يفيد انه البيترول تبعه، خطيبي طلعله بطاقة زي ماطلب فاخدها الشاب و حطها في جيبته و بعدين انا صحيت.
مخطوبة و عمري 18 سنة، قاعدة في البيت، و مش متدينة كتير و الله يهديني يا رب.