هام جدا تجربتي مع مرض صدفية الاظافر

[وحش فلسطين]

السلام عليكم احبائي في الله انا اعاني من مرض الصدفية منذ زمن طلعتلي في راسي وانا في عمر صغير واخذت جميع الادوية وا الاعشاب والله بدون فائدة وبيوم وضحاه بدور يا اخوان على هل صدفية في راسي وا الله ما لقيتها وراحت تمامن ولوحدها بدون اي اشي وفرحت وكل اشي صار تمام لحد ما صار سني الان 27 رجعت ظهرت في اظافري وخلف اذني اليمنى طبعن رحت للطبيب وقلي اعمل تحليل مخبري عشان نشوف شو الي معاك مع اني ناسي اشي اسمو صدفية من زمان وعايش حياتي تمام عملت التحليل وقالولي مش عارفين شو هاد الي معاك مع انو الدكتور خبرني انو لو حتا التحليل ما بين شي انا بحكيلك انو صدفية المهم كتبلي على مرهم لخلف الاذن اسمو فيوسيكورت بمعدل مرتين في اليوم واما اظافري فا كتبلي على مرهم درموفيت بمعدل مرتين في اليوم وحكالي انو الي ورا اذنك رايح اتروح اما اظافرك ما بعرف انتا ونصيبك بفضل الله الي ورا اذني راحت تمامن اما اظافري خلصت اربع مراهم ومافي تحسن طبعن ما كزبت خبر وطلعت زيارة على مصر وا اسمعت عن مرهم اللوريد وسعرو في مصر16 جنية اشتريتو وحطيت منو على اظافري بمعدل مرتين في اليوم مع العلم صرلي بحط منو اسبوعين وا الحمد لله شاعر في تحسن وانو القشور الي تحت الاظافر اتاكلت وصار لو اظافري يرجع شوي شوي لطبيعتهم وانا عم بستنا افضل استعملو لحد ما اخلص الوقت الي مححداه الدتورة الي هوي من 4_6 اسابيع لو فعلن شفيت تمامن رح احكيلكو الخبر وادعولي ربنا يشفيني يا رب مع العلم يا اخواني واخواتي انا حالتي تعتبر من متوسطة الا ضعيفة وا لله الحمد يعني تجربة اي انسان خاصة في هذا المرض بتختلف اختلاف تام ممكن واحد يتحسن على علاج معين وممكن واحد تاني تسوء حالتو اكثر وصدقوني يا اخوان اهم شي انك اطنش المرض مش انك ما تتعالج لا ابدا قصدي انك تحاول ما انتضلك تفكر في وا العصبية كمان عشان اخوكو في الله من اقل اشي بيتعصب ومجنون لازم الواحد يهي حالو مافي شي مستاهل معلش طولت عليمو بس حبيت افيدكو حبايبي وتفيدوني انتو كمان بي ارائكو الجميلة وربنا يشفي الجميع يا رب من كل داء وا الحمد لله على كل شيء