ودي أشكي وبس اسمعوني

[احساس زوجه]

أنا متزوجه من عشر سنوات الصدفيه بلشت معاي الصدفيه من 6 سنوات وانا راضيه بقسمت الله سبحانه وهذا ابتلاء وعسا الله ياجرنا

بس مو هذي مشكلتي ...

انا حساسه حيل لدرجه قمت اتعب يعني اي كلمه او تصرف من اي شخص سواء كان قريب لي او حتى من بعيد افهمه بشكل ثاني ليش مو عارفه . يعني لو انتناقش انا وزوجي باي مشكله افسر الموضوع علا انه كارهني وابدأ باني اعزل نفسي ولا انام واتوتر واقعد افكر اربع وعشرين ساعه
واذا مثلا عندي عزيمه اف اتوتر ولا انام انا احسب كل صغيره وكبيره بحياة زوجي واهتم فيها اذا بالمقابل هو نسا اشيا للبيت او انشغل عننا باي شي علاطول ازعل

والمشكله اني ما اكلمه اسكت واحط في قلبي واتعب اكثر واكثر

قبل يومين رحت للصالون الفلبينيه قاعده اتسوي أظافر ايديني وشافت الصدفيه وقاعده اتكلم اهي ورفيجتها بلغتهم والله اني قمت ورحت الحمام وبكيت حيل

انا عارفه عدل ان المشكله مو بالصدفيه المشكله فيني

بس ابي اتغير ابي اتعلم شلون اطنش واقط وراي

لان الحياة ماشيه ماشيه فحرام اضيع دقيقه بعمري بالحزن او الدموع بس منو يطبق......................