زيت الزيتون و زيت الحبة السوداء

[بو عبدالرحمن]

السلام عليكم ورحمة الله وبركاته،،
علاج الصدفية بالأشعة جربته مرتين
مرة في عيادة الدكتور موسى سلامة جبر ،، و شفت منه نتايج حلوة..
بس لأنه كان فترة يزيد جرعة الضوء بالأخير وصلت مرحلة اني ما اقدر انام بالليل من الحكة. و بعدها تركت العلاج.
و مرة ثانية جربته بالحكومة بمستشفى سعد التخصصي بمنطقة مستشفيات الصباح.. و تركته بنفس اليوم ،، جسمي صار فيه فقع حمراء (مثل حروق الشمس)
إنصحج إذا بتجربينه عند م.سعد ما ترجبين نفس الجهاز اللي انا جربته،لأن على كلام الأخ الممرض عندهم نوعين أجهزة انا جربت الجهاز اللي يكون المريض بداخل الجهاز يكون يسكر عليه و اهو واقف بشكل دائرة الثاني ما ادري شلون شكله.
بس الجهاز اللي كان عند عيادة دكتورموسى شكلة مثل خزانة الملابس.
أول شي في م. سعد يسووون اختبار الحساسية يعني يشوفون الجسم كم يتحمل من اشعاعات الضوء، و بعدها الدكتور قرر لي اني ابدا بالدرجة اللي تحت درجة الحساسية.
بس بصراحه احس الطريقة المطبقة عندنا مو مضبوطة.. لما بحثت موضوع علاج الصدفية بالأشعة بالأنترنت في كذا موقع اجنبي ذاكر ان قبل لا المريض يدخل عالجهاز يحط كريمات ضد حروق الشمس.
و جماعتنا ولا حتى يابوووا طاري الموضوع اصلا.
و الشي الثاني اللي بنبه عليه .. ان الأشعة هذي اللي تعالج الصدفية و اللي يمكن بعض الناس تستخف فيها .. ترى بالاستمرار عليها عالمدى الطويل ممكن تسوي سرطان الله يكافينا الشر, و مع هذا حتى لو كنت شايف منها نتايج كنت بكمل عليها أكثر. واللي يبي يتأكد من هالكلام يتعب نفسه شوي و يشوف شنو المواقع الأجنبية تقول عن علاجات الأشعة.
مع التحية للجميع.
نسأل الله أن يمن بالشفاء لجميع مرضى المسلمين.