تحدية صدفيتي وعشت حالة من السعادة المطلقة

[ayache]

المشاركة الأصلية كتبت بواسطة ansam islam

سلام عليكم جميعا احبائي
الاحظ ان الموضوع يعتليه التفاؤل والامل فما احوجنا لمثل هكذا مواضيع
خليتوني اتفاؤل وحبيت موضوعك يا أختي العياش وحبيت فكره تغيير اللوك وتغيير الروتين

الله يشفينا اختي و تصير الصدفية مجرد ذكرى انشاء الله يارب

[ayache]

المشاركة الأصلية كتبت بواسطة بنـ الكويت ــت

ابيّييه انتي نفسي لووول
على الرغم من انه صدفيتي صعبه وشديده
لكن انا اكثر انسانه عايشه دنيتي :d
كل مره اصبغ شعري واقصه
واشتري كل الي بخاطري !
بس هالمره اعترف شي واحد مكدرني اني اذا عملت اللايت ثيرابي لل feet
شلون بلبس صنادل ! مادري اخاف الشكل يكون غامج وموحلوو

الله يعييين ..

تصدقين بقولج شغله
انتي لو شنو فيج والله لما تكونين واثقه من نفسج الناس بتشوف كل شي فيج زين !
يعني انتي بنفسج تخيلي وحدة مثلا فيها صدفيه او اكزيما وبكل جسمها
لكن تلقين البنت واثقه من نفسها وشكلها مرتب ووحلوو وتضحك وتسولف
شنو الانطباع الي بتاخذينه عنها ؟؟ اصلا يمكن تحسدينها بعد

اهم شي الثقه بالنفس ، الحياة حلووة اذا شفناها من جانب حلو
واحنا بنفسنا نقدر نتحكم بنظرة الي حوالينا فينا !

الله يقوينا عليها يارب

[ayache]

المشاركة الأصلية كتبت بواسطة أم فرفورة

موضوعك جميل من ناحية التقبل والتفاءل حبيبتي بس لابد يدخل معاه الرضا وإحتياطات والحذريعني ماننساه تجاهل نفسي ننساه تفاءل ورضا لكن نوقي نفسنا ونصدق المرض وأزيدك من الشعر بيت لو نقدرنقرب من الله ونحس بحلاوة الإيمان علاقة خاصة مع الله تعالى ونقدر نعطي الحب والاحترام لغيرنا ملكنا الدنيا بصدفية أو بدونها

الله معنا.....

[ayache]

المشاركة الأصلية كتبت بواسطة مناير الكويت

واو كلام يجنن ويني عن هالتشجيع من زمان .. :d

صراحه عن نفسي احيانا انساها بس اغلب الاحيان اتذكرها في كل مناسبه اتذكرها اني ما اقدر البس شي قصير او كم قصير اخاف من نظرة الناس .. بس مع اهلي انساها والبس اللي ابيه

و مثل ما قالت ام فرفوره حلاوة الايمان والقرب من الله لها تاثير عجيب على النفسيه

وان شالله انها تكفير للذنوب

يارب نسالك الشفآء من عندك يارب ارحمنا برحمتك فانت تعلم مافينا ونحن عبيدك الضعفاء المستجيرون ..

لازم عزيزتي ان نحاول صعب أدري بس يكف ما نعانيه من الصدفية .... لانزيد على أنفسنا بالقهر و الكأبة الله يقوينا عليها

[ayache]

المشاركة الأصلية كتبت بواسطة جودينا

شجعتيني اتهور واسوي نفس سواتك

لكن صدقيني لو اطير للمريخ اني ما انساها ولا اقدر اصلا

مع تحيات المخلصه للعشره

الله يشفيك ويشفينا و ننساها وننسى ايام العذاب ة الدموع ويجعل الله ايامنا كلها سعادة وفرح

[ayache]

المشاركة الأصلية كتبت بواسطة أنـــا

أنا عن نفسي ما أقدر أنساها.. أحس انها صارت عضو من أعضائي..
خصوصاً عند الخروج والمناسبات أتعب إلين ألاقي اللبس اللي ما يبين أي بقعة من بقع الصدفية..
وإذا مالقيت.. خلاص.. أبطل.. ما أخرج..!

ياشيخة خليها على ربكـ..
ربنا اللي بلانا بدا المرض.. وهوا القادر على شفائنا..

( يارب اشفي مرضانا ومرضى المسلمين )

إنشاء الله ربي يجيب الشفاء لنا وننساها