اللوز !

[ايهاب العراقي]

المشاركة الأصلية كتبت بواسطة بنـ الكويت ــت

ئييي انا سمعت انه كثرة الانتي بايوتيك تسبب فشل كلوي ! الله يكافينا الشر
بس تعور حيل شيلتها ؟! اشحسيت فيه حزتها ؟!

والحين البلعوم كلش مايلتهب ولا شي ؟!

اي انا قريت انها تأثر على الكبد بعد..ماحسيت بشي لأن كنت تحت البنج..بس بعد ماصحيت اكيد حسيت بألم لأن مكان الجرح طري واذكر بعد ماصحيت من البنج عطوني ايس كريم وقطع ثلج يعني مثل الماي المجرش مادري يمكن على مود يلحم مكان العملية..وبعد ماتطلعين من العملية راح تحسين ببرد بسبب البنج ..والعملية طولت 20 دقيقة وهي عملية سهلة ..وراها ماراح تقدرين تتكلمين الى امدة اسبوع اكثر شي الى ان يلتئم مكان العملية ..بالنسبة ليا انا كنت اتكلم بالأشارات وكانوا اهلي يفهمون علي بطلوع الروح وكنت اعصب عليهم..واذا تبين شي تقدرين تكتبين على ورقة..انا اذكر اني طلعت من المستشفى بنفس اليوم وبقيت يومين او اكثر بالفراش بالبيت تقريبا وراها قمت افتر بالبيت عادي بس مااقدر احجي ..ومع مرور الأيام خف الألم ورجع كل شي طبيعي ..طبعا انا سويت العملية سنة ال 97 يوم كان عمري 13 سنة ومن يومها ماصار عندي التهاب بالحلق ولا امرض ابد والحمد لله بس بالفترة الأخيرة صار عندي التهاب بالعقد اللمفاوية..طبعا انا هذي مو اول عملية اسويها بحياتي سويت عملية ازالة مفصل الرسغ (اليد اليسرى)بعد ماتدمر الغضروف(سنة 2006 سويت العملية) بسبب التهاب المفاصل الصدفي اللي صار عندي قبل 10 سنين وهاي جانت عملية صعبة طولت 2:30 الى 3 ساعات عملية كبرى وقطوا قطعة عظم من الحوض وحطوها بمكان الغضروف اللي شالوه وحطوا فوقها قطعة بلاتين وثبتوها بأربع براغي وللحين موجودة بأيدي ..وراح اطلعها عن قريب ان شاء الله والحمد لله التهاب المفاصل ماطول راح من زمان وشفيت منه بعد مااستعملت الميثوتركسيت بس بقت الصدفية..كله بسبب الصدفية الحمد لله على كل حال نحتسب الأجر عند الله.
فأنتي اذا الأطباء قرروا يسوون العملية لاتخافين ترى والله هي عملية سهلة وماتخوف وان شاء الله عقبها راح ترتاحين من الالتهابات وكورسات الانتي بايوتك.
تمنياتي لك بالشفاء العاجل