اخيرا......حل سريع ان شاء الله لصدفية الوجه وادعولي

[عازمة على شفائه]

المشاركة الأصلية كتبت بواسطة صدى الدعاء

اسأل الله العظيم رب العرش العظيم ان يشفي لك ابنك يارب..
يا اختي انا استغرب ان الصدفية عند ابنك في وجهه ،، و عمره صغير على ما اذكر
و قد قرأت كثيرا عن الصدفية و علمت انها لا تظهر بالوجه الا فيما ندر
و حتى كثير من الأطباء اكد ذلك ..
أنا بقيت الصدفية بعيدة عن وجهي لمدة 15 سنة تقريبا
و بعد ان استخدمت صابون معطر ظهرت حبوب في وجهي بسبب التحسس من الصابون،، ثم تحولت صدفية ...
أرجو أن تتأكدي من تشخيص ولدك .
.
و الله يجزيك الخير على اخبارنا بالنتائج ..و الله يتمم الشفاء لابنك اللهم آمين ..

عزيزتي صدى الدعاء :
اشكرك يا عزيزتي على دعائك لابني واتمنى الشفاء لكي كذلك ولكل مرضى المسلمين اللهم امين,
هو بالفعل انا قرات انها نادرا ما تطلع على الوجه ولذلك بحثت في المواقع العربية والاجنبية وقرات في معظم المواقع ان الاطفال اكتر شي بتتطلع على وجههم اكتر من جسمهم بس انا عرفت ليه؟لانو بالنسبة لابني وعمره ما بشلح بلايزو الا بعد ما يفركها فرك بوجهو وانا ما كنت اعرف انو ما بصير ندعك المنطقة لانو بطلع وراها صدفية وكان ينشف وجهو بالمنشفة ويدعكو لينشفو وما بحلالو يلعب الا عالسجادة ووجهو على الارض يعني بقهرني والله بس ما بقدر اضل انبهو عشان ما يحس انو في شي بوجهو...الله يهديه صرت اخليه يمسح تمسيح بالمحارم عالخفيف..
ونعم حبوب الحساسية حسيت انها بتصير صدفية عندو وكان وجهو في حبوب صغيرة جدا تحت منابت الشعر ولها ملمس فقط يعني مثل الحساسية تماما ولكنها ما بتروح بسهمولة عشان هيك شكيت انها صدفية صارت والله تعالى اعلم,وبالنسبة للتشخيص فانا متاكدة انها صدفية بسبب اماكن انتشارها ...شاكرة لكي يا اختي اهتمامك ومرورك الكريم
اللهم اشف جميع مرضى المسلمين اللهم ااااامين