وصفة بيرنيز الرائعة لعيون المنتدى

[saberalgameel]

المشاركة الأصلية كتبت بواسطة بنـ الكويت ــت

السلام عليكم
شلونك دكتور صابر ؟!
انا الحين بامريكا ، تعباانه حيييييل !
الخميس بغيت اموت اسم الله علي ;(

فـ بغيت استفسر منك عن شغله
انا عندي نقص بالفايتامينزز ! حييل كبييييييير الدكتور يقولي انتي عندج اقل نسبة فالولايات المتحده بكبرها ! والحديد بعد

الخميس بيعطوني حديد بالوريد ! الي سار شي مو طبيعي مادري هل اهو طبيعي او لا ؟ لانه انا شفت السستر استغربت من ردة فعلي
اول ماحطتلي التست " التجربه " قالتلي ربع ساعه بعدين بنشوف ردة فعل جسمج
اهي حطتهااا انا حسيت عوار بقلبيي وصدددري قمت اصاااارخ احس عروقي بتنفجر ، فجاه حسيت بدوخه وخدران بجسمي ! قمت ارفس

خالي كان موجود عندي ، كلام خالي غير ! يقول ماكنتي تصارخين
كنتي تونين ! " تئنين " وتقولين عوار بقلبي ودوخه
خالي يقول عيوني اقلبت بيضه ! وفتحت حلجي سار كبييييييييييييييييير
يقولي كنتي تنازعين ، خالي قام يبجي ويقولي تشهدي !!!

بعدها اول ماوقفولي العلاج قاست ضغطي وكان مرتفع ..

مادري هل هالشي الي حصل طبيعي ولا لا ؟؟ لاني اخاف اروح الطبيب الحين
ما قمت أأمن عليهم بغوا يذبحوني ! لو لا رحمة ربي ولطفه فيني

لا تخافي طبيعي ممكن يحصلك حساسية من الحديد اذا اخذ بالوريد وبكذا انصحك تاخذينه كبسولات والله يعينك .
اتذكر كان عندك تقلصات بالمريء . هل انتهت ام لا ؟ خليهم يقيسوا ضغط المريء لو تبغين تشخيص اكيد . لكن ما راح يفيد لان العلاج لا ينفع في كل الحالات .
ما دام انك في امريكا في دكتورة اسمها هينج Heng موجودة في كاليفورنيا في الجامعة اتمنى لو تزورينها وتشوفي علاج الصدفية عندها .

[بنـ الكويت ــت]

المشاركة الأصلية كتبت بواسطة saberalgameel

لا تخافي طبيعي ممكن يحصلك حساسية من الحديد اذا اخذ بالوريد وبكذا انصحك تاخذينه كبسولات والله يعينك .
اتذكر كان عندك تقلصات بالمريء . هل انتهت ام لا ؟ خليهم يقيسوا ضغط المريء لو تبغين تشخيص اكيد . لكن ما راح يفيد لان العلاج لا ينفع في كل الحالات .
ما دام انك في امريكا في دكتورة اسمها هينج heng موجودة في كاليفورنيا في الجامعة اتمنى لو تزورينها وتشوفي علاج الصدفية عندها .

بس هل الاعراض طبيعيه ؟!
لانه النيرس وقفت مصدومه اول شي !
والدكتور قالي بيحصلج انخفاض انا سارلي العكس ارتفاع بالضغط !
وعيوني تقلب بيضه ؟ واحس الم بقلبي وصدري قووي اول مره يمر علي الم بهالقوه ! .. كأنه شراييني بتنفجر والله عبالي كنت اموت !

عمومااا المريء قصته قصه ، انا اعاني من صعوبه للبلع عملولي اشعه
طلع المريء عندي صوب البلاعيم مغلق ! فتحته 5 مل بس ! وتقولي الحبه العاديه 12 مل ! ، شفت المعاناة ؟!

قالو بيعملولي منظار مريء ، ومن المنظار بيوسعون الفتحه .. لما عمولولي منظار طبعا ما بنجوني : خدروني " كويس ! شفت الموت ! والسستر تمسكني
المهم ماعلينا .. الدكتور ماوسعلي اياه لانه المريئ عندي مجرح ! وينزف
قالي المكان حساس حيل وممكن يحصله ثقب .. وحتى ماكملوا المنظارلي داخل المريء يقول مجررووح حيييل !

وبعملولي فحص بحطولي تيووب بخشمي لي المريء بشوفون حركة المريئ

شلون هالفحص دكتور ؟ مامنه خطوره ؟ اخاف اختنق ! لانه انا خشمي صغير وما اتنفس الا من حلجي ! وخاصه الحين الفتحه عندي ضيقه حييل !
اخااااااااف امووت


انا بمايو كلينيك
والله عقب هالبلاوي ، حسيت انه الصدفيه امرها هين !