ما هي مشكلتك في حفظ القرآن أخبرني أساعدك

[الفراشة المتألقة]

[QUOTE=بلقيس93;862605]

حبيبتي انتِ يا أغلى فلسطينية
الله ينور قلبك ، ويرزقك القوة والثبات ع الحق ، ويزيدك من كل خيره ، ويرفع منزلتك بالدنيا والآخرة.

كنت أعاني من هذه المشكلة
الطريقة التي أحسست بأنها ممتازة من خلال كثير تجارب قمت بها
المراجعة المتواصلة + الإلتزام بمصحف واحد
يعني
تبدئي مراجعتك من أول المصحف لآخره بطريقة وحدة
بسورة في اليوم ، ثم ربع حزب في اليوم ، ثم جزء ، ثم جزئين

مراجعة متواصلة مستمرة ، الآن أنا في مرحلة مراجعة 5 أجزاء باليوم

وتكون مراجعتك ثابتة بمصحف واحد ، لأنه شكل الآيات بياخد دماغك صورة الها ، مع الوقت وإستمرار المراجعة بتصيري وانت تقرئي غيب كإنه المصحف أمامك مفتوح ، عارفة مكان الآية بالزبط ، هي بأول أو وسط أو آخر الصفحة.
ولو حصل غلط بترجعي للآية بدون بحث طويل لأنه براسك موقع تقريبي لمكان الآية.

خلي في بالك يا سكرتي ( القرآن أشد تفلت من الإبل في عقلها ) وصدق الحبيب عليه الصلاة والسلام

لو لاحظتِ أئمة المساجد بصلاة التراويح بشهر رمضان المبارك ومعهم أئمة المسجد الحرام أو النبوي ، بيصير كتير مرات يغلطوا أو يترددوا بالآية ، هاد وهم بيراجعوا طوال السنة ، كل يوم .

هذه النقطة الي بتكون فيها المفاضلة بين حفـّاظ كتاب الله وإلا كانوا كلهم واحد

مش غلط نغلط ، الغلط نترك الغلط راسخ بدون مجاهدة ومحاولة لإزالته وتعديله .

شدي حيلك وما تملّـي أبدا
خلي المصحف معك بصلاة القيام لما تغلطي ارجعي للمصحف ، مع الوقت بترسخ الآيات وتقل عدد الغلطات.

هذا الكلام من تجربتي الخاصة ، لو وصلتي لشي تاني أنسب خبريني فيه لأعمل متلك

الله ينور قلبك ويفتح عليكِ حبيبتي انتِ