علاج د/ محمد زكريا

[miramar]

هلا اخوانى
رغم انى ذكرت النتيجة سابقا بس ما فى مانع نذكرها تانى عشان تكون متجمعة فى موضوع واحد
بالنسبة لى اعتبر من اوائل الناس اللى استخدمة العلاج من يوم 21_8_2008
و الدكتور كان محددلى مدة 10 شهور للعلاج
و تقريبا انتظمت عليه مدة 9 شهور و بعدها توقفت عن العلاج من تلقاء نفسي بعد مرور 9 اشهر من بداية الاستخدام و بعد عمل سخب تدريجى للاحتياط و الدكتور كان محدد لى 3 شهور علاج و 7 شهور الباقية للوقاية فقط و لكن لم تنتهى الصدفية حتى وقتنا هذا
و تقريبا اخر شهر كان الدكتور مقللى الجرعة بدل من مرتين فى اليوم الى مرة واحدة فقط اما ال8 شهور السابقين كنت اسستعملهم مرتين فى اليوم و بانتظام شديد
اضافة الى بعض الفيتامينات و الاوميجا 3
و النتيجة مثل الباقى اول شهرين تحسن ملحوظ يكاد يكون 95% و بعدها فترة عدم استجابة للعلاج و بعدها بدات فى الظهور مجددا و كنت متابعة مع الدكتور على طول و اكتر من مرة كنت بلاحظ ان الخلطة بتتغير سواء فى اللون او الرائحة او الملمس
و استمريت عليه و اصريت انى اكمل الكورس عشان اكون عملت اللى عليا و متسرعش فى اعطاء نتيجة نهائية لاى علاج
و انا اللى كان بيتابعنى على التليفون او الرسايل الخاصة عشان يسالنى عن العلاج كنت بجاوب بمنتهى الصراحة زى ما انا كاتبة دلوقتى بالضبط
و انا لا اهاجم و لا اؤيد اى علاج فقط احكى تجربتى التى هى خير برهان بالنسبة لى و انا ما اقتنع باى علاج الا بعد ما انتهى من تجربتة

لا اريد ان اطيل عليكم فى التفاصيل و تكفى النتيجة النهائية
و اى استفسار انا تحت امركم.