استجواب عاجل للسيدة صدفية !!

[ام الحلوه]

كلامك رائع يا عمار وجمبيل ومقنع وانا مقتنعه بكل كلمه كتبتها انت والاخت ام ناصر .دائما اقول ان بأذن الله راح اشفى ودائما متفائله واضحك وعايشه حياتي باالطول والعرض وكل شي اسويه والصدفيه اخر همي والحمد لله .للاجابة علي سؤالك ليش ابغي اشفي لسبب بسيط وهو( الاحراج )وبالاخص البلد دي .الكل عارف انا ايش فيني ومن متي وبرضه يسألوا لماذا؟علشان انحرج فقط لاغير .لمن اسافر بره ولا احد يسالني لانه ما يخص احد .الاحراج من بنتي لمن تقولي ماما قومي كنسي ما اقدر امشي.الاحراج من نفسي اذا بنتي نامت جنبي تصحي وشعرها ابيض اللون .الاحراج من نفسي لمن اكنس البيت 1000 مره في اليوم .الاحراج من نفسي ومن زوجي اذا صحيت وملابسي كلها دم.الاحراج من الكوفيرا اذا قالت لي مدام ما اقدر اقص لك شعرك انا اقرف .الاحراج من البائع اذالقي عبايتي كلها قشور.الاحراج من اهلي واهل زوجي اذا خرجت من عندهم لازم يعملوا حملة تنظيفات (لأنهم عارفين طبعا). الاحراج من زوجي كل يومين لازم يودي السياره تتنظف من القشور .الاحراج من نفسي اذا المكنسة اتسدت. الاحراج من نفس ومن زوجي لمن بنتي قالت لي ماما لاتيجي معايا حفلة التخرج علشان ما ابغى احد يشوفك.(ابوها ضربها) وغيره وغيره....انا الا يؤلمني نفسيا ليس الاحمرار عادي اتعودت عليه .المي هو القشور ولكن ما اقول غير الحمد لله الا اقدر امشي واخدم بنتي وزوجي وادرس واشتغل كله بعض . انا دائما اقول انا راضيه بنفسي وبمرضي ومتقبلة نفسي ولكن للاسف الناس لاتتقبلني... وارجع اقول الحمد لله .كل ماا حبط راح اقرأ كلامكم .