عضو صدوفي جديد يرحب بكم .. الأخت الكريمة الدهيمية - الرجاء الدخول للأهمية ~

[عسل]

انسبة الى الوجه اعتقد من الافضل تستخدم العسل الاصلي ومن الممكن تخففه بزيت زيتون اصلي وهو الافضل لاستخدام الوجه , او نفس خلطة الدهيمية او الاثنين معا , اهم شئ لاتضع في الخلطة خل التفاح على الوجه .
بالشفاء:d

[ابوالفيصل]

تسلم حبيبي هجهوج على التوضيحات القيمة .. وصدقت لما قلت ان هالمنتدى النعمة الكبرى اللي ساقها الله لأهل الصدفة بصدق .. وادحروا الشيطان

الصابونة توقفت استخدمها على الوجه لأنها اثرت في وجهي وعملت جفاف بشكل كبير،، حتى حسيت كأني واحد شايب عمري 100 سنة !

بصدق ما انصح اللي اشتروا الصابونة بإستخدامها في الوجه وبمشي بنصيحة
اخوي هجهوج بعدم إستخدام الصابونة على الوجه وفقط في مناطق المصابة في الجسم غير الوجه لأني من تجربة يومين على الوجه اثرت فيني بجفاف كبير ما توقعته ،،
وانا عسل راح اسوي خلطتك بالعسل والزيتون وبستعمل خلطة الدهيمية مع بعض بس هل جربت خلطة العسل على الوجه ونفعتك ؟ وما مدى تأثير العسل والزيتون على صدفيه وجهك ؟؟ لأن صدفية وجهي موجودة في مكان جداً حساس في الوجه .. مكانها تحت عيوني الثنتين مباشرة وملازقه للعيون .. الحمدلله على كل حال

أخر تطورات علاجي :
- الان اليوم الخامس من إستخدام خلطة الدهيمية والقشور بدأت تخف وما ترجع في نفس الاماكن المصابة الا حاجة قليلة ما تذكر ويوم عن يوم تقل اكثر.. لكن أماكن الاصابه جامدة وصلبة ولنها بيزيد احمرار وبروز وماأدري شو معنى ذلك !!؟؟ هل عند استخدامكم خلطة الدهيمية وخصوصاً اللي شفوا حصلت معهم نفس الشئ ( اماكن الاصابة جامدة وصلبه وشديدة الأحمرار ) ؟ وهل راح ترجع ليونة الجلد إلى ما كانت عليه طبيعية بعد إكمال فترة العلاج ؟؟؟

[جودينا]

يبو الفيصل لا تستعجل ولا تحسب التطورات
عشان لاتمل ثم تهج عن الخلطه وتدور غيرها..
لأن طويله العمر يبغالها صبر وطوله بال


والصلابه والإحمرار اللي تقوله ما لاحظته يوم كنت استخدمها,,,وحط في بالك ان صدوفه ردود
فعلها تختلف من مصدف لآخر

الله يرزقنا وياك الشفاء التام
آميــــــــــــــــــــن