للنساء فقط يمنع دخول الأخوة الرجال

[saroona-84]

هلااا بالبنوتات الحلوات.. يالله اوقفوا بالدور وكل وحده تاخذ ورده
انا بسوي دعايه بعد لصانسلك وبالبيض بعد بصراحه حلو ومايأثر مع انه وحده نصحتني وقالت استخدمى صابون غار بس انا ماحبيته بقولكم الطريقه لعل الله ينفعكم فيها.. بس قبلها ابي اسمع دعوة حلوة لي ولصاحبه هالخلطه.. اوكيشن..
هذا الشامبو الطبيعي عباره عن.. صابون غار تبشرينه (بالبشاره مالت الاكل .. الطمام.. عرفتوها) وبعدين تضعين عليه القليل من الماء وتخلينه ربع ساعه راح تشوفينه يصير ثقيل مثل الشامبوات االلي نشتريها..
شخباركم مع الميك اب ..ها ماطحتوا على ماركات طبيه؟؟
انا انصحكم بتنظيف الوجهه عدل بعد المكياج واذا استخدمتي اي منظف تونك او ميلك لازم تغسلين بعدم بماي ..وتحرصين على ترطيب الوجهه.
اممممممم بعد شعندي.. اي في خلطه استخدمتها بعد السبوح .. اهي عباره عن زيت اللوز المر + زيت الجلسسرين ركزو زيت مو لوشن.. تخلطينهم مع بعض وتحطينهم ابعلبه بالحمام وانتوا بكرامه .. اذا تسبحتي وخلصتي دهني جسمج واهو مبلول بماي (المسامات تكون مفتوحه) وبعدها نشفي بالفوطه .. بصرااحه حيل ينعم ويطري البشره بس ريحته شوي شوي مو ذاك الزود.. يعني تعطري وتبخري بعدها.. واذا تبين تفتكين في جل البابونج من منتجات جونسون للأطفال هم حلو وريحته زينه هذا عجيب ومفعوله يطوله ..بس اللي بجسمها صدفيه لا تستخدم اللوشنات المعطره مافي شي يستاهل تضحين عشانه ابجلدج.. ترا احلا ريحه ريحه النظااافه وشوي بخور اصلي ونتفه دهن عود وخلااص ( والله انصحكم وانا مااطبق هالشي غراامي العطور)
بالنسبه للشعر الزايد .. انا مانصح اي وحده تستخدم الشيره (الحلاوة) على اماكن الصدفيه.. احس حرام ياربي شلون تتحملون .. انا انصحكم بماكينه براون..
انا عن نفسي استخدم الشيره صج انظف.. بس لو نفترض بجسمي في حساسيه ماراح استخدمها مستحيل تقطع الجلد.. بس الحمدلله انا الاكزيما بس بايدي فأخلي اي احد يتولى مهمه الشيره علشان ماتأثر على أيدي..
والاي استفسارات جماليه انا حاضره.. بس اخاف ابتعد عن الموضوع اكثر واتكلم الحين عن الازياء ..