الصفات المشتركه بين المتشافين

[بنت العم]

أي والله اتمنى من اخواني واخواتي المتشافين يحطون وصف لهم علشان نشوف الصفات المشتركه
أختي جودينا لا تقولين اذا تشافيت ....لكن قولي بتشافى عن قريب وانا متاكده اني بتشافى...مره قريت ان الواحد اذا اقتنع بفكره ومؤمن انها راح تتحقق ويدعو الله ان يقرب من وقت تحقيقها فانها بالفعل سوف تتحقق
اختي ضفدعه ...انا النوع الي عندي نقطي بس كبار يعني بعضهم كان 10 سم مع دم وصديد وبعضهم قشري مع حكه رهيبه ...سوي بحث وشوفي مشاركاتي وكيف كنت ابكي منها والاكتئاب الي جاني بسببها ..الحين اكتب وعيوني تدمع اللهم لك الحمد كما ينبغي لجلال وجهك العظيم ...الحكه وصلتني لمستوى بغيت اجن
بس الاخوة والله كلهم ما انسى وقفتهم معاي ...ونصايحهم لي ومرات كنت ازعل من ملاحظاتهم لي بس كان لمصلحتي ....ايام
الصدفيه في حملي الاول كانت تختفي وترجع بعد الولادة على طول اما حملي السابق والذي قبله فلم تتاثر بالحمل وكنت اخجل وانا اسوي سونار ويشوفون بطني
الحين من ولدت طلعت 4 حبات اختفت 2 وباقي 2 ..بس لونهم مطفي يشبه لون الجلد من غي حكه وحجمهم صغير مره مره

[جودينا]

المشاركة الأصلية كتبت بواسطة أزيرا

أختي جودينا لا تقولين اذا تشافيت ....لكن قولي بتشافى عن قريب وانا متاكده اني بتشافى...مره قريت ان الواحد اذا اقتنع بفكره ومؤمن انها راح تتحقق ويدعو الله ان يقرب من وقت تحقيقها فانها بالفعل سوف تتحقق

يا ازور

اذا تشافيت اقصد في المستقبل

وعني انا متفائله جدا انه بيجي يوم واتشافى مع ان صدفيتي صعبه ووراثيه ومع هذا متفائله جدا

وان شاء الله يجي ذاك اليوم وارجع اكتب الصفات المشتركه