محتاجه مساعدتكم.....

[miramar]

ربنا يشفيكم فى القريب العاجل انشاء الله و العلاجات الطبيعية هنا كتير
بس هل من المنطقى ان مرض سنين يروح فى ايام؟؟
الصبر يا اختى اهم شىء لية الاستعجال؟
و بالنسبة لكونك مصابة بالصدفية فتنعزلى عن الناس هذا غير معقول بالمرة
فكلنا هنا مرضى و نمارس حياتنا طبيعى و نحتك بالناس
انا عندى كانت موجودة فى اماكن ظاهرة رغم انى محجبة و الحمد له
مثل الوجهه و الكفين و كنت امارس انشطة كتيرة و مسئولة عن مشاريع و انشطة طلابية و عضوة فى اتحاد الجامعة و عضوة فى جمعيات خيرية و اجتماعية و ثقافية و غيرها من الانشطة الكثيرة و لم تمنعنى من ان احتك بالمجتمع

ثقى بنفسك فلديك من المميزات و القدرات ما يطغى عل اصابتك و هى فى حد ذاتها ليست عيبة
و انما هو ابتلاء من الله و اختبار للصبر و محو للذنوب
كررى دائما قول الحمد لله
و الشفاء قريب باذن الله