كيف نواجه مشكلة تمرد المراهق؟

[ام نور]

السلام عليكم ورحمة الله وبركاته
بوركت اخى ابو ايمان واختى الأفق

لكن دايما زى ما احنا بنفكر ان الشباب متمرد وطايش
هما كمان بيفكروا اننا معقدين وكرهين نفسنا ده على رأيهم يعنى

لكن لو حاولنا نغضب ونفرح معاهم ونحس بيهم ونفتكر اننا كنا فى يوم من الايام مراهقين ومتمردين كدة زيهم هنعرف ازاى نكسبهم
ولو كسبنا المراهق وجعلناه فى صفوفنا هنكون قدوة له
وهيكون صديق يحكيى معانا مشاكله وافراحه واحزانه
وهيتقبل منا النصيحة وهو راضى بيها جدا على اساس اننا متمردين مع بعض

ومن المهم ايضا اننا لا نظل نفكرهم بأنهم صغار وانهم ما يفهموش حاجة وانهم.. وانهم....
كل ده بيأثر فى نفس المراهق وبيدفعه لعمل اى شئ حتى يثبت نفسه ويفهم من حوله انه كبر وممكن يتحمل المسؤليه
احنا ممكن نحمله المسؤلية واحنا بنسانده من غير ما نحسسه بس هنكون فاهمين هو بيعمل ايه
وعلى فكرة كلمة مراهق او مراهقة دى كلمة تنرفز
لو افتكرنا احنا كنا بنتضايق من ايه واحنا فى سن المراهقة
هنفهم المراهق عايز ايه وازاى نقدر نفهمه

معلش ما كنش ينفع نتكلم غير كدة