علاج مجرب وبسيط للصدفيه

[ايهاب العراقي]

الحمد لله على تحسن حالة سعد والله فرحنا من كل قلبنا وبالنسبة لسؤالج عن كيفية رجوع اللون الطبيعي للجلد؟؟؟؟
الجواب هو ان تعرض هذه المناطق الى اشعة الشمس وسيرجع اللون الطبيعي للجلد بأذن الله.
خالة ام سعد انتو حاليا دتمشون في الطريق الصحيح وهو استخدام علاجات طبيعية وغير كيمياوية بس عندي الج نصيحة تريدين بعد تتحسن حالة سعد ويتشافى نهائيا ان شاء الله استعملي طين خاوة ويا المرهم اني اكلج شلون؟؟
يالبداية اشتري طين خاوة موجود عند العطارين جم كيلو كتجربة وطريقة تحضير طين خاوة هي كالأتي نأتي كمية تكفي الجسم كأن تكون ثلاث ارباع الكيلو ونضعة في أناء ونضيف اليه ملعقتين ملح وبعدين نضيف اليه الماء رويدا رويدا الى ان يصبح كالعجين.وبعده يدهن به الجسم مثل اللبخة وطريقة دهنه كلش سهلة وسريعة ويبقى الطين على جسمه لمدة نصف ساعة ويعدين يسبح ويجفف جسة ويدهن بالمرهم الي دتستعملونه حاليا(زيت كتان-زيت بابونج-فازلين)وصدكيني النتيجة راح تكون رائعة بأذن الله أني مجربه كلش زين مراح تندمين.
وهم عندي كم سؤال حبيت اسئلهم:
1-الصدفية الموجودة عند سعد شكد جانت منتشرة في جسمه تقريبا شكد بالمئة؟؟
2-بأي مناظق كانت موجودة ؟؟
3-بعد كم يوم من استخدام المرهم ظهر التحسن (تدريجيا)؟؟
4-هل المناطق التي شفيت ظهرت فيها صدفية جديدة مرة اخرى ؟؟
واستعملي طين خاوة ويا المرهم ومراح تندمين صدكيني.
وان شاء الله يتشافى سعد نهائيا ويولي المرض بلا رجعة.