دروس تعليميه لاطفالنـــا الحلويين

[فراشة المنتدى]

السلام عليكم ورحمة الله وبركاته

اخى الكريم الداعية الصغير
اولا اسمك جميل جدا وان شاء الله تكون استفدت من الدروس
وان شاء الله تكون داعيه كبير ومهم باذن الله تعالى سعدت بمرورك الكريم اخى الداعيه الضغير
ان شاء الله تتابع باقى الدروس وتستفيد منها
جزاك الله خيرا

[فراشة المنتدى]

السلام عليكم ورحمة الله وبركاته



اطفالنا الحلويين
كيف حالكم يا حلويين ان شاء الله كله تمام
وكيف ماما وبابا لازم نسمع كلام بابا وماما وندرس كويس
لانهم بيحبونا كتير وبيتمنوا نكون احسن الناس في الدنيا كلها
علشان كده انا جيت اليوم عشان نتابع باقى الدروس ونكون شطوريين خالص
وان شاء الله يكون الدرس الماضى سهل

احنا لازم نحب اللغه العربيه كتير وهنكون شطوريين جدا فيها ان شاء الله تعالى
ماشي يا حلويين يلا نتابع باقى الدروس ......




الدرس الثانى : تدريبات لغويه






هذا الدرس جميل جدا ومتنوع وفيه اشياء كتيرة راح نتعملها مع بعض ان شاء الله تعالى
يلا نبدأ مع بعض ؛ بس الاول نقول

بسم الله الرحمن الرحيم
والصلاة والسلام على رسول الله عليه الصلاة والسلام وعلى اله وصحبه الكرام



الدرس الاول : الأمثــــــال


1- هو إمِّعــــــة
معنى الكلمة :- أي يردد ما يقوله الأخرين كالببغــــــاء ؛ بدون أن يعى ما الذى يقـــوله ويتصـــرف كما يتصرف الاخرين ؛ فان احسنوا أحسن وإن أساءوا أساء ؛
أي شخص لا رأى له فهو دائما يتبع غيره ......


وطبعا يا حلويين الصفه ده مش حلوة خالص لان الانسان المسلم لازم يكون مستقل وله شخصيه محترمه
ولا يتبع الاخرين الا في الخير وما يأمر به الله ؛ ويجب أن يتجب تقليد الاخرين في الامور السيئه
لذلك الانسان الإمعه مكروه من الله ورسوله الكريم
وطبعا احنا نريد ان يحبنا الله ورسوله علشان كده لازم نرفض اننا نكون إمعـــــة ؛
لازم نكون اشخاص لنا رأى إيجابي ومميز يفيد انفسنا والمسلمين اخوتنا ....






2- هيهات تضرب في حديدٍ بــــارد
معنى كلمة هيهـــــــات :- بـــعُـــد
ومعنى المثـــل : أي لايــؤثر ضرب الحداد في الحديد ان كان بــــارد ؛ فتعبه يذهب هباء دون فائدة
ويُضرب هذا المثل في الشخص البخيل مثلا او لا فائده مرجوة من البخيل
قـــال الشـــأعر
يا ســـائل البخـــلاء عن أموالهم هيهات تضرب في حديد بارد


ونستفيد يا اطفالنـــا الحلويين من المثل ده
ان الانسان المسلم لا يجب ان يكون بخيل فالبخل صفه مذمومه يعنى مكروة لا يحبها الله ورسوله ؛
لان الله تعالى يحب الانسان الكريم الذى يعطى الفقراء والمساكين ويعطف عليهم ؛
والذى يقف بجانب اخوانه اذا احتاجه منه شيئ ....
والبخـــل ليس في الاموال فقط
يعنى يا حلويين البخل بيكون في العواطف كمان
يعنى لازم نحب بابا وماما واخوانا المسلمين علشان نكون مش بخلاء ونكون كرماء ويحبنا الله ورسوله
ولازم الحب يكون بالفعل مش بس بالكلام
يعنى نسمع كلام ماما ونساعدها في ترتيب البيت ؛ ونحب بابا ونسمع كلامه
وكمان ندرس كويس علشان يحبونا
ماشي يا حلويين






ندخـــل في الأسئـــله
1- ما معنى إمعـــــــه ؟
2- هل الامعه صفة محموده او مذمومه ؟ ولماذا ؟
3- ما معنى كلمة هيهات ؟
4- ما معنى هيهات تضرب في حديد بارد ؟ والى ماذا يرمز هذا المثل ؟
والمستفاد من هذا المثل ؟


اظن يا حلويين الاسئله سهله
ان شاء الله تحلوها يا قموريين وتكونوا شاطريين
يلا ندخل في التدريبات التانيه

[فراشة المنتدى]

السلام عليكم ورحمة الله وبركاته

الدرس اللغوى الثانى

هذا الدرس عبارة عن تدريبــــات لغويه حلوة كتير ومفيدة جدا
نشوف منها يا حلويين انتوا قد ايه شاطريين في اللغه العربيه
وفي مرات تانيه هنبقى نشوف النصوص والنحو وكله حاجه حلوة في اللغه العربيه الجميله ده





نبدأ في التدريبات على بركة الله


رتب الكلمات التاليه لتحصل على جمله مفيدة :


الأعداء ؛ وأعـــــادوا ؛ الجنود ؛ قاتل ؛ الوطـــن



........... .............. ........... .......... .........








هات جمع كل كلمة من الكلمــــــات التاليه :


وردة
جندي
كتاب
عدو
جبل
كوكب
بستان
روضه
درس
إمرأة
رجـــل
طفل
وجـــه
فن
فنن


ان شاء الله يكونوا سهلين
لو فيه أى كلمه صعبه ممكن نسأل ماما وبعدين نحفظها علشان نكون شطوريين



**********



صل الكلمة المذكرة في العمود الاول بالكلمة المؤنثه المكافئه ( التى تشبهها ) في العمود الثانى :


العمود الاول :
فَرِح
قرأ
درس
استفاد
رجع



العمود الثانى :
رجعت
درست
قرأت
استفادت
فرحت


**********



كده يا حلويين درس اليوم انتهى
ان شاء الله يكون الدرس حلو وسهل
وان شاء الله نتابع باقى الدروس غدا علشان نكون شطوريين وممتازيين وماما وبابا يحبونا كتير

ها اخر الكلام ايه
السلام عليكم ورجمة الله وبركاته
والصلاة والسلام على رسول الله صلى الله عليه وسلم وعلى اله وصحبه الكرام
مع تحيات خالتو فراشة المنتدى