يا أنا بقى يا الصدفية بقى !!!

[هنا القاهرة]

ما بتسمعش الراي .... طيب يا عم خويلد إسمع الدعاء ده هيعجبك قوي

أنــــــــــا من تــــــــــــراب

عبد الحليم حافظ

قبل أن أتحدث عن النتائج التي توصلت إليها إلى الآن وأعرض بعض الصور دعوني أقول حكاية صغيرة حدثت معي ذات مرة :

رحت أشتري عبوة ديرموفيت من أجزخانة قديمة في أحد الميادين الشهيرة في القاهرة (أجزخانة يعني صيدلية) ... أجزخانة وشفخانة وسلخانة وعربخانة والكلام إللي اتعلمناه من الأتراك ده .... المهم تدخل الصيدلية تلاقيها عفشة كده ثلاجة إيديال انتاج الثلاثينات بتشتغل بالسربنتينة وراجل عجوز كده لابس نظارة قعر كباية ورابط البنطلون بحمالات زي الكمثرية بتوع زمان وحاطت كنكة بن على سبرتاية ... وأنا واقف داخل الأجزخانة أتفرج .. بص ناحيتي كده وقال لي :
ـ عايز أيه يا بني ؟
ـ ديرموفيت .
ـ مرهم ولا كريم ؟
ـ أي حاجة .
ـ يعني أيه ؟ هوه ما يطلبه المستمعون ؟ لما تعرف إنته عايز أيه إبقى تعالى .
(طردني من الأجزخانة شر طرده خرجت وقفايا يقمر عيش كأني كنت رايح اشتري ممنوعات)
الكلام ده من ست سبع سنين فاتت ... بس من يومها إتعلمت أحدد أنا عايز أيه بالظبط .

أكيد الموقف يضحك لكن النتيجة التي يمكن الخروج بها هو أن نحدد ماذا نريد

هل نحن حقاً نريد محاربة الصدفية حتى النهاية ؟

هل نحن فعلاً في تحدي صادق

بالنسبة لي أول مرة ألتزم في علاجها

وإن شاء الله سأنتصر لكن أحتاج دعائكم جداً جداً ... في أمس الحاجة للدعاء فلا تبخلوا به علي وأسأل الله للجميع الشفاء

أخوكم / هنا القاهرة