((( يوم بيوم ... برنامج عملي على طريق الإلتزام لا تتردد وكن معنا)))

[نداء الفجر]

من عادة البشر انهم يفترون بعد فترة ... إلا من كان منهم صادقا فى مراده .. ومن كان منهم صاحب هدف واضح يسعى الى الوصول له ...

ياترى هيوصل بينا يوم نقفل قسم يوم بيوم لعدم التفاعل

او لإن معدش حد بيدخله

ياجماعه .. احنا هدفنا مع بعض فى القسم ده مش اننا كل يوم نبقى متعودين على حديث وآيه وحاجات تانية وساعات ندخل نقراهم وساعات نقول ياعم انا تعبان النهاردة ابقى اقراهم مع بعض اخر الأسبوع وفى الآخر متقرأش حاجة

انا لما قلت لازم كل المشتركين يردوا فى كل مواضيع يوم بيوم كان ذلك علشان نعرف مين اللى متابعنا من اللى سابنا وكسل يدخل علشان نشجع بعض ....

الخلاصة :

انا قلت مش هنحط النهاردة يوم جديد ... كان لازم نتوقف مع نفسنا ونشوف هل فعلا إحنا عايزين نتقدم فى طريقنا إلى الله ... هل عايزين يكون فى كل يوم جديد فى حياتنا ... هل بنحلم نكون صحبة تعين بعضها على الطاعة ...

ولا احنا مش صادقين يبقى من الاول كده نريح نفسنا وخلاص .... ونقفل القسم ياعم ونوديه الأرشيف ونرجع زي ما كنا ...

ظني فيكم كلكم أنكم خير مني وإن عندكم همه عاليه وإننا مكملين مع بعض لآخر الطريق إن شاء الله ... سنه اتنين تلاته لحد ما كل واحد فينا يفتح قسم يوم بيوم فى منتدى من المنتديات وناخد بإيد غيرنا على الطاعة والعبادة ...

الرد فى كل موضوع - التفاعل فى الاقتراحات والنقد - ابداء الرأي فى أى شئ مش عاجبك .... دي مظاهر التفاعل .... طبعا مع تنفيذ المطلوب كل يوم ... عايزين الأسبوع الجاي يكون شغل بجد مش هزار ونشوف شغل احسن من الاسبوع اللى فات إن شاء الله ...