من يستطيع إحضار مرهم اللوريد لأي مكان

[ياسرياسر]

السلام عليكم، والدي يعاني من هذا المرض حوالي ست سنوات، حاولنا كثيرا ولكن ولا دواء نفع.
نحن الآن في امريكا، ارجوا من اي شخص ساكن في مصر ويستطيع ارسال الدواء ان يراسلني، وله جزيل الشكر.
اسم الدواء اللوريد الخاص لعلاج مرض الصدفية للدكتورة اغاريد
سؤال هل يمكنني طلب الدواء من الدكتورة مباشرة عن طريق هذا الايميل [email protected]
والله اذا كان هذا الدواء مفيد فعلا، فهو سيسعد والدي ووالدتي كثيرا. ولكم الثواب.
فارجوا من اي شخص يستطيع المساعدة ان لا يبخل علينا، ونحن لن نبخل عليه ان شاء الله. والثواب عند الله اكبر.

[medo_alshater]

لا حول و لا قوة إلا بالله

لقد أسمعت لو ناديت حيا و لكن لا حياة لمن تنادي

يا إخواني ماحدش يعلق في الموضوع هنا يا أخواني هنا للناس اللي تقدر بس تجيب الدوا يا أخواني هنا مش للطلبات
يا اخواني الموضوع دا داتا بيس يوووووووووووووووو على العرب

[هنا القاهرة]

لم أسمع عن هذا المرهم من قبل لكن اليوم هاخد أسمه وأشتريه وأقول لكم على النتائج واللي عايزه بس يقولي الطريقة إللي ممكن أوصله له بيها وأي خدمة
الأول أشوفه موجود بالصيدليات هنا ولا أيه العبارة

[ياسرياسر]

المشاركة الأصلية كتبت بواسطة medo_alshater

لا حول و لا قوة إلا بالله

لقد أسمعت لو ناديت حيا و لكن لا حياة لمن تنادي

يا إخواني ماحدش يعلق في الموضوع هنا يا أخواني هنا للناس اللي تقدر بس تجيب الدوا يا أخواني هنا مش للطلبات
يا اخواني الموضوع دا داتا بيس يوووووووووووووووو على العرب

يا عزيزي لا تعصب روحك. انت تقصدني بكلامك. وانا فعلا آسف اذا ازعجتك. ولكن
ضروري الشخص اللي يستطيع ان يجيب الدواء يعرف الطلب حتى يشوف قدرته على فعله او من عدمه. يعني يمكن شخص يقدر يجيب الدواء لدولة معينة فقط. وتعرف بعض الناس ربما لا يكتب اي شيء الا بعد ان يقرأ طلب من شخص وربما يكون هو الوحيد القادر على تلبية تلك الطلب.

[هنا القاهرة]

إحضار غير إرسال صح يا ميدو ؟

إنت عايز واحد يكون راجع لك من مصر للإمارات
صعب الطلب يا عزيزي
لكن الإرسال ممكن نشوف طريقة باستخدام DHL أو أرامكس مثلاً وإن كانت تكاليف الشحن مرتفعة
الحاجة الثانية أنا هقول لك عليها
واضح إنك مستعجل أو على سفر

موضوع العلاج بهذا العقار شكله بيطول شويه والله أعلم يعني مش له مفعول السحر زي الكورتيزونات
أنا لسه يدوب استخدمته ليلة أمس بعد معاناة في اللف والدوران للحصول عليه

وبعدين هوه مزعج في استخدامه وهو قريب من الديرموتار (يعني فيه مادة القطران) وده مش مكتوب في النشرة الداخلية للعقار لكن يقدر أي واحد له تجربة مع أدوية المرض أن يعرف هذه المادة من رائحتها المزعجة وإحساسها المزعج أيضاً

من الآخر إنس يا ميدو حكاية 17/11/2007 دي لأنه مش هيلحق يوصلك إلا إذا كانت هناك معجزة وواحد ابن حلال يكون مسافر الإمارات وقرأ موضوعك وبرضه النتيجة التي تحلم بها ربما لا تتحقق في غضون أيام

المزيد من المعلومات حول العلاج موجوده في النشرة الداخلية له ولو سمحت لي الدكتورة أغاريد أحط النشرة في موضوع مستقل حتى تعم الفائدة

دعواتي لك بالشفاء أخ ميدو وللجميع

[medo_alshater]

المشاركة الأصلية كتبت بواسطة هنا القاهرة

إحضار غير إرسال صح يا ميدو ؟

إنت عايز واحد يكون راجع لك من مصر للإمارات
صعب الطلب يا عزيزي
لكن الإرسال ممكن نشوف طريقة باستخدام DHL أو أرامكس مثلاً وإن كانت تكاليف الشحن مرتفعة
الحاجة الثانية أنا هقول لك عليها
واضح إنك مستعجل أو على سفر

دعواتي لك بالشفاء أخ ميدو وللجميع

معالي الباشا شاكر تشريفك للموضوع لكن لو كلفت خاطر معاليك و ركزت في الكلام حتلاقي إن أنا مقيم في الإمارات و نازل مصر يومين و بقول للي عاوز المرهم يبلغني عشان أجيبو معايا و الحمد لله النهاردة في أخت عراقية إتصلت بيا و حعمل حسابها معايا في الدوا

[هنا القاهرة]

المشاركة الأصلية كتبت بواسطة medo_alshater

معالي الباشا شاكر تشريفك للموضوع لكن لو كلفت خاطر معاليك و ركزت في الكلام حتلاقي إن أنا مقيم في الإمارات و نازل مصر يومين و بقول للي عاوز المرهم يبلغني عشان أجيبو معايا و الحمد لله النهاردة في أخت عراقية إتصلت بيا و حعمل حسابها معايا في الدوا

والله انت عسل
ربنا يوفقك ويجعله في ميزان حسناتك
لكن خلي بالك
مش موجود في كل الصيدليات
ويدوب العبوة 20 جم
يعني يدوب مرتين تلاته للحالات البسيطة أما الحالات الصعبة والمنتشرة بكثافة هتحتاج كل يوم أنبوبة تقريباً واسأل عمنا الباشا فكري دياب

[medo_alshater]

المشاركة الأصلية كتبت بواسطة هنا القاهرة

والله انت عسل

ربنا يوفقك ويجعله في ميزان حسناتك
لكن خلي بالك
مش موجود في كل الصيدليات
ويدوب العبوة 20 جم

يعني يدوب مرتين تلاته للحالات البسيطة أما الحالات الصعبة والمنتشرة بكثافة هتحتاج كل يوم أنبوبة تقريباً واسأل عمنا الباشا فكري دياب

يا باشا أكرمك الله دنيا و آخرة و الحمد لله مالناش نصيب كبير في الدنيا قلنا نشوف حاجة تنفعنا يوم العرض...المهم إنك أحبطتني بحكاية 20 جم دي و أحبطتني أكتر إنو مش موجود في كل الصيدليات

[فكرى دياب]

ياعم .. هنا أسيوط
لا تصيب الناس بالأحباط .. هما ناقصين يعنى ..
المرهم موجود فى أماكن كثيرة .. هو يعنى ماء الحياة .. دة حتة بلك من اللى بيرصفوا بية الشوارع .. لكن للضرورة أحكام ..
وعموما هو للصدفية المتوسطة
ويكفى المريض مايساوى حوالى خمسة عبوات ..
لأنة فى حالة حدوث هياج أو حكة شديدة سنقوم بعمل تخفيف للمرهم .. وهذا يكون قد أصبح ضعف الكمية ..

المشاركة الأصلية كتبت بواسطة هنا القاهرة

والله انت عسل

ربنا يوفقك ويجعله في ميزان حسناتك
لكن خلي بالك
مش موجود في كل الصيدليات
ويدوب العبوة 20 جم

يعني يدوب مرتين تلاته للحالات البسيطة أما الحالات الصعبة والمنتشرة بكثافة هتحتاج كل يوم أنبوبة تقريباً واسأل عمنا الباشا فكري دياب

[medo_alshater]

المشاركة الأصلية كتبت بواسطة ياسرياسر

يا عزيزي لا تعصب روحك. انت تقصدني بكلامك. وانا فعلا آسف اذا ازعجتك. ولكن
ضروري الشخص اللي يستطيع ان يجيب الدواء يعرف الطلب حتى يشوف قدرته على فعله او من عدمه. يعني يمكن شخص يقدر يجيب الدواء لدولة معينة فقط. وتعرف بعض الناس ربما لا يكتب اي شيء الا بعد ان يقرأ طلب من شخص وربما يكون هو الوحيد القادر على تلبية تلك الطلب.

يا اخي الفاضل أنا لا أقصدك لا إنت و لا غيرك و الحمد لله
المهم إني الم البيانات في موضوع تاني غير دا