قضايا ساخنة في ملتقى الشفاء الإسلامي

[سجود مجدى]

يا أخ ابو كارم ممكن تشوف انت رد على انه مجامله لكن ممكن يكون فى الحقيقه قلة خبره او عدم الفدرة على التعبير

او ان فى مواضيع اخرى احق بالنقاش والجدال

لأن فى مواضيع فعلا لازم يكون الرد عليها بعبارة او اتنين

والا بقى يبقى كل المنتديات الاخرى اللى بتتبع الطريقه دى كلها منتديات فاشله او ان منتدى الشفاء الاسلامى اللى انا بشوفه صرح قوى فكرتى عنه غلط

انا بشوف ان لو فى موضوع يستحق النقاش بنلاقى انا الاعضاء بطبيعتهم بيحبو المشاركة واعطاء رأيهم وطبعا كلنا بنستقاد من أرائهم

فى حاجة كمان ممكن انا اكتب 10 سطور وطبعا دا تفاعل منى زى ما انت عايز بس يكون كلامى كله مقدرش يعطى للموضوع حقه او تتطرق لجانب اخر مش فى الموضوع

فى حين انى ممكن اعبر بعبارة واحدة شاملة كل ما أقصد وكل ما أريد المشاركة به

عفوا انى طولت عليكم

بس من خلال كلامى ممكن تلاحظ انى مش بملك القدرة اللغوية فى الحديث ودا يمكن سبب من الاسباب اللى تمنعنى من الرد اللى انت طالبه فممكن انى ألجأ لعبارات قصيرة ومعبرة فى نفس الوقت

عموما انى متأكده انك تقصد أفضلية المنتدى وانك تشوفه فعال ومؤثر ودا كمان اللى انا بنشده لهذا المكان اللى بعتبره صرح ثقافى اسلامى اجتماعى قوى

وانا ببدا من نفسى وأحاول انى اكون جيدة من المناقشه والرد

ومشكوووووور على طرحك للموضوع