أختنا *فراشة المنتدى*معنا على الكرسي

[فراشة المنتدى]

بسم الله الرحمن الرحيم
انا جيـــــــــــت

المشاركة الأصلية كتبت بواسطة عاشقة الشهادة

7-لو حدث فرضا خلاف بين مصر والكويت فالى اى منهما سيكون ولائك وانتمائك

لا ده انت زودتيها اوى اوى ........كده تــــــــــــــو متش
ايه الاسئله ده ؟؟؟؟؟؟ اتقى الله يا شيخه
وكمان بتطلعيلى لسانك اوكيه اوكيه .....يعنى انت هتروحى منى فين هجيبك هجيبك

بصى بقى انا ولائى للبلدين
لان الاثنين كان ليهم فضل عليا كبير جدا
لا انكر جميل دوله الكويت عليا ابدا لانى لو انكرتها اكون ناكره للجميل وبعدين الكويت كان فيها طفولتى وذكرياتى كلها
اما مصر ام الدنيا ده بلدى الاصليه وشيئ بيجري في دمى انى احبها ده شيئ فطري
وانا بحب كل الدول العربيه
وبعدين بعد الشر يحصل خلاف ليه
انا لا اتمنى ذلك بين مصر والكويت
او بين اى دوله عربيه واخرى شقيقه ابدا
ارتحت دلوقتى .........حسابك تقل اوى يا شوشو اوى اوى اوى

8-ماهى مخططاتك للمستقبل(عايزة خطة مستقبلية تفصيلية)؟
لا ده بقى مش معقول ابدا ..... كمان مخططاتى للحياه .......لا وايه بالتفصيل كمان؟؟؟؟؟
ليه بقى ؟؟؟؟؟؟؟ وبعدين تفصيليه ازاى يعنى
ادينى عنوان خياط كويس وانا افصلها عنده
مش تطلبى وتسبينى احتاس انا ...... ميصحش ابدا كده
هههههههههههه
انا يا ست الكل مش حاطه مخطط محدد انا بس ليا اهداف فى الحياه وطبعا بعمل اللى عليا علشان اخذ بالاسباب والباقى والتوفيق من عند ربنا
اما بالنسبه للمخططات ده هى نفسها اهدافى
واهو الكوبى بيست بالحرف من مشاركه ريحانه دار الشفاء
طيب انا اهدافى كتيره جدا منها مثلا
ارضى الله تعالى في كل شيئ وان انال بر ابي وامى
وعندما اتزوج ان اراد الله ان اطيع زوجى واربى اولادى على الاقتداء بالرسول
صلى الله عليه وسلم
وان اربيهم على حب المسلمين ونصره الاسلام وحب الجهاد
وان اكون ناجحه في حياتى وان احفظ القران كاملا مع تدبره
ان شاء الله يتحقق ما اتمنى
اظن كفايه انا اتكلمت كتير ههههههه
لو تحبى اكتب حاجه تانى انا تحت امرك ........"" مش اوى يعنى "" ههههه




9-اذكرى( 7) مواضيع فى المنتدى برايك انها متميزة
انا طلبت 7 فقط علشان انا طيبة \وبحب رقم 7
مين ضحك عليكى وقالك انك طيبه ؟؟؟؟؟؟ اكيد كان عايز منك خدمه ده اللى اسمه النفاق
ده سؤال طيبه ده ....هو انت غاويا تحرجينى ...
طيب انا هكون انصح منك واحط اكتر من سبعه "شوفتى كرمى "هههههه
وهجيبهم كمان من ملتقى المواضيع المتميزه ههههههههه
هيا بنا نقرا
حدث في مثل هذا اليوم
هيا نحفظ القران ونرضى الرحمن
لحق واحجز مكانك بشجرة العائله
هديه قافله الخير لاعضاء الشفاء
موضوع خطير
بت لا اقدر الفراء عنه ارجوكم ساعدونى
اتصل على الرقم بنص الليل
خمس وخمس
كل واحد يقول كيف تعرف على المنتدى
كلمات لو خطت بماء الذهب ما وفتها الجمال والروعه
سامحينى حبيبتى رساله الى اغلى حبيبه
ما نوع القلم الذي بيدك
محمد رسول الله صلى الله عليه وسلم في صدر كل انسان
يشهد الله انى احبكم
رسائل متبادله بين الاعضاء
من اي انواع النساء انت
الى ملتقاي وبيتى الثانى
اعضاء ومشرفين يستحقون الشكر
هى ده المواضيع كلها

بس والله في اكتر من المواضيع ده بكتير متميزه وانا احبها جدا جدا جدا ولكن لا اريد ان اذكر موضوع وانسى الاخر
فاغلب المواضيع متميزه جدا وفي كل قسم يوجد اكتر من اربع مواضيع على الاقل متميزين
اتمنى ان لا يزعل احد لم اذكر له موضوع متميز فتاكد انه يكفى انك انت من كتبته ليكون متميزا
بارك الله في الجميع وجعل كل ما تقدمونه في ميزان حسناتكم يارب



من حق ماهو رقمك المفضل؟
ليه يعنى ..... هههههه رقمى المفضل 4

10-اذا تم ترشيحك لدور سفيرة للاسلام
هخرب الدنيا طبعا هههههه

فكيف ستتصرفى وماذا ستقولى لتحسين صورة الاسلام امام الغرب؟
هجاوب عليه في المشاركه اللى تحت

كفايه كده الليلة دى .........شفتى انا طيبة ازاى
طيبه فين قوليلي .......انا مش شايفه طيبه خالص


بعد ما تخلصيهم اكون حضرت لكى شوية اسئلة صعبة
يا سلام والله ؟؟؟؟؟؟؟ طيب ما تحضري الاكل افيد وبلاش اسئله
ده حتى كتر الاسئله تقل المعرفه

وطالما بتحبى الورد فهذه وردة من اجلك عيونك
ده بقى احلى حاجه جبتيها...... طيب جبتى واحده بس
ده انت بخيله اوى
هههههههههههه
تسلم ايدك يا قمر

يلا الف سلامه
وان شاء الله ارجع ارد على سؤالك
وبعديه ملكيش حاجه عندى
ههههههههههههههه
في امان الله

[فراشة المنتدى]

السلام عليكم ورحمه الله وبركاته

سؤالك يا شوشو بصراحه في منتهى الصعوبه
بس احاول اجاوب على قد ما اقدر والله المستعان بس سؤال ..... هو ينفع استعين بصديق هههه

طيب يا ستى سؤالك كان
-اذا تم ترشيحك لدور سفيرة للاسلام فكيف ستتصرفى
هذه في الواقع مسئوليه صعبه جدا على سبيل المثال فقط
اذاكنت سفيره
فانى اولا اتصرف كما امرنى الاسلام ان اتصرف به وهى الاخلاق الحميده والتحلى والتأسي باخلاق وصفات الحبيب محمد صلى الله عليه وسلم
لاكون في كل شيئ فى كلماتى وسكوتى وتصرفاتى بابا للدعوة
للاسلام بحسن الخلق كما امرنا الرسول صلى الله عليه وسلم
واضع اماى صورة مصعب ابن عمير اول سفراء الاسلام
انه كان رزين وحكيم وهادئ وان اصبر في الدعوة للاسلام كما صبر وان اقول قولا لينا بعيد عن التعصب واستخدم عقلى في النصح والارشاد

وماذا ستقولى لتحسين صورة الاسلام امام الغرب؟
والله هذا الموضوع كبير جدا
ولكن انا ساتكلم عن نقطتين انا عن نفسي اراهم
مهمين جدا ويجب ان يكونا اول ما اناقشه واتكلم عنه
1- الادعاء بان الاسلام دين عنف وانه انتشر بحد السيف
اقول لهم بان من تدعون بانه نشر الاسلام بحد السيف ولم تاخذه رافه بالناس كما تقولون
كان يحن على جذع شجره ملقى على الارض مجرد جماد ليس بشر فيه روح ويشعر
هو نفسه هذا العظيم من اوصى صحابته
بان لا يقتلوا طفلا ولا يقتلعوا شجرا ولا يحاربوا شيخا وان يتركوا رجال الدين المسيحيين في صوامعهم لعبادتهم
هو من ارسله الله تعالى رحمه للعالمين
الرسول محمد صلى الله عليه وسلم
ارسل رحمه للمسلمين والمشركين والجن والطير وحتى الجماد
اقول لهم هذا الرجل الحبيب علينا عندما فتح مكه لم يرد ان تراق نقطه دم واحده واراد ان يدخلها فاتحا منتصرا ومسالما لمن طردوه من ارضه ووطنه
وهو نفسه صاحب القلب الرؤوف من قال لمن حاربه 23 عاما
وقالوا عنه مجنون
قال لهم اذهبوا فانتم الطلقاء وغفر لهم ما اذنبوا في حقه
هل يعقل ان يكون انسان تجسدت فيه اقصى صور الرحمه قاتلا
او محرض للقتل وشعاره انتشار الاسلام بحد السيف ؟؟؟
فهو كلام غير منطقى لاصحاب العقول
ولكن سبحان الله
"طمس الله على قلوبهم فهم لا يفقهون "

2- ادعائهم بان الاسلام يكبت حريه المراه بالحجاب وان من ترتديه متخلفه وضد انتشار الثقافه ولا تمتم للثقافه بصله
بدايه اقول لهم بان هذا الحجاب صون للمراه من اصحاب النفوس المريضه
وحتى لا تكون المراه سلعه لكل الناس فبهذا تكريم للمراه
ودليل على مكانتها في الاسلام فان لم يكن لها مكانه قيمه
لما اهتم الاسلام بان يحفظها كما نحفظ الجواهر والالئ القيمه التى نحبها بعيدا عن اعين الناس
حتى لا تكون مطمع لهم

اما من ناحيه الثقافه والعلم فاقول لهم ان السيده عائشه رضى الله عنها كانت افقه نساء الامه
وكان الرجال الصحابه رضوان الله عليهم يذهبون لها لتعلمهم امور كانوا لا يعلمونها
وان ثقافه الشعوب ليست بالمظهر الخارجى واللبس وغيره وانما بفكر وعقل الشعب وابداعاتهم وانتاجاتهم لامتهم
وان المراه المسلمه لا يعيبها ان تكون محجبه ولا يمنعها من زياده واثراء ثقافه المجتمع بان تنجب ابناء وتربيهم ليكونوا علماء وفدائيين ومثقفين
والخنساء مثال لهذا وام عمر المختار وام صلاح الدين
كلهم امهات مسلمات قاموا بتربيه ابناءهم تربيه صحيحه فاخرجوا لنا من غير التاريخ وكان ذكرهم واسمائهم الى الان معروفه
ونفخر بها
فالثقافه لا تتاخر بالحجاب
بل ان الحجاب دليل طاعه لله تعالى وكل امر فعل بطاعه الله يباركه الله تعالى ويجعله احسن الاعمال

اظن طولت اوى ومعرفش عرفت اقول حاجه مفيده ولا لا بس
بصراحه الموضوع صعب
ارحمينى من الاسئله الفظيعه ده يا شوشو
والا هطردك بره ومش هتدخلى تانى ابدااااااااااااااااااااااا
هههههههههههههههه
كده بقى ملكيش حاجه عندى ابدا
وياريت متجيش تانى ....هههههه
انا مليش في النقاشات والحوارات ده
يا مشرفتنا المتمكنه

على فكره بطاقه الود جميله جدا وفي منتهى الجمال
ويارب الدعاء فيها يتحقق ان شاء الله
تسلم ايديك يا قمر