مادا افعل معه ???

[ام نور]

السلام عليكم ورحمة الله وبركاته

اختى الكريمة ام رزان بارك الله فيكِ واصلح لك زوجك

وبارك الله فى الشيح ابو البراء الاحمدى لجوابه الكافى وتقديم النصيحة لك

اختى انا اعلم مدى معاناتك هذه واعرف جيدا الصعوبات النفسية التى تمرين بها مع زوجك

ومع ذلك استحملى كلامى لانه لن يعجبك

انتى قلتى فى الاول انكم كنتم عايشين كويسين وبينكم حب ومودة

ومع اول تغير يحدث تنقلبى انتى تماما لتغيرى معاملتك مع زوجك وتقابليه بالعبوس والنفور

تعرفى انتى فى لغة الرجال ايه؟؟ ( زوجة نكدية )

مش هتكلم تانى عن اخطائك بس لازم تكونى عارفة انك سبب المشكلة اللى انتى فيها ولازم انتى اللى تحليها
وافهمى ان حلها مش سهل ولن تجدى النتائج سريعة لان ايام المشاكل اللى بينكم طويلة
واللى خلاكى مستحملة ايام المشاكل دى كلها استحملى ايام حلها

يا اختى اعرفى احتياجات زوجك واتعلمى فن المعاملات الزوجية واعرفى ان الرجال لا يحب النكد ويحب ان يجد زوجته كما يريد ويحب دائما ان يجد الراحة والمرح والفرح فى بيته ومن أهله
انا عارفة انك عارفة الكلام ده كله

لكن الصعب هو ازاى تبدأى صح؟؟

الاول صلحى عللاقاتك مع اهل زوجك لان رضاهم عليكى اول خطوات الحل
وبعدين احرصى دائما ان تكونى مبتسمة وودودة مع زوجك

وهقولك حاجة - ولا تستحى انك تعمليها - ان هو تركك ونام فى الغرفة المجاورة
اذهبى اليه متزينة متعطرة واقتربى منه وقبلى راسه ويده واطلبى منه ان يسامحك وقولى له انك تحتاجين اليه والى حنانه وانك تفتقدينه و قولى كل ما تشعرين به من حب واشتياق له
وصدقينى ان ما ستفعليه ليس اهانة لك بل انه حب وتودد الى حبيبك و إعادة حب انتِ السبب فى تفككه وضياعه ولا تستصعبى الامر اوتتكبرى ان تفعليه

ولا تنتظرى من زوجك رد فعل يعجبك فربما ينهرك او يقسوا عليك فتحملى كل رد فعله مهما كان بل وزيدى انت من توددك اليه

وكما قال لك الشيخ ابو البراء كونى له أمة يكن لك عبدا

واخيرا هقول لك ان الرجل لا يحب التقيد يعنى اعطيه حرية الخروج والعودة وقتما شاء واعطيه ثقتك
وستجدى منه ما يرضيكِ ان شاء الله

وربنا يصلح لك الاحوال ويصلح لك نفسك وزوجك


لو مش عاجبك ردى ممكن تطلبى حذفه