الأخت راجية الشهــــــــــــــ *على كرسي التحقيق*ـــــــــاده

[راجية الشهادة]

المشاركة الأصلية كتبت بواسطة بسمة شهيد

بسم الله

ازيك يا استاذة شوشو....ايه الاخبار ريحتك مني يومين....مبسوطة؟
لا حرمنا الله من اطلالتك المشرقة

انتي مش عاجبك الكورنيش ؟ على العموم نا مش هاخد كتكوتة معايا وهروح لوحدي وابقوا اقعدوا انتو الاتنين مع بعض
واضح انك نفسك تجربى شد الودان
ماعندنا بنات يروحوا الكورنيش

سؤال اعتراضي كده على الماشي

ايه رايك في الايتين دول

(ألم يأن لذين ءامنوا ان تخشع قلوبهم لذكر الله)

يوم نقول لجهنم هل امتلاءت وتقول هل من مزيد)

هل قريتيهم قبل كده وحسيتي بيهم اوي ؟ تفتكري احنا محتاحنهم اليومين دول؟
بصراحة انتى اخترتى آيتين من اصعب الآيات على القلب
اعتقد ان البحر ليجف والجبل ليدك من هول هذه الايات
اما نحن فنستمع لهما ونحن ناكل ونشرب ونضحك
فلندعو الله ان يعافينا من موت القلب وغفلته

لو ابنك فكر يجاهد ايه اول حاجة هتقوليها له؟
هاقول له اخلص النية لله حتى تنال شهادة فى سبيله

اول ما انجبتي ....هل كان في مخيلك كيف نفسك تربي اولادك سواء دينيا او علميا؟
بنيتي خطة لكده اقصد؟
حاسة انك نفذتي منها قد ايه؟
بصراحة من قبل ان اتزوج وانا عاقدة النية على الزواج والانجاب لله اى اتزوج لاقامة اسرة مسلمة
وانجب جيل يعز الاسلام
وادعو الله ان اوفق فى تحقيق هذه الخطة

لو أخت اخدت رايك في انه البيت والاولاد واخدين اغلب وقتها وحاسة بتقصير تجاه الله والعبادات وأكيد انتي بتمري بظروف زي دي في بعض الاوقات
تفتكري هتنصحيها بايه؟
آآآآآآآآآآآه حركتى على المواجع يا كتكوتة
انصحها وانصح نفسى ان تعقد نية فى كل عمل تعمله من اعمال المنزل وفى تربية اولادها لتاخذ ثواب على هذه الاعمال يعوض تقصيرها فى العبادات
وخصوصا انه اغلبهم بيحاول ينسق الوقت وبرده بيرجع يتعب تاني؟

وتنصحي بايه الفتيات اللي لسه ما انشغلوا بامور الحياة ومش حاسيين بحلاوة الوقت الي عايشينه؟
انصح كل فتاة ان تغتنم كل لحظة فى عبادة الله وتستمتع بالطاعات قبل ان لا تجد الوقت

تفتكري ايه اللي ممكن يروح وابدا ما تستطيعي ترجعيه؟
العمر

كان فيه داعية قال انه (الوقت)؟
طبعا الوقت فما نحن الا انفاس تخرج ولا تعود

بتفكري اوقات انه نفسك كنتي تعملي حاجات كتير ببعض الاوقات ولكن فاتت الايام؟

تتمني رجوعها واعادة الاستفادة بالوقت فيها؟
لا اقول سوى قدر الله وما شاء فعل
بس طبعا لو عاد الزمان لاستفدت بوقتى افضل من كده

حاجة لسه ما حققتيها؟
حاجات..........

لو عاد بيكي الزمن للوراء ...نفسك تغيري حاجات مرت بنظام حياتك ؟
ولا الحمد لله شايفة انك مبسوطة بنهجك بحياتك؟
والله الحمد لله انا قنوعة ودايما راضية عن اقدار الله فى
المهم ان يرضى الله عنى

لما تحبي توصلي احساسك بروعة الله ورحمته لاي شخص؟
تعملي ايه؟
ياااااااااااااااه
اقول له ان الله خلقك لانه يحبك
فاقل شئ تفعله ان تبادله الحب بحب

موقف بكيتي فيه من خشية الله وبنفس الوقت ضحكتي لاحساسك بكرم الله عليكي فيه؟
عندما اوفق للبكاء من خشية الله فتلك نعمة عظيمة افرح بها جدا واشعر بكرم الله على ان رزقنى اياها

دعوة تحبي تردديها دائما (دعوة للدنيا وأخرى للاخرة)؟ ممكن ما تجاوبي لو تحبي
دعوة للدنيا:اللهم ارزقنى حبك وحب من احبك وحب كل عملا يقربنى الى حبك
دعوة للاخرة:اللهم ارزقنى شهادة فى سبيلك ولاتحرمنى لذة النظر الى وجهك الكريم

شخص نفسك يعود بيكي الايام لتقابليه وستأنسي بيه؟
والدى رحمه الله

هل ندمتي على صداقة لشخص ما باحد الايام؟
الحمد لله لم اندم على صداقتى لاى احد

لو أحسستي بالظلم الشديد وما باليد حيلة ...تعملي ايه؟ وشايفة اللي بتعمليه لاراحتك هو الحل الوحيد؟
لو احسست بالظلم الشديد اجرى اتوضا واناجى ربى فى جوف الليل
<وصفة روعة جربيها هاترتاحى فورا>
عافك الله من ان تظلمى او تظلمى

بقولك ايه كفاية كده انا نفسي تعبت من الكتابة
آآآآآآآآآه ياشريرة كفاية علشان تعبتى من الكتابة مش علشان انا صعبت عليكى طب معلش <يوم لك ويوم لك برضه>

بس طلب أخير

ياريت تاخديني جنبك في الكرسي اللي اعطته لك امة الله
اصلي بعشق البحر
واوعدك مش هعمل ازعاج
بليييييييز
ياستى الكرسى واللى قاعدة عليه والبحر كله تحت امرك
انتى تامرى بس
شفتى انا طيبة ازاى

أحبك في الله
احبك الله الذى احببتنى فيه
وانا كمان باموت فيك

أنا مستنية منك (صينية البسبوسة)
بعد كل اللى عملتيه فى ومعشمة فى صنية بسبوسة
ده انتى ....حاضر من عيونى اجبها لكى

السلام عليكم:جزاك الله خيرا حبيبتى الغالية بسومة على تلك الاسئلة .....
اقول ايه نحن السابقون وانتم اللاحقون ان شاء الله
ولكى على ياغالية هانقلهم بالكربون<كوبى>واطبعهم فى تحقيقك ان شاء الله........ تقبلى منى كل الحب فى الله