كيف قضيت على صدفية الرأس بـ 13 ريال فقط؟؟((قصه عشت لحظاتها))

[صدفيه وداعا]

صح الموضوع قديم لكن حاب افيد الي دخلو الان ويشاهدون تعليقي اقولكم تجربتي بالصدفيه

بخصوص الزيت للامانه ماجربته ولكن تعليق واحد من الشباب اثبت لي انه فعلا يعالج ولكن هل ترجع الصدفيه او لا هذا ماعرفه

انا عندي صدفيه 10 سنوات واختفت بمجرد ما استخدمت القطران مرتين فقط

في الحقيقه القطران مثل المبيد الحشري يقضي من اول مره مايحتاج مرتين بس استعملته ثانيه لاجل التأكد

طبعا القطران وشو ؟ ووين تحصله ؟ وكيف شكله ؟ وكم سعره ؟

القطران هو من عشب اسمها السمر ويعرفونها اهل السعوديه وخصوصا نجد

القطران عباره عن سائل اسود / ريحته للامانه غريبه وكريهه عند البعض وهي تشبه ريحه السودانيين

سعره 10 ريال - ماتوقع في عطار مايبيعه ابحث وبتحصل وللعلم ترا ماعليه اي كلام علبه بدون كتابات وشكل العلب تختلف من عطار لاخر لكن من ريحته الي وصفت لك ولونه تعرف انه القطران

طبعا كيف عالجتي بفضل الله ؟ اولا وضعته ونمت وقمت وجيت بغسله واكتشفت انه يلزق بالشعر فا بالياالله وخرته فيه صعوبه لكن تقدر توخره موب شي
اول يوم راح القشره حتى الاحمر راح . ثاني يوم رجعت الاحمرار وهذا شي كويس ثالث يوم راح الاحمرار وفجاه صار فيه سواد شوي واناظر بمرايه وانتظر كم ساعه الا اشوف الجلد الاحمر المختفي صار مييييييييييييييييييييييييت يعني تشيله بيدك الجلد الميت . ولاحظت يوم اني احط القطران حطيت على جلد مابه صدفيه من الجهه الثانيه لاحظت انه ماصار فيها اي شي ماعدا المكان الي فيه الصدفيه صارت ميته وقشعت الجلد الميت وانا مبسووووط والحمد لله تشافيت منه طبعا القصه صارت قبل 5 اشهر

واي استفسار هذا رقمي
0-5-4-1-0-7-7-1-1-1