كيفية العنايه بطفل كولوديون (Collodion Baby)

[ام احلى سمكيه 2]

المشاركة الأصلية كتبت بواسطة wafaa.91

السلام عليكم ام احلى سمكيه
ماشاء الله عليك ام رائعه والله ..
الله يكتب اجرك ويرفع ضر بنتك وبنتي وبنت كل مسلمه يارب

تاثرت بجد وتذكرت ولادتي ببنتي بكري
كانت فرحه عارمه مع صدمه لانها اول حاله في العائله تجي كذا .. الحمدلله ع كل حال
احترت ما ادري كيف اتعامل معها ولا لي خبره في الاطفال بشكل عام فما بالك بطفل مريض بالقشره السمكيه !!
الحمدلله الدكتور عطانا اويلاتم كريم وشاور جل وصابون , الصابون ما استخدمه حسيته ينشفها اكثر
لكن الي حسن حالة بنتي كثير هو كريم اويلاتم وزيت الزيتون بس لاحظت زيت الزيتون سمرها كثير فتركته واستخدمت الجلسوليد الاحمر مع زيت الجلسرين وزيت اللوز المر وفنجال قهوه زيت زيتون والحمدلله تحسنت كثير كثير كثيييير

بنتي ولله الحمد والمنه القشور عندها خفيفه ولا شدت عينها لكن كانت شاده ع فمها شوي والجبه والقشور في الاذرع والسيقان والجذع والاقدام والايدي والجبهه تخف مع استخدام الكريمات والزيوت وترجع بمجرد ان اوقف استخدامها مرات يجيها جفاف في الوجه في الخد وحول الانف و الشعر كان خفيف مره وحلقته وطلع احسن من اول لكن فراغات كثيره في الشعر ما ادري كيف اتعامل معها واي الزيوت تنبت الشعر لان شعرها راجع ورا وفراغاته كثيره .. بغيت اسالك اي زيت للشعر استخدمتيه لبنتك ونفع معها ؟ ..

حاليا قريت خلطه الاخ وائل وخاطري اجبرها لان بنتي والله ماهي قادره تلبس ملابس مكشوفه الايدي او السيقان بسبب القشور الي كل من شافها سالني عنها وانا وحده حساسه مابي احد يتكلم عنها او ينظر لها نظره غريبه
حاليا عمرها 6 اشهر واملي بالله كبير انها بتكبر وكل القشور الي عليها بتروح وتصير بنت طبيعيه

اهلا وسهلا بك واعتذر عن التاخير في الرد ..
شكرا لك على الاطراء
اولا انصحك تقوين شخصيتك علشان بنتك ماتتاثر حتى لو استعنتي بطبيب نفسي . فاانا لم اتخطى الاكتئاب والحاله النفسيه الا بعد الله ثم الاطباء النفسيين.
الفراغات هذي معاناه بصراحه لكن افضل زيت جربته زيت الخروع ﻷنبات الشعر وزيت السمسم لتهدئة الحكه وتنعيم الشعر والقشور ..


صدقيني ربي رزقنا بالبنوتات الحلوين علشان نقوى اكثر وربنا يحبنا والحمدلله
ومن ناحية البس صرت انا من زمان مااحب البس اطفالي قصير او مكشوف للحفاظ على سلامتهم من الجروح لكن بالنسبه ل بنتي احاول مااكشفها كثير ولا اغطيها كثير الوسطيه خليها تشوف نفسها وخليها تتعود على نظرة الناس لها وتتعودين حتى انتي على الاسئله عادي اعتبري القشور جلد مميز وان بنتك مميزه عن غيرها بالعكس انا كنت مثلك بالاول بعدين قلت ليش احبسها واسبب لها حاله نفسيه هي في غنى عنها

الناس لازم تقتنع وتصمت امام اطفالنا مثل مااتقبلك تتقبلني وتتقبل بنتي
اذا احد سالك جوابي بكل فخر واعتزاز.. هذي بنتي وهذي شوية قشور مع الزمن راح تختفي ان شاءالله اذا طفل ضايقها حاولي تاخذينه على جنب وتتفاهمين معاه وتقولي له هذي انسانه مثلك اذا تحملتها وتفهمت وضعها لك الجنه واذا ضايقتها الله يزعل منك ...
وبالنسبه لتركيبة وائل انتي لك الخيار لكن لا تقسي على بنتك مثلي كنت ابغى انهي القشور من حياتها حتى اتعبتها انتبهي الامومه احيانا تقتل وتؤلم اذا جربتي لا تزيدي عن تركيز 5%


اعتذر على الاطاله لكن احب افيدك بما كنت افتقد له