وش اسم المرهم البديل

[غانم الميثان]

يابعد وجهي وجهك انت

ابد تخبر هالصدفيه جايه لزوجتي في منطقة الاذن وحوله وابي علاج له وحاليا نستخدم مراهم خفيفه

ولاهنت ياجدي ، وابيك تفيدني عاد ..

[أبو ريماس]

المشاركة الأصلية كتبت بواسطة غانم الميثان

يابعد وجهي وجهك انت
ابد تخبر هالصدفيه جايه لزوجتي في منطقة الاذن وحوله وابي علاج له وحاليا نستخدم مراهم خفيفه
ولاهنت ياجدي ، وابيك تفيدني عاد ..

ابشروو بالخير اجل عز الله ان شاء الله انكم وصلتوو للعلاج يبو ميثان
دوك يا بعدي اول شي احذر ثم احذر ثم احذر من استخدام اي مراهم كرتوزونية وحتى هالمرهم اللي كتبته لا تستخدم ام العيال انتبببه تكفى لان فيه نسبه من الكورتوزون ومن اشهر المراهم والكريمات اللي فيها كرتوزون :
ايلكوم و ديرموفيت و دايفوبيت ... و مراهم اخرى
ومادام الصدفية في الاذن باذن الله علاجها سريييييع جدا جدا اذا كانت الصدفية خلف الاذن و ما سبق انها استعملت مراهم كورتوزونية ...
اما ان كانت الصدفية في صيوان الاذن فراح تاخذ وقت ابطئ شوي
والعلاج يا طويل العمر انك تعض ثوبك وتزززرق لصيدلية ادمه ان الله احيانا باتسر ...
وتقول عطوني محلول قطران الفحم الحجري بنسبة 20% خذ لك نص لتر او لتر
ثم تعال يا مال الغنيمة للبيت وجب لك عود الاذان تعرفه اللي ينظفون به الاذان و غمسه يا طويل العمر في المحلول ثم حطه على مكان الصدفية ... يوميا مرتين ... واذا راحت تماماااا ابدا وعد ست شهور يوميا ...
ثم الست الشهور الثانية يوم ورا يوم
ثم الست شهور الثالثة يومين ما فيه ويوم فيه
ثم الست الشهور الرابعة و الاخيرة يوم واحد تستخدم محلول القطران في الاسبوع .
وبعدها باذن الله معد راح تشوف خشة الصدفية مدى الحياة يا بعدي
طبعا باذن الله الصدفية بعد الاسبوع الاول او الثاني من بداية استخدام المحلول بتختفي ... ان كانت خلف الاذن ...
وتراها تلذع شوي اذا حطيت المحلول يعني عادي طبيعي لا تقلق ولا تخاف ...
الاعراض الجانبية : <<< وش عنده الروشته هههههههههههه
1- احتمال الاسمرار ... ويختفي باذن الله بعد فترة من ترك العلاج .
2- بثور بسيطة احيانا وتختفي ... وهي حبوب طبيعية عبارة عن لفظ الجلد لمادة الاسفلتين الموجودة في محلول القطران و التي لا يستفيد منها الجلد ...
3 - احتمال شد بسيط في المنطقة المصدوفة ويمكن استعمال اي مرطب ... فازلين او كريم عادي مثلا .
وسلامتك .... وبإذن الواحد الاحد بتدعي لي
وفالك المليووون يبو ميثاان >>> تحمس الولد هههههههههههههه