تجربتي مع مرض السمكية ( وأفضل الطرق لإخفائه تماما ) وتمتع بجسد معطر طول اليوم

[يارب تشفينا]

السلام عليكم ورحمة الله وبركاته

آممم مدري وش اقول بس ...
نفس الوضع + نفس الحال .. تقريبا مثلكم ...
بس اللي محيرني .. إن اغلبكم كان يقول من الولادة او اكتسبها في شهور ...
حالتي غريبه عنكم .. انا جاني لما وصل عمري تقريبا 4 سنوات .. قبلها جسدي خالي منها تماما وجسد طبيعي ...
وصراحه .. مره تختفي مني تكاد تزول ومره ترجع وبكثره .. راجعت كثير من العيادات الجلديه .. نفس الكلام مافي علاج لها , غير إن معظم كلامهم استخدم الفازلين .. ومع الوقت واذا كبرت راح تختفي منك .. ( لا جديد ) نفس الوضع مره تجيني ومره تختفي
وجهي سليم ولله الحمد .. رقبتي سليمه ايضا ..
جسدي فيه بس مو مغطي كل جسدي يعني اطرافي فيها من جهتين وجهتين خاليه تماما الا اذا اهملت نفسي كثير احيانا كثير ما اعطيها اهتمام لاني امل منها اطفش تعب
فترات اهتم وتروح بس بسرعه ترجع في غضون اسبوع وهي راجعه هههه (تحبني)
الجديد بالموضوع اول مره احاول ادخل منتديات واثارني موضوع اخونا وائل الدوسري الله يجزاه بالجنة ..
طبعا من كثر الحماس قريت الصفحات والنتايج لاخواننا واخواتنا صغار وكبار .. بصراحه شدني الموضوع اني اجرب الوصفه اللي كتبها اخونا وائل ... وبعدها بسجل لأشكره ..
بس الصدمه ههه .. إني رحت للصيدليه اللي وصفتها ( اللي بعد عيادة ديرما بعد مبنى الحمراني ب 900 متر تقريبا وكلمتهم .. قالوا من زمان وقفنا هالعلاج من فتره )
رحت للصيدليه الثانيه أدمة وما كان يهمني السعر تقريبا لو زدت 50 ريال او 100 بس ابي افتك صارت هم ..
قال لي نفس الوضع من زمان موقفينه لكن راح اكلمهم بالرياض واشوف ,,, واخذ رقمي لكن لا جديد قال بيتواصل معي وسحب علي .. لا زلت انتظر )
بصراحه انا كنت بكلم الاخ وائل علشان اشتريها او يرسله لي .. بس ما حبيت اتعبه لاني شوفته حيل مشغول مع اخواني المرضى .. يرسل ل هذا وهذا وهذا فقلت انا راح اوصل لها .. بما انه نزل صوره ونزل مواضيع كثيره ... وشرح الكثير .. بس وصلت الى طريق مسدود قلت بكتب الموضوع ....
اتمنى بس تقولي من وين اقدر اوصل للعلاج هذا ... والله يجزاك كل خير ..
كنت بستخدم واعطيكم مفاجأه بس خربت علي
... بصراحه ما تضايقني كثير في حكه او غيرها ... بس اتضايق ما اقدر البس اي شيء لازم طويل لاززم اغطي جسدي مقدر اسبح ... اشياء كثيره تسبب لي قلق

على العموم اعتذر على الاطاله ...
واتمنى لكم الشفاء العاجل يارب
والله يجزاكم بالخير جميعا ويكتب لكم الاجر والمثووبه
اخوكم سلطان 23 سنه