طريقة تحضير محلول قطران الفحم الحجري من الخام مع الصور

[ايهاب العراقي]

هلا اخوي العزيز ابو يوسف..بالنسبة اليا اني ممجربها..بس اللي اعرفه انو استاذ قيس كلي انو يخفف القطران اللي يحضره بتركيز 40% ..بأستعمال ايثانول اقل نقاوة من 99.9
وبالنسبة لمحلول ميدكس الجاهز (اكو ضعيف واكو قوي)بس ممكتوب التركيز فقط مكتوب عندهم محلول ضعيف واللي يتكون من 200 غم قطران خام(قطران خام نفس اللي عدنا اللي يبيعوه ممكتوب قطفة أولى)+1000 مل ايثانول بنقاوة 96%+50 غم بولي سوربيت ..وهذي صورة محلول ميدكس الجاهز (الضعيف) اللي اشتريته حضرتك



بينما المحلول اللي احضره اني يتكون من يتكون من 300 غم قطران خام+1000 مل ايثانول بنقاوة 98.5% تقريبا (حسب ماحلله ابو طه) وهذي صورته



اني دا الاحظ من خلال الصورة انو القطران اللي اني حضرته لونه اقوى وقوامه اثخن امبين وتركيزه اقوى امبين...وحتى من خلال القطنة ايضا
وبالنسبة للمحلول القوي اللي تبيعه ميدكس يتكون من 400 غم قطران خام +1000مل ايثانول بنقاوة 96% +50 غم بولي سوربيت 80
فأن شاء الله من يوصلك المحلول الجاهز مال ميدكس بتركيز خلينا نشوفه وعود نحكم عليه..وراها حتى الواحد يكدر يقدر شكد يضيفله ايثانول
وبالنسبة لشركة ايفاس كان محلولها ابو تركيز 20% يتكون من 200 غم خام ولكن(قطفه اولى اي كله يذوب بدون مايترسب منه شي حسب ما حجالنا ابو طه من تجربته) اما خام ميدس فلاحظت انو تقريبا فقط 32% منه يذوب والباقي يترسب لأن فقط 32% هي القطفة الأولى والباقي قطفة ثانية وثالثة .. اي مواد لاتذوب بالأيثانول النقي..تحياتي